Lawana Nani 104
104
LAWANA 104 (103)
Papaskra ra mayunanka
1¡Dawan ra yamni sa wimni, kupi aiska ni!
¡Man nahki tara sma, Dawan bara yang Gâdki!
Prana kwalka ra ingni wal dimisma;
2man ingni kwalka ni mai srukan sa.#1 Ti 6.16.
¡Kasbrika purara ba, dur kwalka baku pamisma!
3¡Man wamtla playka nani ba,
lî purara bapram sa,
laih pura pali ba ra!
Kasbrika ba man waginkam daukram;
man pâsa tnawa purara impaki taukisma.#Bla St 1.3; 2 Sa 22.11-12; Law 18.10-11; 68.33.
4Pâsa nani ba man bîlam twatwilkra nani sa,
bara pauta klauhan nani ba,
man dukiam dadaukra nani sa.#Hib 1.7.
5Naha tasbaya na plamaya ba purara bapram sa,
kitbaia apia bûi kaia mata.
6Kabu tihuka ba tasba ra bikata
sim kwala kum kan baku.
Bara lî nani ba unta ra dus pâwi nani ba sut bikata.
7Sakuna man lawi daukram, bara mahka wan;
aihni muni plapan man bîlam baikra,
alwani ba walan ba ra.
8Il nani ra uli wan,
bara il nani bîlak iwi langni nani ra wan,
man bui marikatma pliska kat plapi wan,
9tasba piarkika luaia apia adarka yabatma,
tasba ba kli lî bui bikbia apia dukiara.#Bla St 1.9; Job 38.8-11; S L 8.29; Jir 5.22.
10Man lî nani ba blikisma lî kârma iswi ba wina,
awala nani bâk yaram plapisa unta ra dus nani pâwi ba tilak.#Law 65.9-13.
11Baha laya ra daiwan wail nani lî dîsa,
baha laya dih biriku nani il ra ba ai diranka daskisa.
12Awala nani un ra, kasbrika ra tnawira nani ba ai watla paskisa;
baha dusa tnawa nani tilara uli aiwanisa.
13Man sika il nani ra lî laikisma,
wamtla laih purara ba wina;
man lî karna yabram auhi ba wal,
tasba na âuyapah yabisma.
14Witin twi nani yan pâwisa,
daiwan nani pata,
inma nani sin yaram pâwisa,
upla ba plun mangki mâ sakisa,
tasba ba wina ai pata sakaia dukiara sin.
15Plun ba upla ra karnika yabisa,
wain ba upla rayaka ra lilia yabisa,
bara ai mawan ba kau lipisa batana baku.
16Dus nani ra lî dakaki âuyapah daukisa,
Líbano yalamka nani ba, Dawan mita mangkan.
17Baha dusa tnawa nani ra,
tnawira kau sirpi nani ba ai watla mâkisa;
bara suki ba laulu nani ra ai watla brisa.
18Il nani pura ba, guts wail nani yukuwaika sa,
bara kipla unta ra, bangbang nani yukuwisa.
19Kati ba, piua nani kulki kaikaia daukram
wan yu ba nu sa, ahkia dimi waia.#Bla St 1.14-18.
20Man tihmia tara tihmuka ba blikisma,
bara unta ra daiwan nani ba bal takisa.
21Layan nani ba ai daiwra piaia ihbisa
bara ai pata piaia yabia wisi,
Gâd ra makabisa.
22Wan yu ba uluya ba ra,
witin nani kli asla taki aitniki banhwisa,
bara ai watla walpa unta nani ra.
23Upla ba taki, ai warkka ra auya,
bara tihmia kat wark takisa.
24¡Dawan, man nahki diara nani ailal daukram sa!
Baha nani sut daukram ba, sins lâka wal;
¡tasba ba man paskram dukia nani baman banhki sa!
25Kabu ba bâra sa bîla yahpa bara yari;
bahara daiwan sirpi bara tara nani ba
sip kulki sakras sa.
26Bahara but tara nani ba impakisa,
Leviatán ba bahara sa, daiwan saura tara
man paskatma ba witin wal pulaia.#Job 3.8; 41.1; Law 74.14; Ais 27.1.
27Witin nani sut man bîlam kaikisa,
man bui witin nani ra ai pata, ai piua kat yama.
28Man bui witin nani ra yabisma bara witin nani wahbi brisa;
man mihtam ba ilingkisma,
bara diara kau yamni ni mihta banhki yabisma.
29Man mamwan ba yukukisma bara sirang iwi banhwisa,
man bui witin wingka puhbra sakisma,
witin nani mahka pruisa,
bara kli tasba yuya ra tawisa.
30Man wingka puhbra rayaka blikisma,
bara witin nani paskram sa;
bara man naha tasba mawanka kli raya daukisma.#Bla St 2.7; Job 34.14-15.
31¡Dawan prana ba yarka ban bâra kabia!
¡Dawan ai mihta ni paskan ba yarka lilia kabia!
32Witin naha tasba ra kang kaikisa,
bara tasba ba tatatwisa;
ai mihta ni il nani ra kangbisa
bara il nani ba kiasma takisa.
33Yang bui Dawan Gâdki ra lawana nani aiwanamni,
yang raya sna piua sut ra;
yang Gâdki ra mayunamni,
kau wingki aubisni piua nani ra.#Law 146.2.
34Dawan ba lukanki nani ba dukiara ai âuyapah takbia si,
kan yang bui witin ra baman liliaki ba sakisni.
35¡Upla saurakira nani,
tasba wina âpu daukan kabia!
¡Watawi dadaukra nani âpu takbia!
¡Dawan ra yamni wis, yang sulki!
¡Dawan nina ba mayunan kabia!
Currently Selected:
Lawana Nani 104: MSKTU
Highlight
Share
Compare
Copy
Want to have your highlights saved across all your devices? Sign up or sign in
© 2010 Bible Society in Nicaragua
