DOSECHO 21

Jeduusadén ña Paudo wötä’jödö

1Yaawä ñanno quedeiyentecoomo jonnoiñe ñaa wöta’jäcä, sa’donna ñaa cöntämä Cooso ña; yää jenamma naadöje ñaa cönä’döi yaawä Dooda ña. Yäätonno ñaa cöntämä Paatada ña. 2Yäätä ñaa cöneedantäi jidaawa, Jeniisiya ña iichädö. Ñaa cönä’täi yaawä; yää awä ñaa cöntämä. 3Chiipede ña töwä’döa’jäcä ñaa cöneeja’dätäi ämu’demjönö dö’se; Siidiya ña ñaa cöntämä yaawä. Ñaa cönaajäi yaawä Tiido ña, yäätä jidaawa acaano encatoojo yeijäcä. 4Yäätä ñaa cönoojodöi quedeiyentecoomo jadä; chääjadäiñe ñaa cönä’jaacä aaca amoojato anooto. Tönwanno Epíiditu Santo woije cönä’döa’to Paudo wwä:

—Mötäi’che Jeduusadén ña; quee cönä’döa’to.

5Yaawä aacä amoojato anoototo ai ñaa cöntämä yäätönno. Tameedä ñanno quedeiyentecoomo ñaa a’nontäneeto jata tö’cäi tödööene, ijiiñantoncomo mmaja, iiñacontoncomo mmaja. Tä’mudhe ñaa cönä’döi yaawä sa’dada de’wä; Wanaadi wwä ñaa cöna’deuwöi yaawä. 6Yaawä ajoojancädäiñe ñaa cönääcammai chäwwäiñe; ñaa cönä’täi yää ’jeje jidaawa aca. Tönwanno cönennacaicho yaawä tömmaichomo taca.

7Yaawä Tiido ñanno na’cwai ñaa cöntämä Toodemaiya ña. Iiñancomo quedeiyente ñaa cöna’dejjaicho; tooni anooto ñaa cönä’jaacä chääjadäiñe. 8Yää jenamma naadöje yäätonno Paudo cöntämä Seesadeea ña; ñaa mmaja ñaa cöntännea chääjadä. Iiña ñaa cönoomomöi Jediipe mmai chaca, ñäädä Wanaadi a’deddu ecammajä’neije anontaajä. Töwö Jediipe cönä’jaacä diyaacono jimmä. Ñäädä jadä ñaa cönä’jaacä yaawä. 9Iiñacoomo cönä’ja’to aacäichea ajei’choto’ja’como, töiñoquemjöncomo. Ñanno töneecammajä’e cönä’ja’to Wanaadi nutuudu woije. 10Äächädä anooto chääjadäiñe ñaa wä’döa’jäcä Judheea ñanno Wanaadi wa’deuwödö ecammanei cöneejä, Aacawooje chäätö. 11Töwö cöneejä ñaa ene. Yaawä töwö cunu’cai Paudo ’dha’cäcoono. Yää que tu’judu cömmöi, tamäädö mmaja. Yaawä töwö cönä’döaacä:

—Epíiditu Santo yääje nä’döa: Edääje judhíocoomo Jeduusadén ñancomo nimööaato’de edä cudeiya edhaajä; anejjacoomo soto wwäiñe nu’aato’de yaawä; quee cönä’döaacä Aacawo Paudo jäcä.

12Yää eta’jäcä edääje ñaa cönä’döaacä Paudo wwä:

—Mötäi’che Jeduusadén ña; quee ñaa cönä’döaacä.

13Yaawä töwö Paudo cönä’döaacä:

—¿Ane’que’nei maamoaato? ¿Ane’que’nei wentumje cödööjaato? Täncanoode’da wa öwö. Yääje’ mööaatoone’ Jeduusadén ña. Jesuuquidiito junnei äämajai wa dea; quee cönä’döaacä.

14Ye’wononcajai’cha ñaa weijäcä ñaa cöneeta’jöjäätöi yaawä; edääje mmaane ñaa cönä’döaacä:

—Cajiichaana woije nei’ñojo; quee.

15Yää ’jeje ñaa cönääma’täi yaawä Jeduusadén ña ñaa wötäädö wetä. 16Ñaa jadä cöntonto anejjacoomo Seesadeea ñancomo quedeiyentecoomo. Dhantawäiñe cönä’jaacä Masón, Chiipede ñano. Töwö Masón cönä’jaacä quedeiyente jenaado’jä. Ñäädä mmai chaca ñaa wä’dötoojo cönä’jaacä.

Jacoowo ene Paudo wötä’jödö

17Yääje mma yaawä Jeduusadén ña ñaa wä’döa’jäcä tameedä quedeiyentecoomo ñaa a’dejjaneeto ta’cwaiñe töweichöcoomo que. 18Yaawä yää jenamma naadöje Paudo jadä ñaa cöntämä Jacoowo döiña; yäätä cönä’ja’to tameedä ansiyaano. 19Ñanno a’dejja’comjäcä Paudo cöneecammajäätöi tameedä Wanaadi nödööjo’jödö töwwä judhíojöncomo jäcäiñe. 20Yää eta’jäcä aashicha ñanno cöna’deuwa’to yaawä Wanaadi jäcä. Tönwanno cönä’döa’to Paudo wwä:

—Eneecä’ma, jooje naatoodö judhío quedeiyentecoomo, Moisé waanontä’jödö tödönnamo. 21Tönwanno adheecadö töneeta weneeneto judhío aneiñajancomo Moisé waanontä’jödö e’nomjajoodöje tönoowanoomaiñe aweichö, siicunsidaadoje iiñacoomo ännöjo’da aweichö mmaja; judhío wätunnäichomo ännöjo’da aweichö mmaja töneeta weneeneto dea. 22¿Aaquene yaawä, quee ’ja? Äwä’dö’jödö eta’jäcä tameedä jataawoncomo noojodööaato’de. 23Yääje yeijäcä ñaa necammadö woije tödööcä. Eetä naato aacäichea dhanwaacomo; Wanaadi wwä töwääcamma’jocoomo nödööaato. 24Chääjadäiñe aamoichacä. Amäädä ejeemacä’de yaawä chääjetö, tuju’jocoomo töcaiyeto yää ’jeje. Yaawä soto dhowaanäcäiñe na’de chäänönge’da yeichö yää äjääcä töwääta weneenedö. Tönwanno dhowaanäcäiñe na’de yaawä jenaado’jo waanontänä woije tönnöe aweichö. 25Ñanno judhíojöncomo quedeiyentecoomo wwadäädäiñe mmaane ñaa cömmennäi yää chäwwäiñe tödööjojai’cha ñaa weichö jäcä; chu’taajä wwä u’ajä mmaane änämjo’da ñaa cöneiyacä chäwwäiñe, munu anaamejo’da mmaja, awö’cajä änämjo’da mmaja. “Amaasuduichatäi’che,” quee mmaja ñaa cömmennäi chea chäwwadäädäiñe; quee cönä’döa’to ñanno ansiyaano Paudo wwä.

Wanaadi weichojo taca Paudo ajäi’jödö

26Yaawä Paudo cönoojodöi ñanno töwaatamoichaamo jadäiñe. Yää jenamma naadöje töwö cönaatamoichai chääjadäiñe. Yää ’jeje töwö cönoomomöi Wanaadi weichojo taca, töwaamoichato’como wä’catoojo cu’nädö ecammadö wetä, yää töwaadäiñe saaquidiijiisiyo tödöötojo anooto.

27Yääje mma yaawä aacä amoojato anooto yä’döa’jäcä, töwaamoichato’como jäcä ä’cajai töwä’döa’comjäcä, anejjacoomo judhío Aasiya ñancomo Paudo cöneedantoicho Wanaadi weichojo taca. Tönwanno soto cönwodoichajoicho Paudo jäcä. Paudo cönaajoicho yaawä; 28töcä’de cöna’deuwa’to; cönä’döa’to:

—Änwanno iisadaaediitacoomo, ñaa ’wa’tätääcä. Määdhä dhanwa tameedä jata weichö wa’cä cone’da soto tönoowanoomaiñe weneene judhío jäcäiñe, jenaado’jä waanontänä jäcä mmaja, Wanaadi weichojo jäcä mmaja. Eduuwa Wanaadi weichojo taca judhíojöncomo namonno’joicho; mädääje Wanaadi weichojo nichoone’ma; quee cönä’döa’to ñanno Paudo jäcä.

29Tönwanno yääje cönä’döa’to Paudo jadä Todóojimo ene’jödö weijäcä jataawä. Judhíojöönö cönä’jaaca Todóojimo, Eujeeso ñano. Tönwanno cöneecanö’a’to Wanaadi weichojo taca ñäädä amonno’jaatäi Paudo wwä.

30Yaawä tameedä soto cöneewodoicha’to; tujuumä cöneeca’tömöicho Paudo wwadäädä. Tönwanno cönaajoicho yaawä; Wanaadi weichojo tacanno cöni’jiichöicho. Yaawä dea mma Wanaadi weichojo nata’tadö cöna’duicho. 31Yaawä chäwwäiñe Paudo emaadawä anejjacoomo soto suddau edhaajotoncomo wwä cöneecammaicho tameedä Jeduusadén ñancomo wewoodoichadööcomo. 32Yaawä ñäädä tösootoi cöni’jummaicho; ñanno tösootoi nanontädööcomo jäcä tö’wa’tännamo cöni’jummaicho dea. Tamjä’ne cöntonto yaawä yeewodoichadööcomo döiña. Yaawä soto wwäiñe suddau eneea’comjäcä, chäädhajootoncomo mmaja, tönwanno cöne’nomjaicho Paudo aiju’jätöödö. 33Yaawä suddau edhaajotoncomo cöntämä yoiñaiñe; töwö Paudo cömmöjoojätöi aacä cadheena que, jedeesoje adäädö wetä. Töwö Paudo cöneecamma’joi:

—¿Änääcö amäädä? ¿Ane’cäämö mödöi? quee cönä’döaacä.

34Soto cöncä’tömjä’a’to yaawä, dhantai anejjeja, dhantai ’chene anejjeja daja. Aashicha ääta’da yeijäcä suddau edhaajotoncomo Paudo cönaadojoi waadiya weicho’como taca. 35Yaawä cadeeda joi töwäncudaawäiñe ñanno suddau töncawäiñe Paudo cönaadäa’to soto wwäiñe ewontädööje, jooje töwäätöma ñanno soto weichomjäcä. 36Ñanno soto suddau ncäcäiñe cöne’a’to töcä’tömjä’ancädäiñe:

—Tämamje na; quee töwä’döancädäiñe, Paudo ecammancäda.

Soto wwäiñe Paudo wa’deuwö’jödö

37Yaawä waadiya weicho’como taca tadäädawä Paudo cönä’döaacä suddau edhaajotoncomo wwä:

—Wa’deuwö’se wa äwwä; quee.

Yaawä töwö suddau edhaajotoncomo cönä’döaacä Paudo wwä:

—¿Quidiiyeeco a’deucwato ca amäädä? 38¿Ñäädäjöönö ca amäädä yääje yeiya’jäcä, Ejiito ñanoojönö, jenaadä jata ’jemjönö aca cöntännö aacä soto soto emannamo tönwodoichadö jadäiñe? quee cönä’döaacä suddau edhaajotoncomo Paudo wwä.

39Yaawä Paudo cönä’döaacä chäwwä:

—Judhío dajaane öwö, Taadoso ñano, yää Sidiisiya ñano jata täneejucaato. Yääje yeijäcä ya’deuwö’ñojo canno soto wwäiñe; quee cönä’döaacä Paudo.

40Töwö suddau edhaajotoncomo cönä’döaacä yaawä:

—Adha’deucwä yääje yeiya’jäcä; quee.

Yaawä Paudo cönä’jaacä cadeeda de’wä; töwö tamäädö eneejojäätödö que soto cöneeta’jöichajoicho yaawä. Yeeta’jöa’comjäcä Paudo cönä’deuwöi chäwwäiñe eewedeeo a’deucwe. Töwö cönä’döaacä:

Currently Selected:

DOSECHO 21: MCH

Highlight

Copy