Aiseya 9
9
Misaya aisubi takanka bara pura wihtka aimakanka
1Tâura Gâd mita Galili ra bawan lâka ra brih wan, Zabulón bara Neftalí tasbaya ra, Gâd luha nani tasbaya lamara, kan Jordan baila wala wina ban kabu un lama kat, ai tasbaya lainka ba wi kan.#Mt 4.15.
2Tihmia tasbaika ra watauki kan uplika nani ba,
ingni tara kaikan;
baha nani dista tasbaya ra iwi kan ba,
ai purara ingni ba ingwan sa.#Mt 4.16; Lk 1.79.
3Dawan, man lilia tara kum bri balram;
liliaka ba sin tara pali pura prakram.
Witin nani sut man mamwanra lilia takbia
insla dâki liliaka ba baku,
upla ai dukia nani ailal bri
ai yuyaka yui yabi liliaka tara dauki ba baku.
4Alba lâka Madián ra kan
upla nani ra taibi kan ba man mita
saki lulkram ba baku,
taiban lâka ai sarka paski kan ba,#Wih 7.15-25.
wihta prautkira lâka witin nani ra taibi kan ba sauhki tikram.
5Suldiar sûska nani war aiklabaia ra
bin tara dauki kan ba,
ai kwalka nani sin tala ra buswan ba,
twi lâwan baku,
sut pauta klauhan ra angkan kabia.
6Kan tukta waitna kumi wan dukiara aisubi takan,
Dawan yawan ra luhpa waitna kum wankan sa,
witin ra king kaia karnika yaban sa.
Ai nina ba mâkan kabia:
Aihka pranakira, Lâ Smasmalkra,
Gâd karnakira, ban kaia Aisika,
kupia kumi lâka Kingka.
7Witin Debit iwaika ra iwbia;
ai kingka lâka ba plis bani ra yaka wabia
bara kupia kumi lâka ba ban kabia;
ai kingka lâka ba
kasakka lâka wapni lâka playka pura karna bapbia,
nanara wina ban kaia ra.#Lk 1.32-33.
Dawan, karnika sut bri ba
ai latwanka laptika ba ni baha daukbia.
Gâd kupia baiwanka Israel kingka tasbaya mapara balan ba
8Dawan ai bîla Israel ra blikan,
bara Jekob purara kauhan;
9bara upla nani sut ba tânka bribia,
Efraín bara Sameria ra iwi nani ba sut.
Praut lâka wal ai kupia ra aimayuni aisi ba:
10“Slaubla ni paskan ba sut kauhan,
sakuna yang nani walpa ni kli paskamna.
Kwah dusa nani ba klakan,
sakuna baha watlika ra,
yang nani yalam dusa mangkamna.”
11Bamna Dawan mita daukan waihla saura sibrinkira nani ba
witin nani mapara balaia;
Dawan mita blikan
witin mapara waia aiklabaia.
12Lalma wina Siria uplika nani,
muna wina filisteo nani balbia
Israel luhpia nani ba ai bîla banhki langki pibia.
Baha sut daukan kabia ba wal sin
Dawan ai kupia baiwanka ba
kau takaskras;
witin kau ban baha nani tayahki kabia.
13Upla nani ba klala brin,
sakuna witin nani Gâd ra ai kupia lakras,
karnika sut bri Dawanka ba plikras.
14Bahamna, Dawan ba,
Israel kingka lâka ra daukan kabia,
upla kum daiwan ra wâika bara lal klaki ba baku,
kûku dusa talika nani bara yauhrus dusa ba wal ra,
sim sât baku klaki ba.
¡Naha sut ba yu kumi bilara baman!
15(Lal ba sika, almuk bara wihta nani ba,
prapit nani kunin smalki ba,
baha nani sika wâika ba.)
16Kan naha tawanka wihtka tara nani ba,
upla ra kunin mamunra nani sa,
bara witin nani tâ brabrira kum pliki kan ba tiwan sa.
17Baha ba mita sika, Dawan ba
wahma, tiara, rau bara sin piarka nani ra
umpira kaikras kan ba.
Witin nani sut ba, kuninkira, saura dadaukra,
bîla tanis nani baman aisi uplika kan.
Baha sut daukan,
sakuna Dawan kupia baiwanka ba dasras kan;
ai mihta bukan ba ban sa.
18Upla nani saurka ba,
pauta klauhan baku takan,
bara kiaya, rahra nani ba angkisa unta srikra pâwi nani ba sin,
dus tara pâwi nani ra sin angkisa,
bara kiasma ba pâsa pura bâk sunan uli wîsa.
19-20Dawan, karnika sut bri ba
kupia baiwanka ba mita tasba ba pauta mukan,
bara pauta klauhan mita upla nani ba angkisa;
ai luhpia nani pali wîna witin nani pîsa
bara ai muihni nani ra umpira kaikras sa.
Nâra kum sa langki pi ba,
sakuna ban plun daukisa,
bamna bukra wala kum sa ai walka ra pi kabia
sakuna âuyapah takbia apia.
21Manasés mita Efraín ra sauhki tikisa,
Efraín mita Manasés ra,
bara wâlsut Juda mapara buisa.
Ban sakuna baha sut ba mita
Dawan kupia baiwanka ba takaskbia apia,
ai mihta bukan ba ban sa.
Currently Selected:
Aiseya 9: MSKTU
Highlight
Share
Compare
Copy
Want to have your highlights saved across all your devices? Sign up or sign in
© 2010 Bible Society in Nicaragua
