ŴaKolose 4

1Mwaŵambuyau, cho nchakurunjika ndi chakuyamu ŵachitiyeni ŵaŵanda ŵinu, pakuziŵa kuti imwe namwe mwe nayo Mbuya kuchanya.

Mapangizgu

2Fwiririyani mu kuromba, ndipo mucherezge mwenimo ndi kuwonga. 3Mutirombe ifwe nafwe, mwa kuti Chiuta watijuriye khomo la mazu gho, kukamba vyakubisika vya mu mazu ghaku Kristu, chifukwa chaku ghenigho nde mukumangika, 4alinga kuti ndighavumbuwe mo nditenere kughakambiya. 5Mwendenge mu zeru kuchiri ku ŵakubwaro, fiskani kwakulingana ndi mwaŵi wo ulipo. 6Mazu ghinu ghaŵe ghawezi nyengo zose, ghakunoweskeka ndi mche, kuti muziŵe mo kutenere imwe kumwamukiya munthu yose, yumoza ndi yumoza.

Matauzgu

7Vyose vya paku ine wamkukuziŵiskani Tukhiko, mbali wakwanjiwa ndi mteŵeti wamagomekezgeka, ndi muŵanda-munyangu mu Mbuya.

8Mweniyo ndamutuma kwinu chifukwa chaku chenichi, chakuti muziŵe vya paku ifwe, ndipo kuti wachinthiske mitima yinu; 9pamoza ndi Onesimo, mbali wamagomekezgeka ndi wakwanjiwa, yo njumoza namwe. Wakakuziŵiskaninga vyose vyo vye kuno.

10Aristarko, wamkoli-munyangu, wakutauzgani, ndi Marko, msiŵani waku Barnaba (paku mweniyo munguronde malangulu; asani watuza ko mrondiyeni), 11ndi Yesu, wakuzumbulika Yusto. Yaŵa pe ŵija ndiwo mba muchinju mukati mu ŵanchitu ŵanyangu mu ufumu waku Chiuta, wo wose ŵandiŵiya sangarusku. 12Wakutauzgani Epafra, yumoza namwe, muŵanda waku Kristu Yesu, wakurimbarimba mu marombu ghake nyengo zose chifukwa chaku imwe, kuti muŵe ŵakufiskika ndi ŵakukhozgeka mu khumbo lose laku Chiuta. 13Chifukwa nditimusimikizgiya kuti ngwakufukafuka limu chifukwa chakuimwe, ndi chifukwa chaku wo ŵamu Laodikea, ndi ŵamu Hierapoli. 14Wakutauzgani Luka, ng'anga yo yakwanjiwa, ndi Demase. 15Ŵatauzgeni ŵabali ŵamu Laodikea, ndi Numpha, ndi mpingu wakuungana pa nyumba yake. 16Ndipo asani kalata uyu waŵerengeka mwaku imwe, panikizgani ndi kuti waŵerengeke so ku mpingu waku Laodikea, ndikuti namwe so muŵerenge yo watuwa ku Laodikea. 17Ndipo muneniyeni Arkipo kuti, “Fiska uteŵeti wo waronde mu Mbuya.”

18Tauzgo laku ine nda Paulo, lakulembeka ndi janja langu. Kumbukani magoŵa ghangu. Wezi uŵe namwe.

Currently Selected:

ŴaKolose 4: TongaMw

Highlight

Copy

Compare