Judit 3
3
1Bamna baha nani bui witin ra sturi twatwilkra nani blikan laman lâka lukanka kahbaia dukiara bara sin wiaia: 2“Yang nani lika king tara Nabucodonosor dukia dadaukra nani sna, bara Wan Kingka sma ba mina munhtara atia sna; dîa kau pain lukma ba yang nani ra ai muns. 3Waitla nani ba, tasbayi aiska ba, plawar mâ nasla bri banhwisna ba, bîpki nani bara sîpki nani ba, bara yang nani daiwri nani sut ba man mihtam ra sa; Wan Kingka sma ba bui baha sut wal dîa daukaia lukbia ba daukbia si. 4Tawanki nani bara ai uplika nani sut ba man dukiam dadaukra wisi bâra sa; Wan Kingka sma ba, bal bara nahki lukma ba kat baha nani ra muns.’’
5Sturi bri balan uplika nani ba Holofernes mawanra wih, naha sut wi banhwata. 6Bamna witin kabu un ra iwi wan ai war daknika wal bara kaina kahbanka bri tawanka nani ra aihwawakra daknika nani mangki swin, bara naha nani wina wahbi sakan suldiar nani aiklaklabra wala nani ra tâ baikaia dukiara. 7Naha tawanka nani ra bara kuntri nani lamara ba sut ra, upla nani bui brin kraun nani wal aisakahki bara drum nani binka wal dans puli. 8Sakuna Holofernes bui ai tempelka nani sauhki tikan#3.8 Tempel nani: Siríaca wi ba ulbanka kat. Gr. tasba. bara ai dusa holikira nani ba tasba ra batakata, kan adar bri kan aidul nani sut ba sauhki tikaia, bara baku mika nisan nani sut ba mayunra yabia Nabucodonosor ra baman bara bîla sât sât aisi uplika nani bara upla kiamka nani sut ba gâd baku kulki banhbia dukiara.
9Bamna baku natka ra Holofernes ba Esdrelón lama kat wan, Dotán lamara, Judia ilka daknika tara ba mawan kat, 10bara Gabá wihki Escitópolis lila kat ai kiampka bapan,#3.10 Escitópolis: Bet-seán tawanka Grik nina bri ba. bamna kati kum bahara takaskan, ai war daknika dukiara plun nani wahbi.
Currently Selected:
Judit 3: MSKTU
Highlight
Share
Copy
Want to have your highlights saved across all your devices? Sign up or sign in
© 2010 Bible Society in Nicaragua