Aiseya 15
15
Moab mapara dahra aisin ba
1Moab,#Ais 25.10-12; Jir 48; Isi 25.8-11; Em 2.1-3; Sof 2.8-11. mapara dahra aisin ba:
baha tihmia ra Ar ra sauhki kan ba ra,
Moab tasbaya sin sauhki tikan sa.
Tihmia ra Quir ba sauhki tikan
bara Moab tasbaya sin sauhki tikan sa.
2Dibón uplika nani ba il ra uli wan
tempel ra dimi inaia,
Moab ra, Nebo bara Medebá pura mata inbia;
ai tâwa ba irban kabia,
ai unmaya sin sut irban kabia.
3Upla ba tawan yabalka tara bâk auya sa,
kwala siksa dimi;
utla bahna ra uli,
ai bîla karna wini inisa uba latwan ba mita,
tawan bilara asla taki pliska ba ra upla sut inisa,
ai nakra laya nani uba sakisa.
4Hesbón, Elalé uplika nani hilp makabisa;
Jahas kat bîla baikra ba walisa.
Baha mita Moab war aiklaklabrika nani
sirang iwi sasibrira takisa,
bara sibrin lâka ni banhwan atia sa.
5Yang kupi ba Moab pura mata hilp makabia;
ai tawanka wina plapi ban,
Sóar kat wabia, ban sin Eglat-selisiya kat.
Luhit ilka tnaya witnika bâk ini uli wabia;
sauhki tikan lâka ba dukiara,
karna ini Horonaim yabalka bâk impaki wabia.
6Nimrim layawanhta nani sut ba lâwan kabia,
twi nani ba sin srawbia,
inma wahia nani ba sut prubia,
inma wahia kumi sin sangni kabia apia.
7Baha mita, upla nani ba ai yuyaka nani ailal kukan sa,
baha nani sut ba Yasu nani tingnika ra bri si yukukbia.
8Bara inanka nani ba
Moab tasbaya kir kutban kabia Eglaim kat,
Beer-elim kat sin witin nani inanka tara winanka ba walan kabia.
9Dibón ra lî nani sut ba tala man kabia,
Dibón purara saurka kau tara nani ba yang bri balamna;
Moab wina plapi swak takbia nani ba purara layan bal takbia,
tasba ra pruras swak takan nani ba purara sin.
Currently Selected:
Aiseya 15: MSKTU
Highlight
Share
Compare
Copy
Want to have your highlights saved across all your devices? Sign up or sign in
© 2010 Bible Society in Nicaragua
