Job 38
38
Dawan bui Job yaban aisisa ai raitka ba
1Bamna Dawan mita Job ra aisin, pâsa karna kum krawi ba bâk, bara naku win:
Dawan ba
2¿Man ba ya sma ki,
yang sinski lâka brisna ba tânka makabi walaia,
man aisinkam sinskas tânkas ba ni
baha tânka saki aisaia?#Job 42.3.
3Bara nanara kupiam karnika tânka ba ai mariks,
bara naha makabanki na ansika aik.#Job 40.7; 42.4.
4¿Man anira kapram,
naha tasba yang paski kapri piua ra?
¡Bamna ai wis,
man sins tânka aitani brisma ba!
5¿Man tânka brisma ki
ya mita kulki kaikan ba,
bara yamna papaskra kan paskan ba?
6¿Playa ba dîa purara bapan sa ki?
¿Ya mita walpa ba playa ra bri si mangkan,
7yu baiwaia slilmika nani,
lawana aiwani kan piua ra,
yang warkki dadaukra insalka nani lilia bri kan piua ra?
8Kabu ba tasba klukia munhta wina takan piua ra,
¿ya mita dur nani mangkan ki alki takaskaia dukiara?
9Yang mita klaut kumi yâri ai prâka baku,
bara mukus ba lika tuktan srukaia kwalka baku.
10Kabu ra yang mita mark kumi mangki yâri sa,
bara ai durka nani bâk mangkri sa.
11Bara wîri: “Naha kat balma,
bara naha wina lika kau kainamra wama apia,
naha kat ripkam prautkira nani ba âpu taki kabia.”#Law 104.6-9; S L 8.29; Jir 5.22.
12¿Piua nani kum kum ra
man rayakam ra lâ mangki yaram sa ki,
yu baiwanka ba taki balbia bara mahka yu baiwbia?
13¿Bara ingni ba tasba purara ingbia,
bara saurakira nani ba wih yukuwbia?
14Bamna tasba wina twi bîla nani ba takisa,
prâk maman maplira ba baku.
15Watawikira nani ingnika ba
witin nani wina sakan kabia,
bara baha klahkla purara bukan ba mâyara batakan kabia.
16¿Man tihu tara ba pat wih dimi kaikatma ki,
kabu biara ra ai kârma nani bri ba?
17¿Man kaikisma ki ani tani ai durka nani bri ba,
baha sibrinka pali prura kingka ba?
18¿Naha tasba yahpika na tânka brisma ki?
¡Ai wis kasak pali man tânka sut brisma kaka!
19¿Anira auhbi brisa ki
ingni bara tihmia ba wal?
20¿Sip sa tnata pali kat yarka waia,
bara ningkara kli yarka ai watla ra waia?
21¡Man tânka bri kaia sma,
kan mani ailal brisma bara
baha dukiara sika man lika pat aisubi takram kan!
22¿Auhbaia pliska ba pat wih kaikatma ki,
sno bara lî klaswan mâ nani auhbi swin ba,
23pât piua ra
aiklabanka nani bara war nani piua ra blikaia?#Imp St 9.13-35; Jas 10.11; Ais 30.30.
24¿Ani yabalka wala bâra sa
ingni ba baiki sâkbia ba ra?
¿Lalma payaska ba
nahki ban tasba aiska purara krawisa ki?
25¿Lî uya auhi ba ra,
ya yabal kumi sakisa ki,
bara pâsa saura ra yabal mariki ba,
26upla iwras tasbaya ra
lî auhbia ba dukiara,
baha pliska ra upla kumi sin iwras ba,
27kau plun sakras tasbaya ba lî laikaia,
bara yaka twi nani ba pâwaia?
28¿Lî nani bara diwas laya
nani aisika ba ya sa ki?
29¿Lî kauhla bara lî klaswan yaptika ba ya sa ki?
30¿Ya mita lî ba walpa baku karna daukisa ki,
kabu tihuka ba lî klaswan baku daukisa ki?
31¿Man sma ki Slilma Matlalkahbi nani asla dauki bri ba,
Slilma nani aihka aihka sakan ba sin?#Job 9.9; Em 5.8.
32¿Man sma ki titan slilmika awarka kat taki ba?
¿Man sma ki tâ bri ba baha slilma nani
Pupu, Yar bara Kiswa impaki ba ai kainara?
33¿Man tânka brisma ki
kasbrika purara lâ nani bâra ba?
¿Man sma ki baha lâka nani tasba ra saki wi ba?
34¿Klaut nani ra sip sma ki
lâ nani mangki yaia, baku mika lî ni mai banhkan kabia?
35Imyula ba saki plis wala ra blikisma kaka,
witin pana ban kra mai aisisa kaka:
“¿Nâra sna dîa ai wima ba daukaia dukiara”?
36¿Ya mita man kupiam ra sins lâka ba mangkan sa ki,
tnawira nani kakma yari ba#38.36 Tnawira kakma yari: naha na piawira kum nina; piawirka ba Idsip ra bâra sa, Nilo awala lisamra dingki piua ra bahara taukisa. bara kalila wainhka tara sin?#38.36 Blasi pali uplika nani luki kan, kalila wainhka aiwani bara lî auhisa.
37¿Yamna kau sinskira ba
bara tânka brisa klaut an bâra sa tânka ba?
¿Ya bui sip sa ki bîla baman sakaia,
bara baku mika ai laya ba auhbia,
38bara tasba yuya ba slaubla ni takbia,
bara tasba nani ba ai tahkia aikuki pana pana prakbia?
39¿Man sma ki layan mairin pata pliki yabi ba,
baku mika layan luhpia nani ba pibia aibanhwan kabia kat,
40ai untika ra yukuwisa piua ra,
apia kaka twi saura lilara aihwaki ba ra?
41¿Ya usus nani ra plun dakakisa,
ai luhpia nani plun dauki pliki ba ra,
bara inanka tara wal ai makabi ba?
Currently Selected:
Job 38: MSKTU
Highlight
Copy
Compare
Share
Want to have your highlights saved across all your devices? Sign up or sign in
© 2010 Bible Society in Nicaragua
