Nthanthi 20
20
1Vinyo ngwa kunyoza, kumwa kwakuloŵereska, kubwebweteska,
ndipo mweniyo walandizgika ndi kumwa ko kuti ngwazeru cha.
2Ukari wakofya wa karonga we uli nkhuwuruma kwa kamanakamana kwa nkharamu,
mweniyo watimusosomole ku ukari wapereka umoyo wake.
3Mbulemu ku munthu kutuwako ku ndeu;
kweni mubereŵeza yose wakachitanga ndeu.
4Mukata kuti walima pa chihanya cha,
wakapenjanga pakuvuna ndipo wakaŵangavi kanthu.
5Chakwatika mu muwongo wa munthu che uli ndi maji gha ndimba,
kweni munthu wakuwamo wachituzgengemo.
6Ŵanthu ŵanandi ŵamemeza kujithereska kwa ŵeneko,
kweni munthu wamagomekezgeka njani wangabowozga?
7Munthu murunji mweniyo watenda mu uneneska wake,
mbakutumbikika ŵana ŵake pavuli pake!
8Karonga mweniyo waja pa chitengo cha cheruzgu
wateska uheni wose ndi maso ghake.
9Njani wangakamba, “Ndatozga mtima wangu;
nde wakuphotoka ku uheni wangu”?
10Myeso yakupambana ndi kupima kwakupambana viŵi viyo vikozgana, mbukazuzi ku Ambuya.
11Chingana ndi mwanamumana watijiziŵiska ndi nchitu zake,
manyi chenicho wachita nchakuphotoka ndi nchakurunjika.
12Gutu lakuvwa ndi jiso lakuwona, Ambuya akupanga viŵi viyo.
13Reka kwanja tulo vinu ungaza ku ukavu;
jura maso ghako ndipo ukaŵanga ndi kurgha kunandi.
14“Nchiheni, nchiheni,” watiti wakugula;
kweni watiti waruta, watijikuzga.
15Pe golide, ndi mya yinandi ya mutengo yikuru,
kweni milomo ya zeru ndi mwa wa mutengo ukongwa.
16Toni chivwalu cha munthu pa nyengo yeniyo wajaliya ukaboni mlendo,
ndipo mumuchite ndindira penipo wajaliya ukaboni mlendo.
17Kurgha kwa kwanduliya mu urghargha kunowa ku munthu,
kweni pavuli mlomo wake ukazazanga ndi sekenembe.
18Vyakulongosoleka vichitika ndi chipangu;
ndi kurongozgeka kwazeru nkhondo yichitika.
19Yo watiti nkhuya uku nkhuya uku kwachisuza wasumuwa vya kuubende,
chifukwa cho ungakwatikananga ndi mweniyo warongoro kwa ubereŵeza.
20Asani munthu watemba wiske pamwenga nyina,
nyali yikazimwikanga mu munkhorwe.
21Chihara chakuchitole mu ruŵi pakudanga pavuli kuti chitumbikikenge cha.
22Ungambanga cha, “Nkhalipanga uheni”;
lindizga Ambuya, ndipo akakovyanga.
23Myeso yakusiyana mbukazuzi ku Ambuya,
ndipo vipimu vyakupusika kuti vyamampha cha.
24Michapu ya munthu yilangulika ndi Ambuya;
na munthu wangawamo uli nthowa yake?
25Nchiŵana ku munthu kukamba kwakufulumiya, “Ncha kupatulika,”
ndi kughanaghana pavuli pakuchita marapu ghake.
26Karonga wazeru waziŵa ŵamphulupulu,
ndipo wapiska mkombelo paku wo.
27Mzimu wa munthu ndi nyali ya Ambuya,
kupenja mu viŵalu vyake vyose vya mukati ukongwa.
28Kujithereska ndi ukongolekwa kusunga karonga,
ndipo chitengo chake chisungika ndi urunji.
29Unkhankhu wa ŵanyamata ndi nthazi yawo,
kweni kutowa kwa ŵanthu ŵakukota ndi nyivu zawo.
30Kupuma ko kuchita mabala kutozga uheni,
mbumu zitozga viŵaru vya mukati ukongwa.
Bible Society of Malawi