Chitenje 4
4
Soka la ŵa Yuda
1Owe mo wagugiya golide,
mo golide mweneko wang'anamukiya!
Mya yakupaturika yala pasi kwakuparghanikana,
pakuserere mu gurwi we yose.
2Ŵana ŵakuzirwa ŵa Zioni,
ŵakuzirwa nge ndi golide wakwengeka,
mo ŵang'anamukiya nge ndi viŵiya,
nchitu ya janja la muumbi!
3Chingana mba kambwe ŵapaska be
ndi konkheska ŵana ŵawo,
kweni ŵanthu ŵangu ŵaŵa ŵakari,
nge ndi makungundembo mu bozwa.
4Lilime la wakonkha likaniriya ku chavu
cha mlomo wake, chifukwa cha nyota;
ŵana wapempha kurgha,
kweni palivi yo watuŵapaska.
5Wo ŵarghanga vyakunona
ŵamariya mu miseu;
wo ŵangulereke mu vyakuvwara
sono mbakula pa viza.
6Chifukwa kulangika kwa ŵanthu ŵangu kwaŵa kukuru
kwakuruska kulangika kwa Sodomo
yo wangupasulika pa kanyengo kamanavi,
pengavi janja lo linguchitapo kanthu.
7Mafumu ghawo ghangutowa kwakuruska nyankhuŵinda,
ghatuŵa kwakuruska mukaka;
maluŵavu ghawo ghangufyuŵara kwakuruska kabo,
kunozga kwakawonekedu kawo
kwenga uli ndi mwa wakuzirwa.
8Kweni chisku chawo chafipa kwakuruska ga,
kuti ŵaziŵikwa cha mu ŵagurwi;
khungu lawo likaniliya pa viwanga vyawo,
laŵa lakumira nge ndi nkhuni.
9Wo ŵangubayika ndi lipanga ŵangufwa umampha,
kwakuruska ŵakubayika ndinja,
ŵeniwo ŵangusuzgika
chifukwa cha kusoŵa vyakurgha vyamu minda.
10Chingana mbanthukazi ŵachitima ŵangubika ŵana
ŵaŵeneko ndi, manja ghawo.
Wanguŵa kurgha kwawo mu kwanangika.
11Ambuya anguzomerezga
kwakufikapo ukari wawo, angupunguwa kukara kwawo kwa moto;
ndipo angukozga moto mu Zioni,
weniwo ungocha viŵanja vyake.
12Ŵakaronga ŵa charu chapasi kuti ŵanguvwana cha,
pamwenga nanga njumoza wa ŵakuja mu charu chapasi,
kuti murwani pamwenga wakupindikana
wanguziŵa kusere pa malikomo gha Yerusalemu.
13Ichi chenga chifukwa cha mauheni
gha ŵamchimi ŵake ndi kunanga kwa ŵazukuru ŵake,
ŵeniwo ŵangudiska mukati mwake,
ndopa za ŵanthu ŵarunji.
14Ŵanguyingayinga, ŵachiburumutiya,
mu ŵagurwi, ŵakukazuzgika ndi ndopa,
ndipo pengavi wakuti wangakwaska vivwaro vyawo.
15Ŵanthu ŵangubongo viyo paku iwo,
“Tuwanipo! Mwaŵakukazuzgika!
Tuwanipo, tuwanipo, mungakwaskanga cha!”
Viyo ŵangusanduka ŵakuthaŵathaŵa ndi ŵakuyingayinga;
ŵanthu ŵanguti mukati mu mitundu,
“Kuti ŵakajanga so nafwe pamoza cha.”
16Ambuya ŵeneko aŵambininiska,
kuti akaŵakhumbanga so cha;
ulemu wengavi kupaskika ku ŵazukuru,
ŵaraŵara kuti ŵanguŵaphwere cha.
17Maso ghidu ghatondeka talindizga
chovyo nyengo yose kweni kwawaka;
mu kulindizga kwidu tingulindizga,
mtundu weniwo kuti unguziŵa kutaska cha.
18Ŵanthu ŵangukhazga mendedu ghidu
mwakuti tireke kwenda mu miseu yidu;
umari widu ungundere pafupi;
mazuŵa ghidu ghangukwana; pakuti umari widu unguza.
19Wakutidondoloska wenga wamankharu
kwakuruska makuŵi gha mude
wangutidikiska pa mapiri;
wangutikhazga mu mabozwa.
20Muvuchi wamu mphunu zidu ifwe tawakupakika wa Ambuya,
ungutoleka mu mazenje ghako,
iyo mweniyo tingumukamba,
“Pasi pa chiduzi chake tikawanga wamoyo mu wamitundu.”
21Sekere ndi kondwa iwe wa Edomu,
wakuja mu charu chaku Uzu;
kweni kwaku iwe nako chandi chikarutanga;
ukaloŵenga ndipo ukajizuwanga kuja nkhuli.
22Kulanga kwa utimbanizi winu kwafiskika, mwa ŵanthu ŵa Zioni,
kuti wakakusunganinga so muuŵanda cha;
kweni wakalanganga mwa ŵanthu ŵaku Edomu chifukwa cha utimbanizi winu,
wakavumbuwanga mauheni ghinu.
Currently Selected:
Chitenje 4: TongaMw
Highlight
Copy
Compare
Share
Want to have your highlights saved across all your devices? Sign up or sign in
Bible Society of Malawi
