Popular Bible Verses from DOMAANO 10

Share

Äntadö que äwwä ecammajä’a’jäcä Jesuuquidiito Cajiichaanaje yeichö, ätö’tajäätödö que ecaanö’a’jäcä mmaja Wanaadi wwä yäämaajo jonno adonca’jödö, yaawä töwääwanaaca ma’de.

Tötö’tajäätödö que ecamjödö töweiye nai, Wanaadi jadoonoje töwä’döjoodö wetä, töntadö que ’quene töneecanö’e töweichö wääcammanä nai, töwääwanaacadö wetä.

Mädääje na; ecamjödö töweiye nai ecammajäätödö etaadö que; yää tätaajä’emö yää Quidiito wätunnäi.

Edääje Wanaadi a’deddu imennaajä nä’döa: “Ñäädä ecaanö’nei ämjöichojo’da wa’de;” quee. Äänöngeiñe naato judhío jadäiñe judhíojöncomo; ñäädä dea Cajiichaana Chäädhajootoncomooje na. Ewontancädä’da töwö nu’a tameedä töwwono wa’deuwödö wwä. Edääje mmaja imennaajä nä’döa dea: “Tameedä Cajiichaana wwono wa’deuwödö nääwanaaca’de;” quee.

¿Aaquene chäwwäiñe ätääcammajäätödö deeade’, chäwwäiñe ecammajä’nei tanontä yeichöjöönö? Edääje Wanaadi a’deddu imennaajä nä’döa: “Aashicha töweiye nai ñäädä wääma’tädö, aashichaato wätunnä ecammajä’nei, yää täncanoode’da weiñä jäcoono;” quee.

Yaawääne’ ¿aaquene mmaja Wanaadi wwä a’deuwödööto deeade’, töneecanö’e töweichöcoomojöönö? ¿Aaquene aneecamjödööto deeade’, eta’jödööjönö töwwäiñe? ¿Aaquene aneetadööto deeade’, töwwäiñe ecammajä’nei ’je’da yeichaame?

Quidiito cönaacoichajoi yää jenaado’jä waanontänä; yääje yeijäcä tameedä Quidiito ecaanö’nei Wanaadi töjaadonooje nödööa.