Yoswa 19

Mphaka yaku Simeoni

1Mphenduzga ya chiŵi yingutuliya mtundu waku Simeoni kwakuyana ndi mbumba yake: ndipo chihara chake chenga mukati mu chihara cha fuku laku Yuda. 2Ndipo pa chihara chake wenga ndi Beresheba. Sheba. Molada. 3Hazara-shuala. Bala. Ezere. 4Eltolada. Betula. Norma, 5Ziklaga, Betemarkaboto. Hazarasusa. 6Bete-lebaoti ndi Sharuheme misumba chumi ndi yitatu ndi mizi yawo. 7En-remono. Etere, ndi Ashana, misumba yinayi ndi mizi yawo: 8pamoza ndi mizi yose yakuzunguliya misumba yeniyi kwachifika ku Balata-bere, Rama waku Negebe. Ichi chenga chihara chaku Simeoni kwakuyana ndi mbumba yake. 9Chihara cha fuku laku Simeoni chenga chigaŵa cha charu chaku Yuda; chifukwa chigaŵa cha fuku laku Yuda chenga chikuru ukongwa kwaku iwo, fuku laku Simeoni linguronde chihara mukati mu chiahara chawo.

Mphaka yaku Zebuluni

10Mphenduzga ya chitatu yingutuliya fuku laku Zebuluni, kwakulingana ndi mbumba yake. Ndipo chigaŵa cha chihara chake chingufika mpaka ku Saridi; 11kutuwa penipa mphaka yikwere kuzambwe, ndi kurutiliya ku Mareale, yitachikwaska Dabeshete, mpaka ku kamsinji ko nkhu vuma kwa Jokoneama; 12kutuwa ku Saridi yiruta kuchiri kunyake, kuchiri ku vuma kulazga ku matuli ghadazi ku mphaka ya Chisloto-toboro; 13yirutiliya mbwenu mpaka ku Aberata, kutuwa pa yikwere ku Jafia, kutuwa pa yijumpha ku vuma kurata ku utuli wa dazi ku Gata-hafere, mpaka ku Etekazini, yirutiliya ku Rumono yizgomba kulazga ku Nea; 14sono ku nkhonde mphaka yizunguliya ku Hanatoni, ndipo yigota pa dambo la Ifitahele; 15ndi Katala, Nakalala Shimroni, Idala, ndi Betelehemu, misumba chumi ndi yiŵi ndi mizi yawo. 16Ichi nchihara cha fukula ku Zebuluni, kwakulingana ndi mbumba yake misumba iyi pamoza ndi mizi yawo.

Mphaka yaku Isakara

17Ndipo mphenduzga ya chinayi yingutuliya, mtundu waku Isakara, kwakulingana ndi mbumba yake. 18Charu chake chingubang'a Yezerele, Chesuloti, Shuneme, 19Hafaraimi, Shiono, Anaharaha, 20Rabiti, Kishioni, Ebeze, 21Remete, Eneganimi, Enehada, Beteazere; 22mphaka nayo so yikwaska taoro Shahazuma, ndi beteshemeshe ndipo mphaka yake yigota pa Yordane, misumba chumi pachanya yinkhonde ndi umoza pamoza ndi mizi yawo. 23Ichi nchihara cha fuku laku Isakara, kwakuyana ndi mbumba, yake misumba ndi mizi yawo.

Mphaka yaku Ashere

24Mphenduzga ya chinkhonde yingutuliya ku fuku laku Ashere kwakuyana ndi mbumba yake. 25Charu chake chingubang'a Helkata, Hali, Betene, Akashafa, 26Alameleke, Amada, ndi Mishala; kuzambwe chikwaska Karmele ndi Shihoro-libinata, 27sono ching'anamukiya kuchiri ku vuma, chirutiliya ku Betedagoni, ndi kukwaska Zebuluni ndi dambo la Ifitahele ku chiri ku nkhonde ku Betemeke ndi Neile; kutuwa pa chirutiliya ku nkhonde ku Kabulu, 28Ebroni, Rehobo, Hamoni, Kana, kufika ku Sidoni Mkuru; 29kutuwa pa mphaka ying'anamukiya ku Rama, yifika ku linga la msumba wa Turo; kutuwa yapa mphaka ying'anamukiya ku Hosa, ndipo yimaliya pa nyanja; Mahalaba, Achizibi, 30Uma, Afeke ndi Rehobo: misumba machumi ghaŵi ndi mizi yawo. 31Ichi nchihara cha mtundu waku Ashere kwakuyana ndi mbumba yake misumba iyi pamoza ndi mizi yawo.

Mphaka yaku Naftali

32Mphenduzga ya chinkhonde ndi chimoza yingutuliya ku fuku laku Naftali, kwakuyana ndi mbumba yake. 33Ndipo mphaka yake yingwamba pa Helefe, kutuwa pa mutiwa mkongwe mu Zananimi, Adaninekobe, ndi Yabnele, mpaka ku Lakunu; ndipo yingumaliya pa Yordane. 34Kutuwa yapa mphaka ying'anamukiya ku zambwe, Azanoto-tabori kutuwa kuwa yirata ku Hukoki, yikwaska Zebuluni ku malaŵi, ndi Ashere ku zambwe ndi Yuda ku vuma pa Yordane. 35Misumba ya malinga ndi Zidimi, Zera, Hamata, Raka, Kineroti, 36Adama, Rama, Hazoro, 37Kedeshi, Edrei, Enehazoro, 38Yironi, Migdalele, Horeme, Bete-anata, ndi Beteshemeshe-misumba chumi pachanya yinkhonde ndi yinayi ndi mizi yawo. 39Ichi nchihara cha fuku laku Naftali kwakuyana ndi mbumba, yake misumba pamoza ndi mizi yawo.

Mphaka yaku Dani

40Ndipo mphenduzga ya chinkhonde ndi chiŵi yingutuliya ku fuku laku Dani, kwakuyana ndi mbumba yake. 41Ndipo chigaŵa cha chihara chake chingubang'a Zora, Esitaoli, Irisheme, 42Shalabini, Aijaloni, Itila, 43Eloni, Timima, Ekroni, 44Elteke, Gibetoni, Balata, 45Jeshudu, Beneberaka, Gatarimoni, 46ndi mejarakoni ndi Rekoni pamoza ndi chigaŵa cho chilereskana ndi Yopa. 47Penipo charu cha ŵina Dani chingukwamphulika, ŵina Dani ŵangukwera kwachirwana ndi Lesheme, ndipo ŵanguti ŵawukwamphuwa ndi kubaya ŵanthu ŵake unguŵa wawo ndipo ŵanguja mwenimo, ŵangudana zina Lesheme, Dani, mu zina laku Dani mbuyawo. 48Ichi nchihara cha fuku laku Dani, kwakuyana ndi mbumba, yake misumba iyi pamoza ndi mizi yawo.

Mphaka yaku Yoswa

49Ŵanguti ŵamara kugaŵa vyaru nge vihara, ŵaYisraele ŵangupaska chihara mukati mwawo kwaku Yoswa mwana waku Nuni. 50Kwakulingana ndi langulu la Ambuya ŵangumupaska msumba wo wangupempha Timanatasera mu charu cha mtunthu chaku Efraimu; ndipo wanguwuzenga so ndi wangujamo.

51Ivi ndi vihara vyenivyo Eleazara mzukuru ndi Yoswa mwana waku Nubi ndi ŵaraŵara ŵa nyumba za auskeu ŵa mafuku gha ŵaYisraele ŵangugaŵiya mu mphenduzga pa Shilo paurongo pa Ambuya, pa khomo la hema lakuwunganamo. Viyo wangumara kugaŵa charu cho.

Currently Selected:

Yoswa 19: TongaMw

Highlight

Copy

Compare