Lawana Nani 81
81
LAWANA 81 (80)
Gâd yamnika ba bara Israel watawi dauki ba
Aiwani nani tâ bri ba wina, sitara ba Gat wina brih. Asaf lawana.
1¡Dawan ra lilia aiwans, witin ba wan karnika sa!
¡Lilia aiwani wini Jekob Dawanka ra mayuns!
2Drum kangbi aiwani banhwi bas,
arp kangbi bara drum tara sin kangbi kira.
3Kati raya yua balbia ba ra,
trumpit kangbi bas;
bara kati tilwan yua ra sin,
baha sika yawan lilia tara daukaia yua;#Kul K 10.10.
4naha sika lâ bîla.
Jekob Gâdka mita Israel ra yaban ba.
5Lâka bîla ba Josep ra sin yaban
Dawan Idsip mapara aiklabaia takata.
Bara bîla baikra kumi walri,
baha yang walras kapri ba:
6“Pamhpaya nani wina
karban wirha ba sakatna,
wark karna taki katma ba wina,
swapni dauki maikatna.
7Trabilkam ba wina ai winram,
bara swaki mai sakri;
kasbrika ringbi ba tila wina unam kahbatni;
Meribá awalka lamara traikam kaikatni.#Imp St 17.7; Kul K 20.13.
8Upliki nani kupia kraukanka maikisna na wals;
¡Israel ban bîli wali daukma kaka!
9Gâd tringsar nani dauki bripara;
gâd tringsar nani ra mayunpara.#Imp St 20.2-3; Kli S 5.6-7.
10Yang sni man Dawan Gâdkam,
yang sika Idsip tasbaya wina mai sakri ba,#Imp St 20.2.
bîlam ba kwâks, bara âuyapah mai daukamni.
11“Sakuna upliki ba walan daukras kan;
¡Israel ba bîli walan daukras sa!
12Ai kupia karnika ba mita
ban swiri nina blikaia,
bara dîa want ba yâri daukan.
13¡Upliki ba bîli wali daukan kan kaka!
¡Israel ba yabalki nani ba nina blikan kan kaka,
14wan nakra klipanka kum baku
yarka waihla nani ba witin ra bawaia kan,
bara klala yabaia kapri ai mapara bûi nani ra!”
15Dawan ra misbara kaiki ba sut sirang iwi kauhaia kan,
bara ai pâtka ra kauhanka ba sîl mangki swiaia kapri.
16Bara Gâd ai uplika nani ra
plawar mâ kau pain ba wal dakakaia kan,
bara nasma wail ba wal ai diranka daskaia kapri.
Currently Selected:
Lawana Nani 81: MSKTU
Highlight
Share
Copy
Want to have your highlights saved across all your devices? Sign up or sign in
© 2010 Bible Society in Nicaragua
