Lawana Nani 11
11
LAWANA 11 (10)
Dawan ra aiska kasak lukaia pura sunra
Aiwani nani tâ bri ba wina. Debit lawana.
1Dawan ra yukuwaiki plikisni;
nahki kan man nani bui yang ra ai wisma:
“Il nani ra was, tnawira nani baku.
2Man watawikira nani ba ra kaiks:
witin nani ai trisbaika ba awa ra mangki
pantamangka ba bulkisa ba ra,
yukuwi plis kum wina
upla pain nani mapara lulkisa.
3Mununhta playka nani ba sut aisawbia ba ra,
¿upla kasakkira ba nahki daukaia sa?”
4Dawan ai tempelka holikira ra bâra sa.#Ab 2.20; Sof 1.7; Sak 2.13.
Dawan, witin ai iwaika kasbrika purara bri ba,
witin ai nakra nani aman param,
kasak aihwaki kaikisa upla nani ra.#Ais 66.1; Mt 5.34.
5Dawan ba upla kasakkira
bara watawikira nani sut ra sin
aihwaki kaikisa.
Witin ai kupia aiska saura pali kaikisa,
baha nani saura daukaia latwan kaiki ba ra.
6Upla watawikira nani purara
Dawan mita yaka masku aswi ba,
pauta klauhan, sulpa lî auhi baku blîkbia,
yaka pâsa krawi diara sut angkbia.
¡Witin nani briaia aitani ba,
Dawan bui witin nani ra yabia!
7Dawan ba kasakkira sa,
witin kasakka lâka ba latwan sa;
baha mita wapni nani ba ai mawan kaikbia.
Currently Selected:
Lawana Nani 11: MSKTU
Highlight
Share
Compare
Copy
Want to have your highlights saved across all your devices? Sign up or sign in
© 2010 Bible Society in Nicaragua
