Lawana Nani 92
92
LAWANA 92 (91)
Mayuni aiwananka kum
Sabat lawana aiwananka ris yua ra.
1Dawan Laih Purara iwisma ba,
¡nahki painkira sa man ra tingki mai wiaia ba,
man ra mai kulkaia bara lawana sin aiwanaia bal!
2Titan ra bara tihmia ra man tânkam upla ra aisi kamni,
man lamtwanka lâka bara kasakkam lâka tânka ba sin,
3miusik awa bri ba kangbi
bara arp tâwa puli bara drum kangbi binka dauki kira.
4Man Dawan,
man bui warkkam daukram ba mita,
lilia ai daukram sa;
man mihtam warkka nani daukram ba,
lilia ni ai banhkram sa.
5Man Dawan, ¡nahki warkkam nani ba tara sa!
¡Nahki lukankam nani ba tihu sa!
6¡Upla sinskas nani baman baha tânka sip briras!
7Upla watawikira bara saura dadaukra nani ba,
inta wahia baku pâwisa bara sin uya sahwi kaka,
baha nani sut ba sauhki tikan kabia ban kaia ra.
8Sakuna man Dawan,
ban kaia ra laih purara iwisma.
9Diara kum kasak sa, Dawan:
waihlam nani ba sut sauhki tikan kabia;
saura dadaukra nani ba, yakabrira daukan kabia.
10Man kau karniki ba aikisma,
bîp wainhka karna ba baku,
bara yang laila ra batana laikisma.
11Yang kaikaia sna waihli nani ba nahki kauhbia ba;
¡walaia sna baha watawikira nani ai mamna lulki ba!
12Upla kasakkira ba lika,
kûku dusa tangnika baiwi ba baku kabia,
bara Líbano yalamka dusa pâwi ba baku sin.
13Baha nani Dawan tempelka ra mangkan kabia;
tempel bilara kutbanka painkira ra, Gâd bui yan pâwi ba baku.
14Almuk takbia sin ban ai mâ saki kabia;
piu sut karna kabia bara raya kabia sin,
15bara wibia Dawan ba yang kaini kahbaika,
witin ba wapni sa bara diara saura nani daukaia lâka witin ra luha sa.
Currently Selected:
Lawana Nani 92: MSKTU
Highlight
Share
Compare
Copy
Want to have your highlights saved across all your devices? Sign up or sign in
© 2010 Bible Society in Nicaragua
