Yesaya 4
4
Kutozgeka kwa Yerusalemu
1Ndipo ŵanthukazi ŵankhonde ndi ŵaŵi ŵakakonga munthurumi yumoza mu zuŵa leniliya, ŵamkuti, “Tikarghanga kurgha kwaku taŵeni ndi kuvwara saru zakutaŵeni kweni zomera kuti tidanike ndi zina lako, tuzgapo soni paku ifwe.”
2Mu zuŵa liya mphanda ya Ambuya yikaŵanga yakutowa ndi kukankhuskika, ndipo chipasi cha charu cho chikaŵanga kujikuzga ndi unkhankhu wa ŵakujapo ŵamoyo ŵaku Yisraele. 3Ndipo yo wakasiyikanga mu Zioni ndi wakujaririya mu Yerusalemu wakadanikanga wakupaturika, we yose yo walembeke umoyo mu Yerusalemu, 4penipo Ambuya asuka lisiru la ŵanthu ŵaku Zioni ndi kutozga mudonthu wa ndopa za Yerusalemu kutuwa mukati mwake ndi mzimu wa cheruzgu ndi mzimu wakocha. 5Sono Ambuya akalenganga pa malo ghose gha phiri Zioni ndi pa maungano ghake mtambo ndi msana, ndi usi ndi kuŵara kwa moto wakulipuka ndi usiku; pakuti pa unkhankhu wose pakaŵanga chivwinkhu cha pa chitengo ndi chihema. 6Chikaŵanga chakupaska mduzi ku chifundizi ndi msana, chakudingang'amo ndi chakuvikiriya ku lirondo ndi vuwa.
Bible Society of Malawi