Sins Lâka 2
2
Sins lâka wina diara yamni nani taki ba
1Yang luhpi waitna,
yang bîli ba man dukiam dauks,
man lukankam ra mangki bris,
yang bîli lâka aisi daukri ba.
2Sins ba kiamam pri tniki wals;
lukankam ba sins lâka ra yas.
3Karnikam aiska ni makas
sins briaia lâka ba bara wapni lukaia lâka ba;
4wînam aiska wilinkira pliks
silbar plikisma ba baku,
apia kaka diara mana yukukan ra kan plikisma baku.
5Baku mika Dawan ra kulkanka lâka ba kakaira takma,
tânka brima dîa ba Gâd ra kakaira kaia ba.
6Kan Dawan sika sins lâka wankisa;
witin aisi ba wina sika sins lâka bara
diara tânka kaikaia lâka ba bal takisa.
7Dawan ai hilpka ba yabisa bara kan kahbisa
wapni pali iwi nani ba ra;
8witin sika, kasak lâka yabalka ra
impaki nani ra main kaiki brisa,
bara kan kahbisa, ya ai bîla kat wali dauki nani ra.
9Bara man tânka brima diara wapni bara kasak ba,
bara diara yamni bani ba dukiara baman luki kama.
10Kan man lukankam ba sins lâka bribia,
bara sins lâka damnika ba dabi kaikma.
11Wan âuyama lâka nani ba,
bara sinska lâka ba
sika piu bani ra kainam kahbi kabia.
12Bara upla saura yabalka wina mai dakbi sâkbia,
bara upla saura nani ba mihta wina sin.
13Baha nani yabal yamni ba mahka swi si,
bara tihmia yabalka nani ra impaki ba;
14witin nani lilia brisa saura daukaia ba ra;
lilia takisa ai daukanka saura nani ba wal;
15baha nani yabal warha ra tauki ba
bara ai yabalka wapni ba wina tnaya ra tawan ba.
16Upla wala mairka nani wina
sin pri mai sakan kabia,
bîla tringsar aisi kunin mai aisi ba wina sin.#S L 7.5.
17Lulki swisa kau tiara kan piua ra
ai uplika aihwa pali kan ba.
Bara ai âuya lap tikisa,
Gâd ra ai pramiska ba.
18Witin watla ra waia yabalka bâk auma kaka,
sim prura ra waia yabalka ra auma sa.
19Baha nani ai watla ra auya ba,
kumi sin kli bal takbia apia,
raya kaia yabalka nani ra sin
sip kli tawi aimakbia apia.
20Yabal pain bâk tauki bas,
bara kasakkira nani daukanka ba alki dauki bas.
21Kan ani uplika tâski kumi âpu,
wapni iwi banhwi ba,
naha tasba ra raya ban kaia lâka ra ban kabia.
22Sakuna upla watawikira nani
bara upla âiatkra nani ba,
tasba wina daikan kabia
bara kangbi sin sakan kabia.#Law 37.9.
Currently Selected:
Sins Lâka 2: MSKTU
Highlight
Share
Copy
Want to have your highlights saved across all your devices? Sign up or sign in
© 2010 Bible Society in Nicaragua