Atu 21
21
Paulu usika Tiru kiti
1Asui yasu rire aintasui yasu naviu rupi sutinga irumu satambika Kuzi kiti, asui yepe ara rire yasu Rudi kiti, asui yasu Patara kiti.
2Asui yawasemu amu naviu usuwaa Fenisia kiti, asui yawiye aintairumu, asui yasu aintairumu
3Asui yamaa irumu Xipri yayasawa sendawa kiti, yasu arama Siria kiti, asui yayari Tiru kiti, nyãse aintauputari aintauxari ibagaji akiti.
4Asui yawasemu kuaita uruyariwaita, ape yaiku aintairumu seti ara; asui Espiritu Santu irumu aintaumbeu Paulu supe tiarama usu Jeruzalẽ kiti.
5Asui sangawa yasu arama aintasui, asui aintauri yaneirumu panye aintarimirikuita aintarairaita yuiri aintarendawa sui, asui yamunya benditu praya rese yapurandu arama Deus irumu.
6Asui yambeu yaneresewara ainta supe, asui yawiye naviu kiti, maa amuita aintauyuiri aintaruka kiti.
Paulu usu Sezareya kiti
7Asui yasu rire Tiru sui yayari Pitulumaida kiti, asui yamukuema kuaita uruyariwaita asui yaiku aintairumu yepe ara.
8Asui wirande kiti yayuiri aintasui yasu arama Sezareya kiti; asui yawike Filipe ruka upe kua umbuewaa nyenga purangawaa, aete aintasuiwara kuaita setiwaita, asui yaiku irumu.
9Uriku kuatru tayeraita kunyamukuita utitikawaita ainta.
10Asui yaiku irumu yepeyepe ara, asui uri yepe utitikawaa Judeya suiwara serawaa Agabu.
11Asui uri umaa yanepiri, asui umaa Paulu sinturão, asui upukuari ipi ipu yuiri, asui unyee:
—Yawe unyee kua Espiritu Santu yawe kuri judewita upukuari Jeruzalẽ kiti kua sinturão iyara asui aintauxari kuri ae aintaipu kiti kuaita tiwaita judeu.
12Asui yasendu irumu kua inyenga yapurandu ae aintaupurandu yuiri ae kuaita amuita tiarama usu Jeruzalẽ kiti.
13Asui Paulu usuaxara ainta:
—Marantaa peyaxiu, marantaa pemusasiyara sepia? Nyãse suuri ixe prezu arama ixe, suuri yuiri ixe hamanu rame Jeruzalẽ kiti sera resewara kua yaneruixawa Jesus.
14Asui tiumunya kuaye yambeuwaa yawe, asui tiyapurandu ae, asui yambeu ixupe:
—Remunya kuaye yaneruixawa uputari yawe.
15Asui yawe rire yayumukaturu yasu arama Jeruzalẽ kiti.
16Asui yepeyepe uruyariwaita Sezareya suiwaraita aintausu yaneirumu, asui aintaurasu aintairumu yepe uruyariwaa tuyuwe serawaa Minasum yakiri arama suka upe pituna rame.
Paulu usika Jeruzalẽ kiti
17Asui kuaita uruyariwaita suuri aintausuanti yande yasika irumu Jeruzalẽ kiti.
18Asui wirande kiti Paulu usu yaneirumu Tiagu ipiri, ape aintaumuatiri panye kuaita ingreja serakuenawaita.
19Asui umukuema rire ainta, umbeu ainta supe arama panye Deus umunyawaita irupi upuraki resewara ixupe.
20Asui aintaumee purangawaa Deus supe aintausendu irumu kua inyenga, asui aintaunyee ixupe:
—Inde yaneanama, rekuawate siya mili kuaita uruyariwaita aintapiterupi kuaita judewita, asui kirimbawa aintauruyarire kua Deus nyenga kuximawara.
21Asui aintausenduana neresewara rembue panye kua judewita tiwaita judeu piterupi aintauxari arama Muize nyenga, aintausendu neresewara rembeu ainta supe arama tiarama aintausirkunsidari aintaraira, tiarama aintaumunya aintakustumi Deus nyenga kuximawara rese.
22Maataa kuri yamunya? Nyãse aintaukuawa kuri resikana.
23Ape kuri remunya kuaye yambeu yawe inde arama:
—Aikue yanepiterupi kuatru apigawa aintarimutara aintaumukame yamaa aintaumunya kuaye aintaumbeuwaa yawe Deus supe.
24Resu aintairumu kuaita apigawaita asui reyumukaturu aintairumu, asui repagari aintauyapina arama aintaawa, ape aintaukuawa kuri timaa supiwa kua aintaumbeuwaa nerese; maa aintaukuawa arama kuri remunyate maye Deus nyenga kuximawara.
25Maa kuaita tiwaita judeu uruyariwaita yambeuwana ainta supe papera upe yamanduari tipuranga aintaumbau sukuera aintauxariwaa idulu supe, timaa yuiri aintauu tuwi, timaa yuiri aintaumbau sukuera tiwa aintauyuka isui tuwi, timaa yuiri aintaumunya tenyuntu aintapira irumu.
26Asui Paulu usu aintairumu kuaita apigawaita asui uyumukaturu aintairumu, asui uwike templu kiti umbeu arama aintaukuawa arama maa ara upe uyupiru umunya kua umukaturu arama uxari arama yuiri aintaresewara muiri ainta.
Aintaumprezu Paulu
27Asui kuaji aintaumbauwaa seti ara umukaturu arama ainta, aintauri kuaita judewita uriwaita Azia sui aintaumaa Paulu templu upe, asui aintaupurungita puxuwera Paulu rese, asui aintaupisika ae aintaipu irumu.
28Asui aintausasemu:
—Penye israelitaita peajudari yande nyãse kua apigawa uwata umbue kua miraita aintaumuruanyana yande, aintaumuruanyana Deus nyenga kuximawara, kua yanerendawa yuiri, asui urasu greguita templu kiti umuaiwa kua yanerendawa purangawaa.
29Asui aintaumaawana Trufimu kua Efezu suiwara uwata Paulu irumu aintarendawa upe, asui aintaumanduari urasu ae irumu templu kiti.
30Asui aintauyumpiaiwa panye kuaita miraita aintarendawa upe, aintapiaiwa aintauyumuatiri, ape aintaupisika Paulu aintausiki ae templu sui, asui arire aintaumusikindawaa ukena.
31Asui aintauputari aintauyuká ae usendu aintaresewara kua kumandanti aintapiaiwa panye kuaita Jeruzalẽ upewaraita.
32Asui kua kumandanti urasu suraraita aintakapitão yuiri asui uyana aintapiterupi, asui aintaupitu aintaunupa Paulu aintaumaa irumu kua kumandanti suraraita yuiri.
33Asui kua kumandanti umusuaki Paulu, asui upisika ae, asui umundu isuraraita aintaupukuari ae mukuĩ kurenti irumu, asui upurandu miraita:
—Maataa sera kua apiga? Asui maataa umunya penye arama?
34Maa kuaita miraita aintausasemu kirimbawa, amuita usasemu amu nyenga rupi, asui amuita usasemu amu nyenga rupi yuiri, asui tiumanduari supiwa maa resewarataa aintauyumpiaiwa, ape umundu aintaurasu ae suraraita ruka kiti.
35Asui Paulu usika irumu eskada upe aintausuanti aintausupiri ae aintaurasu ae kuaita suraraita, nyãse aintauyumpiaiwa kuaita miraita siyawaita.
36Maa kuaita miraita siyawaita aintausu sakakuera aintausasemu aintaunyee:
—Peyuká ae.
37Asui aintaumuwike irumu Paulu suraraita ruka kiti, unyee ixupe arama kua kumandanti:
—Maitaa rexari hapurungita neirumu? Asui usuaxara ae:
—Maitaa rekuawa gregu nyenga?
38Maitaa tiserá inde kua Egitu suiwara urasuwaa kuatru mili apigawaita kampu kiti, kuaita uyumimiwaita aintakise aintamaa wirupi aintauyuká arama amuita uyumimisawa upe?
39Asui Paulu usuaxara ae, unyee:
—Ixe judeu uriwaa Tarsu sui, yepe tetama purangawaa Silisia kiti. Kuiri hapurandu inde, rexari hapurungita ainta supe arama kuaita miraita.
40Asui uxari upurungita, asui upuamu eskada rese, umukiriri ainta ipu irumu kuaita miraita asui aintaukiriri, asui upurungita aintairumu ebreu nyenga rupi.
Currently Selected:
Atu 21: BBp
Highlight
Share
Copy
Want to have your highlights saved across all your devices? Sign up or sign in
© 2021 Missão Novas Tribos do Brasil
Todos os direitos são reservados à:
Missão Novas Tribos do Brasil
Rua Itália, Qd. 57 L. 5-7 - Santa Isabel
75083-310 Anápolis, GO
