Hoseya 4
4
Ambuya amikana ndi ŵaYisraele
1Vwani mazu gha Ambuya imwe mwa ŵaYisraele;
chifukwa Ambuya ŵe ndi mlando ndi ŵakuja mu charu.
Palivi chigomezgu, chingana mbulemu,
pamwenga kuziŵa Chiuta mu charu.
2Mwe kurapa, kupusika, kubaya,
kuba, ndi kuchita ureŵi,
ŵabwanganduwa zimphaka,
ndipo kubaya kurondo kubaya.
3Chifukwa ichi, charu chitenge,
ndipo wose wo ŵaja mwaku cho ŵakhuluruka nthazi,
ndi so nyama zamu dondo,
ndi tuyuni twa mude,
chingana ndi somba zamu nyanja nazo zitoreka.
4Ndipuuli munthu wareke kutendeka munyake,
ndi wareke munthu kupacha munyake;
chifukwa ine nditendekana ndi iwe, wa mzukuru.
5Mukaguŵanga ndi msana,
ndi mchimi nayo waguŵenge pamoza namwe ndi usiku;
ndipo nkhananganga anyoko.
6Ŵanthu ŵangu ŵanangika chifukwa chakuŵavi zeru,
chifukwa mwapata zeru,
ine nane nditukupata kuŵa mzukuru wangu.
Chifukwa waruwa dangu laku Chiuta wako,
nane ndiruwenge ŵana ŵako.
7Kwakulingana nge ndimo
ŵangwandaniyana ukongwa,
ndimu so ŵangundilakwiya;
ndisinthenge unkhankhu wawo kuŵa soni.
8Waturgha kwananga kwa ŵanthu ŵangu;
ŵaŵika mtima pa kulakwa kwawo.
9Kukaŵanga viyo ku ŵanthu, ndi ŵazukuru,
ndiŵarangenge chifukwa cha kendero kawo,
ndi kuŵawezge nchitu zawo.
10Warghenge kweni kuti ŵagutenge cha;
ŵachitenge ureŵi kweni kuti ŵandanenge cha;
chifukwa ŵareka kuphwere Ambuya mwakuti ŵaŵika
mitima yawo pa ureŵi.
Ambuya asuska visopo vya ŵangoza
11Vinyo ndi vinyo mufya,
watuzgako vinjeru vyawo.
12Ŵanthu ŵangu ŵafumba fundu ku chimuti,
ndipo ndodo yawo yitiŵakonkhoske.
Chifukwa mzimu wa ureŵi waŵarandizga,
ndipo ŵareka Chiuta wawo chifukwa ŵakhumba kuchita ureŵi.
13Ŵapereka sembe pachanya pa mapiri,
ndi ŵapereka mipasku pa tumapiri,
musi mu miti ya kankhandi, ndi mkongwe,
ndi mtaŵa chifukwa miduzi yawo njamampha.
Chifukwa ichi ŵana ŵinu ŵanthukazi ŵachita ureŵi,
ndi awoli ŵinu nawo ŵachita ureŵi.
14Ndiŵarangenge cha ŵana ŵinu ŵanthukazi ŵachichita ureŵi,
chingana mbawoli ŵinu ŵachichita ureŵi;
chifukwa ŵanthurumi nawo ŵapatukiya ku ŵareŵi,
ndi kupereka sembe ndi ŵanthukazi ŵareŵi;
ndipo ŵanthu ŵambura vinjeru ŵamupasuka.
15Chingana muchita maureŵi, imwe ŵaYisraele,
kweni Yuda wangananganga cha.
Mungazanga ku Gilgala cha
chingana nkhukwere ku Betavene,
pamwenga kurapa, “Ambuya wamoyo.”
16Yisraele wangangamika nge ndi ng'ombe yinthukazi yimana;
kumbi sono Ambuya angaziŵa kuŵaliska
nge ndi mwana wa mberere mu dambo lisani?
17Efraimu wabatikana ndi ŵangoza
mlekeni yija.
18Mpingu wa ŵaloŵevu, wajipereka ku maureŵi;
ŵatanja kulengeskeka kwakuruska unkhankhu wawo.
19Mphepo yaŵavungiya mu mapapa ghake,
ndipo ŵalengeskekenge chifukwa cha majochero ghawo.
Currently Selected:
Hoseya 4: TongaMw
Highlight
Copy
Compare
Share
Want to have your highlights saved across all your devices? Sign up or sign in
Bible Society of Malawi
