2 Macabeo TÂ BÎLA NANI
TÂ BÎLA NANI
Macabeo wauhkataya ulbanka wâlka ba, kasak pali blasi ulbanka kan ba tâka lika apia sa, ban sakuna naha wauhkataya âiulbrika ba tânka marikaia muni ba, wark kau tara daukan kan ba dahra ulbanka ba wina sa, Ju uplika wala nani ulbanka ba wina brih saki daukan sa, Jasón Cirene wina ba, witin ai tânka sika uya kakaira apia sa. Naha wauhkataya ulbanka wala ba lukanka bri ba sika, tnaya kum ra blasi ra diara takan nani kan ba dukiara aisisa, sakuna taimka nani ba kau klutka dauki aisisa, bara sin lakan ba sât wala brih ki aisisa. Naha wauhkataya âiulbra ba witin ai brinka aihwa pali ba sika diara sut purkara Judas Macabeo aiklabanka ba dukiara, brinka lukra ba yamnikira brisa baha tânka nani ba briaia dukiara, baha tânka nani bribia ba wal ai brinka nani sin bukan kabia asla lâka ra tâ baikanka nani briaia, Ju nani tringsar baku natka ra Palestina uplika nani aikuki bahara takaski banhwi ba dukiara, baha sut purkara brinka kau tara pali bri ba sika Serts ba dukiara.
Naha wauhkataya ulbanka ba tâ krikisa Ju nani Idsip ra takaski bâra nani ba dukiara, baha nani, âiulbra nani ba lukanka nina bliki nani ba (1.1—2.32). Ju nani mita nina bliki rausauhkanka sturka nani tânka marikan ba ningkara (2.19—7.42), Judas Macabeo pura luanka ba sturka aisaia baman warkka daukisa (8.1—15.39).
Macabeo wauhkataya wâl ulbanka nani bâk mariki ba sika, Testament Raya ulbanka nani ba tnata prakaia sturka nani ulbanka ba, bara baku natka ra tâ baikanka nani dauki marikisa dîa takan kan nani ba tânka briaia dukiara, baku sin upla nani iwanka daukra nani ba, kan baha daukanka nani tilak sika kristian lâka nani bal takan ba.
Currently Selected:
2 Macabeo TÂ BÎLA NANI: MSKTU
Highlight
Share
Copy
Want to have your highlights saved across all your devices? Sign up or sign in
© 2010 Bible Society in Nicaragua