Hoseya 5
5
1Vwani ichi, mwa ŵazukuru!
Vwiyani, mwa ŵanyumba yaku Yisraele!
Vwiyani, mwa ŵanyumba ya karonga!
Chifukwa cheruzgu nchinu;
pakuti mwenga chiŵana pa Mizipa,
ndi ukonde wakupong'eka pa Taboro.
2Ndipo ŵakumba pasi ukongwa mbuna yaku Shitimu,
kweni ndiŵarangenge wose.
3Ndimziŵa Efraimu,
ndi Yisraele kuti ngwakubisika cha kwaku ine;
pakuti sono iwe Efraimu, wachita ureŵi.
Hoseya wachenjezga ŵaYisraele ndi visopo vya ŵangoza
4Nchitu zawo kuti ziwazomerezga cha
kuwere kwaku Chiuta wawo.
Chifukwa mzimum waureŵi we mukati mwawo,
ndipo ŵalivi kuŵaziŵa Ambuya.
5Kujikuzga kwaku Yisraele kusimikizga pa maso pake;
Efraimu waguŵenge mu kwananga kwake;
Yuda nayo waguŵenge pamoza nayo.
6Ŵarutenge kupenja Ambuya ndi mskambu wa mberere,
ndi mpingu wa ng'ombe zawo,
kweni kuti aŵasaniyenge cha;
apatukako kwaku iwe.
7Wachita kwambura magomekezgeka ndi Ambuya,
chifukwa ŵabala ŵana ŵachilendo. Sono mwezi ufya wakuŵalika ŵamarenge pamoza ndi minda yawo.
Nkhondo pakati pa ŵaYisraele ndi ŵaYuda
8Mbani mbata mu Gibeya, ndi lipenga mu Rama.
Kamburani mu Betavene; tenthema, iwe Benjamini.
9Efraimu wasandukenge mahame mu zuŵa lakurangika kwake;
ndiziŵiska mafumu gha ŵaYisraele cho chikaŵangako nadi mukati mwawo.
10Mafumu ghaku Yuda ghaŵa nge ndiwo ŵanderezga mphaka;
ndipunguliyenge ukari wangu paku iwo nge ndi maji.
11Efraimu wasuzgika ndi kupwetekeka mu cheruzgu,
chifukwa wanguŵika mtima wake pa vyaŵakaŵaka.
12Chifukwa ichi nde nge ndi fufuzi kwaku Efraimu,
ndi nge nchivuzi chakumira ku nyumba yaku Yuda.
13Po Efraimu wanguwona utenda wake,
ndi Yuda wanguwona chironda chake,
Efraimu wanguruta ku Asiriya
ndi kutuma mazu ku karonga mkuru.
Kweni iyo kuti waziŵa kumuchizgani cha
pamwenga kuchizga chironda chinu.
14Chifukwa ndiŵenge kwaku Efraimu nge ndi nkharamu,
ndi nge ndi nkharamu yimana ku nyumba yaku Yuda.
Ine, nadi ine, ndiparuwenge ndi kutuwapo,
ndikonge ndipo palivi yo wangataska.
Kureka kung'anamuka kwakufikapo kwa ŵaYisraele
15Ndiwerenge so ku malo ghangu,
mpaka ŵazomere kwananga kwawo,
ndipo ŵapenge chisku changu.
Ndipo mu suzgu yawo ŵatindipenja,
ŵatiti,
Currently Selected:
Hoseya 5: TongaMw
Highlight
Copy
Compare
Share
Want to have your highlights saved across all your devices? Sign up or sign in
Bible Society of Malawi
