Tito 3
3
Kaŵiro ka Mkristu
1Ŵakumbuske kujithereske ku ŵara, ku mitufu, kuvwiya ŵeruzgi, kuŵa ŵakufongosoleke nchitu yose yamampha, 2kuphara#3.2 kuphara: uku ndiku kuti kukamba kanthu ndi kuyeya, pamwenga kususka. munthu yumoza cha, kuŵa ŵaziralisonji, ŵaroŵevu, ŵakurongo upovu wose ku ŵanthu wose. 3Chifukwa kali nafwe so taŵanga ŵakupusa ŵamtafu ŵakurandizgika ŵakuteŵeta maulakalaka ndi malikondwa ghamtundumtundu, ŵakujariya mu nkhaza ndi bina, ŵakutinkhika, ŵakutinkhana, 4kweni penipo ungubulika ulemu ndi wanja-ŵanthu wa Mtaski widu Chiuta, 5kutuliya ku nchitu zamu urunji zenizo tinguchita ifwe cha, kweni kwakulingana ndi lisungu lake wangutitaskiya mu chisambiska cha kupapika so ndi mukarengekedu kafya mu Mzimu Wakupaturika, 6mweniyo wangupunguliya paku ifwe kwakusambasa mwaku Yesu Kristu Mtaski widu; 7alinga kuti, pakurunjiskika ndi wezi wake, tiŵenge ŵakuhara kwakulingana ndi chigomekezgu cha umoyo wamuyaya.
8Ndamagomekezgeka nenedu lo, ndipo paku vyenivi ndikhumba ukokomezgepo iwe, alinga kuti wo ŵagomekezga maku Chiuta ŵaphwerenge kurongo milimu yeneko. Vyenivi ndivyo vyamampha ndi vyawanduzi ku ŵanthu: 9kweni mafumbo ghakupusa, ndi vikazi, ndi zindewu, ndi masuskano ghapa langulu, ŵekanga; chifukwa ndivyo vyambura chanduku ndi vyaŵaka. 10Munthu wapambuku kananga pavuli pa kumchenjezga kamoza ndi kaŵi, 11pakuziŵa kuti waviyo watenderukiya limu, ndi ngwakulakwa, pakuŵa kajisuski.
Vipangizgu vyakumariya
12Penipo nditumenge kwako Artemase, pamwenga Tikhiko tinthimika kuza kwaku ine ku Nikopoli; chifukwa ndapima kutandara chipwepwe kweniko. 13Ŵapereke kwakutinthimika, Zenase, wamarangu yo, ndi Apolo, kuti kangaŵapereŵe kanthu cha. 14Ndipo ŵidu nawo ŵasambire kutataliya ku mausiwa ghaufinyi nchitu yamampha, alinga kuti ŵangaŵanga ŵazirachipasi cha.
15Wose ŵa pamoza nane ŵakutauzga. Watauzge ŵakutanjiya mu chivwanu. Wezi uŵe namwe mose.
Currently Selected:
Tito 3: TongaMw
Highlight
Copy
Compare
Share
Want to have your highlights saved across all your devices? Sign up or sign in
Bible Society of Malawi
