Yoswa 15

Mphaka yaku Yuda

1Ndipo mphenduzga ya fuku laku Yuda kwakuyana ndi mbumba zawo yingufika kuchiri ku malaŵi ku mphaka ya Edomu, ku bozwa la Zini ku malaŵi iku. 2Mphaka yawo kuchiri ku malaŵi yituwa pa chigoti cha Nyanja ya Mche, kutuwa pa dowoko la lilereska kuchiri ku malaŵi; 3yiruta kubwalo kuchiri ku malaŵi ku chikwera chaku Akrabimu, yijumpha mpaka ku Zini, kukwere ku malaŵi kwa Kadeshbarnea, kwendichika mu Hezroni, kukwere ku Adara, kung'anamukiya ku Kara, 4kujumpha mpaka ku Azmono, kurutiliya kwenda mu msinji wa Egipiti, mpaka yimariya pa nyanja. Iyi yikaŵanga mphaka yinu ku malaŵi. 5Ndipo mphaka yaku vuma ndi Nyanja ya Mche, mpaka ku zaru ku Yordane, mphaka yaku nkhonde yituwa pa dowoko la nyanja pa zaru la Yordane. 6Yikwera mpaka ku Bete-hagla yijumpha ku nkhonde kwa Bete-araba; mphaka yirutiliya kukwere ku mwa waku Bohana mwana waku Rubene; 7ndipo yiruta yikwere ku Debiri kutuwa ku dambo la Akoro, kurata ku nkhonde, ying'anamukiya kuchiri ku Gilgala, yo walereskana ndi chikwera cha Adumimi, yo we kuchiri ku malaŵi kwadambo; mphaka yirutiliya mpaka ku maji gha Eneshemeshe, yimariya pa Ene-rogele; 8sono apa mphaka yikwera ndi dambo la mwana waku Hinomu kuchiri ku malawi ku ŵaYebusi (yo ndi Yerusalemu); ndipo mphaka yikwera pachanya pa phiri lo linyekezga ku dambo la Hinomu, ku zambwe, ku umari waku nkhonde wa dambo la Rafaimi; 9po mphaka yirutiliya kutuwa pachanya pa phiri mpaka ku chisima cha maji gha Nefetoa, ndipo kutuwa kuwa mpaka ku misumba yaku phiri la Efroni, po mphaka yizunguliya ku Bala (yo ndi Kiriata-jearimi); 10ndipo yizgomba ku zambwe kwa Bala ku phiri la Seiri, yirutiliya ku phiri Jearimi ku nkhonde (yo ndi Kesalono), yiruta ndi kusikiya ku Bete-shemeshe, ndi kujumpha pa Timina; 11yituwa ndi kufika ku mtunthu waku nkhonde ku Ekroni, po mphaka yizunguliya ku Shikeroni, ndi kurutiliya ku phiri Bala, yituwa kurazga ku Yabanele, sono yituza ku chigoti ku nyanja. 12Ndipo mphaka yaku zambwe ndi Nyanja Yikuru ndi likumba lake. Iyi ndi mphaka ya kuzunguliya ŵaYuda kwakuyana ndi mbumba zawo.

Kalebe wapunda Hebroni ndi Debiri

(Ŵeruzgi 1.10-15)

13Kwakuyana ndi langulu la Ambuya kwaku Yoswa, wangupaska Kalebe mwana waku Yefuni chigaŵa mu ŵaYuda, Kiriata-araba, yo ndi Hebroni (Arba wenga wiske waku Anaki). 14Ndipo Kalebe wangudikiskamo ŵana ŵatatu ŵaku Anaki, Sheshai, Ahimana, ndi Talmai, ŵazukuru ŵaku Anaki. 15Ndipo kutuwa kuwa wangukwera kwachirimbana ndi ŵakuja mu Debiri; zina lakuti Debiri pakudanga lenga Kiriata-sefere. 16Kalebe wanguti, “Yose yo wangokoso Kiriata-sefere, ndi kuwupoka, ndi mupaskenge mwana wangu munthukazi Akisa kuŵa muwoli wake.” 17Ndipo Orniele mwana waku Kenaza, mbali waku Kalebem wanguwupoka; viyo wangumupaska Akisa mwana wake kuŵa muwoli wake. 18Wanguti waza kwaku iyo, Akisa wangumuchiska murumi wake kuti waŵapemphe awiske munda; ndipo wangusika pa mbunda yake, Kalebe wangunena nayo, “Ukhumbanji?” 19Wangunena nayo, “Undipaske chawanangwa, mo wandipaskiya charu chaku mwela, undipaske so visima vya maji.” Ndipo Kelebe wangumupaska visima vya kunena ndi visima vya kusika.

20Ichi nchihara cha fuku la ŵaYuda kwakuyana ndi mbumba zawo. 21Misumba yaku umari ku malaŵi, kulazga ku mphaka ya Edomu yo yenga ya ŵaYuda, yenga Kabzale, Edere, Yaguru. 22Kina, Dimona, Adadi, 23Kedeshi, Hazoro, Itinani, 24Zifi, Telene, Bealoti, 25Hazoro, Hadeta, Kerioto-hezroni (yo ndi, Hazoro), 26Amama, Shema, Molada, 27Hazarogada, Heshimoni, Bete-pelete, 28Hazara-shuala, Beresheba, Biziotia, 29Bala, Imi, Ezeme, 30Etolada, Kasili, Horma, 31Ziklaga, Madmana, Sausana, 32Lebaoti, Shilhimi, Aini, ndi Rimoni: yose pamoza yenga machumi ghaŵi pachanya nkhonde ndi yinayi pamoza ndi mizi yake.

33Mu charu cha chidika, Eshitaolo, Zora, Achizibi, 34Zanoa, Enganimi, Tapua, Enama, 35Yarmutu, Adulama, Soko, Azeka, 36Sharaimi, Aditaimi, Gedera, Gederotaimi: Misumba chumi ndi yinayi ndi mizi yake.

37Zenana, Hadasha, Migdatagada, 38Dileana, Mizpa, Yoktele, 39Lakishi, Bozokata, Eglono, 40Kaboni, Lahama, Kitlishi, 41Gederoto, Betedagono, Nama, ndi Makeda, Misumba chumi pachanya nkhonde ndi umoza ndi mizi yake.

42Libina, Etere, Ashana, 43Ifta, Ashua, Nezi, 44Keila Akazi ndi Maresha: Misumba nkhonde ndi yinayi ndi mizi yawo.

45Ekroni Misumba yake ndi mizi yake; 46kutuliya ku Ekroni kuya ku nyanja, yose yo yenga kuchiri ku Ashidodi, ndi mizi yawo.

47Ashidodi misumba yake ndi mizi yake, Gaza misumba yake ndi mizi yake; kuya ku msinji wa Egipiti, ndi Nyanja Yikuru pamoza ndi likumba lake.

48Ndi mu charu cha mitunthu, Shamiri, Yatiri, Soko, 49Dani, Kiriata-sana (yo ndi Debiri), 50Anaba, Eshitemo, Animi, 51Gosheni, Holono, ndi Gilo: misumba chumi ndi umoza ndi mizi yake.

52Araba, Duma Eshena, 53Yanimi, Bete-tapua, Afeka, 54Humuta, Hiriata-arba (yo ndi Hebroni), ndi Zioro misumba nkhonde ndi yinayi ndi mizi yake.

55Maono, Karmele. Zifi, Yuta, 56Yezerele, Yokodeama, Zanoa, 57Kayini, Gibea, ndi Timina; misumba chumi ndi mizi yake.

58Halagulu, Betezeru, Gedoro, 59Marata, Bete-anoti, ndi Eltekoni: misumba nkhonde ndi umoza ndi mizi yake.

60Kiriata-bala (yo ndi Kiriata-jearimi), ndi Raba: misumba yiŵi ndi mizi yake. 61Mu bozwa, Bete-araba, Midoni, Sakaka, 62Nibishana, msumba wa mche, ndi Engedi misumba nkhonde ndi umoza ndi mizi yake.

63Kweni ŵaYebusi, ŵakuja mu Yerusalemu, ŵanthu ŵaku Yuda kuti ŵangukhumba kuŵadikiska cha; viyo ŵaYebusi ŵanguja pamoza ndi ŵaYuda mu Yerusalemu kufika ku zuŵa lino.

Currently Selected:

Yoswa 15: TongaMw

Highlight

Copy

Compare