DOMAANO 10

1Änwanno jimmä, iisadaaediitacoomo yääwanaaca’seiñe jooje tötö’tajä’e wäänene; Wanaadi wwä chääjäcäiñe töwa’deuwe wäänene dea. 2Öwö yoowanääcä na jooje Wanaadi tumjumma yeichöcoomo, towaanäcäiñe yeiyancädä’daane. 3Tönwanno dhowaanäcäiñe’da na Wanaadi wwä töjaadonooje soto tödöötojo. Tönwanno Wanaadi necammadö woije chääjadoonoje töwä’dö’seiñe’da naato; tumjummadööcomo woije mma Wanaadi jadoonoje töwä’dö’seiñe naato. 4Quidiito cönaacoichajoi yää jenaado’jä waanontänä; yääje yeijäcä tameedä Quidiito ecaanö’nei Wanaadi töjaadonooje nödööa.

5Edääje Moisé cömmennäi waanontänä tödöödö que Wanaadi jadoonoje wä’dönä jäcä: “Ñäädä waanontänä tödöönei yää tödöödö jäcäinchädä töweichö neneea’de;” quee Moisé cömmennäi. 6Edääje imennaajä nä’döa ecamjödö que daja Wanaadi jadoonoje wä’dönä jäcä: “Edääje chö’tajä’jai’cha ma: ¿Änääcö caju ña täjai ñai Quidiito enö’tä? 7¿Änääcö nono nwacäi ääwaacajai ñai Quidiito adoncadö wetä yäämaajo jonno? quee chö’tajä’jai’cha ma;” quee imennaajä nä’döa. 8Amoinche’da dajaane Quidiito na äjääcä. ¿Edääje jönca imennaajä nä’döaanä: “Amoinche’da Wanaadi a’deddu na äjääcä. Äntaca dha’deddu na, ätö’tajäätödö aca mmaja;” quee jönca nä’döaanä? Yää ecammajäätödö necammaadö ecamjödö jäcä töneecammajä’e ñaa weneenedö. 9Äntadö que äwwä ecammajä’a’jäcä Jesuuquidiito Cajiichaanaje yeichö, ätö’tajäätödö que ecaanö’a’jäcä mmaja Wanaadi wwä yäämaajo jonno adonca’jödö, yaawä töwääwanaaca ma’de. 10Tötö’tajäätödö que ecamjödö töweiye nai, Wanaadi jadoonoje töwä’döjoodö wetä, töntadö que ’quene töneecanö’e töweichö wääcammanä nai, töwääwanaacadö wetä.

11Edääje Wanaadi a’deddu imennaajä nä’döa: “Ñäädä ecaanö’nei ämjöichojo’da wa’de;” quee. 12Äänöngeiñe naato judhío jadäiñe judhíojöncomo; ñäädä dea Cajiichaana Chäädhajootoncomooje na. Ewontancädä’da töwö nu’a tameedä töwwono wa’deuwödö wwä. 13Edääje mmaja imennaajä nä’döa dea: “Tameedä Cajiichaana wwono wa’deuwödö nääwanaaca’de;” quee. 14Yaawääne’ ¿aaquene mmaja Wanaadi wwä a’deuwödööto deeade’, töneecanö’e töweichöcoomojöönö? ¿Aaquene aneecamjödööto deeade’, eta’jödööjönö töwwäiñe? ¿Aaquene aneetadööto deeade’, töwwäiñe ecammajä’nei ’je’da yeichaame? 15¿Aaquene chäwwäiñe ätääcammajäätödö deeade’, chäwwäiñe ecammajä’nei tanontä yeichöjöönö? Edääje Wanaadi a’deddu imennaajä nä’döa: “Aashicha töweiye nai ñäädä wääma’tädö, aashichaato wätunnä ecammajä’nei, yää täncanoode’da weiñä jäcoono;” quee.

16Yääje yeichaame tameedä’da aashichaato wätunnä etannamo’jödö töneecanö’e naato. Edääje Isaía nimennä’jödö nä’döa: “Cajiichaanä, ¿änääcö necaanö’anä ñaa necammajäätödö?” quee. 17Mädääje na; ecamjödö töweiye nai ecammajäätödö etaadö que; yää tätaajä’emö yää Quidiito wätunnäi.

18¿Aashichaato wätunnä ecammajäätödö aneeta’da ca iisadaaediitacoomo naicho, yääje yeiya’jäcä? Ng’jn, aneeta’da’da. Edääje Wanaadi a’deddu imennaajä nä’döa:

Ñeecammajäätödööcomo töwäämecantä na tameedä nono weichö wa’cä;

dha’dedducoomo mmaja töwääta na tameedä nono juntaichomo weichö wa’cä; quee imennaajä nä’döa.

19Yääje yeijäcä yääje wä’döa: ¿Dhowaanäcäiñe’da ca iisadaaediitacoomo nai? Dhowaanäcäiñe ’cännä. Edääje Wanaadi wa’deuwö’jödö Moisé nimennädö naadö naane’:

Ñanno sotooje’da naatoodö wi’ñeimmajaato’de äwwäiñe.

Soto towaanojo’nemjöncomo jäcä maneetömaajaato’de; quee.

20Edääje mmaja Isaía Wanaadi wa’deuwö’jödö cöneecammai chea:

Ñanno yuujiiñamoojönö yeedantäneeto;

öwö wäänejoone yencano’tännamoojönö wwä; quee Isaía cöneecammai.

21Edääje mmaja iisadaaediitacoomo jäcä Wanaadi wa’deuwö’jödö Isaía cöneecammai chea: “Ano ñadäädä a’dejjadööcomooje wä’jaanä soto töjaanaquemjöncomo, woijemjöncomo mmaja;” quee.

Currently Selected:

DOMAANO 10: MCH

Highlight

Copy