Atu 12
12
Erudi umuruanyana Tiagu Pedru yuiri
1Nyã tempu Erudi umundu aintaumprezu aintauxari aintaupurara yepeyepe ingreja puraita.
2Asui uyuká espada irumu Tiagu kua Juão imu.
3Asui umaa irumu suuri kuaita judewita aintaumaa yawewaa umprezu yuiri kua Pedru. Nyã ara upe aintaumbau pão seẽwaa.
4Asui umprezu rire ae umburi ae kadeya kiti asui uxari dezeseis surara aintausaru ae, asui uputari urasu miraita umaa arama ae paskua rire.
5Asui aintausaru Pedru kadeya upe, maa kuaita ingreja puraita kirimbawa aintaupurandu sese Deus irumu.
6Asui nyã pituna senundere Erudi uputari uxari miraita umaa ae Pedru ukiri mukuĩ suraraita aintapiterupi aintaupukuari ae santa mukuĩ kurenti irumu, asui aintausaru ae ukara kiti kuaita guardaita.
7Asui uri yepe yaneruixawa anju asui yepe turi umuturi kadeya upe, asui upisika Pedru iapa rese umbaka ae umbeu ixupe:
—Repuamu kutara, asui kuaita kurenti uwari ipu sui.
8Asui kua anju umbeu ixupe:
—Remundeu nerupa rexari nesapatu neipi rese. Asui umunya yawe. Asui kua anju umbeu yuiri ixupe:
—Rexari nerese nepupekawa asui reyuiri serakakuera.
Anju uyurawa Pedru kadeya sui
9Asui usemu usu sakakuera, maa tiukuawa supiwa nyã umunyawaa ixupe kua anju, umanduari ikerupintu.
10Asui aintausasawa rire kua primeru guarda asui kua mukuĩsawa guarda yuiri aintausu kadeya rukena kiti feru suiwara usu aramawaa sidadi kiti, asui uyupirari simutara asui aintauwata pee rupi asui anyunte kua anju uyuiri isui.
11Asui upaka rame puranga kua Pedru umbeu ipia upe:
—Kuiri hakuawa supiwa seruixawa umundu ianju uyurawa arama ixe Erudi ipu sui uyurawa ixe isui kua aintauputariwaa aintaumunya ixe arama kuaita judewita.
12Asui umanduari irumure uiku sese usu Maria ruka kiti kua Juão Marku maya, apete siya miraita aintauyumuatiri aintaumbeu arama Deus.
13Asui usenui irumu ukena upe uri umaa awataa ae kua kriada serawaa Rudi.
14Ukunyeseri irumu Pedru nyenga suuri ipia, asui tiumanduari uxari uwike maa uyuiri uyana umbeu ainta supe:
—Pedru uiku ukara kiti.
15Asui aintaunyee ixupe:
—Neakangaiwa reiku inde. Maa kirimbawa umbeu yuiri:
—Supiwa hambeu aete. Asui aintaumbeu:
—Ianju ae.
16Maa Pedru usenui uiku, asui aintaupirari ixupe ukena aintaumaa ae asui aintaakayemu aintaumaa.
17Maa ipu irumu umukiriri ainta, asui umbeu ainta supe maye yaneruixawa uyuka ae kadeya sui, asui umbeu yuiri:
—Pembeu Tiagu supe yanemuita supe yuiri. Asui usu amu kiti.
18Asui kuemana ainta aintauyumusikie kuaita suraraita nyãse tiaintaukuawa maye kua Pedru rese.
19Asui Erudi usikari ae, asui tiuwasemu ae asui upurandu kuaita suraraita, asui umundu aintaukastigari kuaita suraraita. Asui usu Judeya sui Sezareya kiti uikupuku uiku akiti.
Erudi umanu
20Erudi ipiaiwa umaa kuaita miraita Tiru upe Sidum upe yuiri, maa aintauri ipiri yepewasu aintauwasemu rire purangawaa Blastu irumu kua aintaruixawa ajudarisara, asui aintaupurandu ae uxari arama timaarese aintauiku, nyãse aintamiraita aintaupiripana aintaumbau arama aintaruixawa retama sui.
21Asui nyã ara Erudi umbeuwaa umundeu tuixawa rupa asui uwapika tuixawa trunu upe, asui upurungita ainta supe.
22Asui kuaita miraita aintausasemu aintaumbeu:
—Yepe tupana nyenga ae timaa apigawa nyenga ae.
23Asui aramete yepe yaneruixawa anju ukastigari ae, nyãse timaa umee purangawaa Deus supe, asui tapuru umbau ae, asui umanu.
24Maa yaneruixawa nyenga uyukiriari puranga uyusãi aintapiri kuaita siyawaita.
25Asui aintauyuiri Jeruzalẽ sui kuaita Barnabe Saulu yuiri aintaumbauwaa rire aintaumunya kua aintaupuranduwaa aintaumunya, asui aintaurasu aintairumu yuiri kua Juão aintauserukawaa Marku.
Currently Selected:
Atu 12: BBp
Highlight
Share
Copy
Want to have your highlights saved across all your devices? Sign up or sign in
© 2021 Missão Novas Tribos do Brasil
Todos os direitos são reservados à:
Missão Novas Tribos do Brasil
Rua Itália, Qd. 57 L. 5-7 - Santa Isabel
75083-310 Anápolis, GO
