Lawana Nani 91
91
LAWANA 91 (90)
Dawan ba wan yukuwaika sa
1Baha uplika, Laih Purara bâra ba karnika bara distika ra
ai yukuwaika bri iwi ba,
2naku wisa Dawan ra:
“Man ba yang yukuwaiki sma,
yukuwaiki watla tara, ¡yang Gâdki,
yaura kupi aiska kahbamna!”
3Witin baman sip sa pri mai sakaia,
minam alkaika yukuki daukan ba
bara siknis saura nani ba wina sin;
4witin ai tnawa mununhtara mai yukukbia,
baha tnawa mununhtara pât luha kama.#Kli S 32.10-11; Law 17.8; 61.4.
¡Ai kasakka lâka ni, man kainam kahbi kabia!
5Si bripara trabil nani tihmia ra aula ba,
baha nani trisba kakna ra lulki ba sin apia,
6siknis sâtka nani tihmia ra aula ba,
yu lapta piua ra bal taki sauhki tiki ba sin apia.
71,000 kum smihkam ra prui tiwbia,
aihkikam ra sin 10,000 prui tiwbia,
sakuna man ra lika diara takbia apia.
8Man namkra ni kaikma:
nahki watawi dadaukra nani ai mana ba bribia ba.
9Dawan ba pat man yukuwaikam watla daukram bamna,
Laih Purara iwi ba man kainam kahbaika briram ba mita,
10bahara diara saura man mampara takbia apia,
siknis sin man wamtla ra balbia apia;
11witin ai insalka nani, man ani anira
wama ba main mai kaiki kaikbia.#Mt 4.6; Lk 4.10.
12Witin nani ai mihta ra mai buki mai bribia,
man minam kra walpa ra prukmara sîa.#Mt 4.6; Lk 4.11.
13Limi nani bara
layan nani purara sin man wapi kama;
daiwan saura tara nani,
bara piuta nani tilara sin wapi tauki kama,
minam mununhtara man taibi bri kama.#Lk 10.19.
14“Yang bui swaki sakamna
baha nani sut ba mihta wina,
kan witin latwan ai kaikisa ai kakaira ba mita.
15Witin bui yang ra ai winbia,
yang pana witin ra aisamni;
¡yang pali sin witin wal kamni!
Trabilka ba wina pri sakamni
bara kulkanka tara sin yabamni.
16Witin ra rayaka yari kaia yabamni;
¡bara swaki sakan lâka liliaki ba sin yabamni!”
Currently Selected:
Lawana Nani 91: MSKTU
Highlight
Share
Compare
Copy
Want to have your highlights saved across all your devices? Sign up or sign in
© 2010 Bible Society in Nicaragua
