3 Yohane 1
1
Mazu ghamoyo ghawoneka mu nyama
1Mura yo kwaku Gayo wakwanjiwa yo, mweniyo nditanja mu uneneska.
2Wakwanjiwa, ndiromba kuti mwaku vyose usakatenge ndi uŵe umampha, uli ndimo mzimu wako usakatiya. 3Chifukwa ndingukondwa ukongwa, penipo ŵabali ŵanguza ndi kusimikizga uneneska wako, uli ndimo utende iwe mu uneneska. 4Ndirive likondwa likuru kwakuruska kuvwa kuti ŵana ŵangu mbakwenda mu uneneska.
Gayo warumbika
5Wakwanjiwa we, uchita kwamagomekezgeka chose chenicho uŵachitiya ŵabali, ndi ukongwa ku ŵalendo wo, 6ŵeniwo ŵangusimikizgiya chanju chako paurongo pa mpingu: ŵeni wopa kuŵapereke pa lwendo lawo uchitiye kwakwenere Chiuta: 7chifukwa kuti, pa chifukwa chazina lo, waruta kwambura kuronde kanthu ku ŵaMitundu wo. 8Viyo titenere ifwe kuŵaronde ŵaviyo alinga kuti tiŵe ŵanchitu ŵanase mu uneneska wo.
Diotrefe ndi Demetrio
9Ndingulemba ku mpingu wo: kweni Diotrefe, yo watanja kuŵa mura mwaku wo, wakanakundivwiya. 10Chifukwa chenichi, asani nthuza, ndichitenge chikumbusku cha milimu yake yo wachitiya pakuti bwebwete ndi mazu ghaheni: ndipo pakukhorwa ndi mazu gho cha, iyo yija wakana kuŵaronde ŵabali ndipo wakanizga ŵeniwo ŵakhumba kuŵaronde, watuŵadika mu mpingo wo.
11Wakwanjiwa we, ungezganga cha cho nchiheni, kwani cho nchamampha. Yo ngwakuchita umampha ngwa kwaku Chiuta: yo ngwakuchita uheni walive kumuona Chiuta. 12Kwaku Demetrio kwasimikizgikiya ndi wose, ndipo so ndi uneneska nawo: ndipo nafwe timsimikizgiya; ndipo uziŵa kuti chisimisimi chidu nchakuneneska.
Matauzgu
13Ndinguwa ndi vinandi kulemba kwako, kweni kuti ndikhumba kuvilemba kwaku iwe ndi inke ndi peni cha, 14kweni ndigomekezga kukuwona ruŵi, ndipo tazamkambiskana chisku ku chisku.
15Chimangu chiŵe nawe. Ŵabwezi ŵakutauzga. Ŵatauzge ŵabwezi, zina ndi zina.
Currently Selected:
3 Yohane 1: TongaMw
Highlight
Copy
Compare
Share
Want to have your highlights saved across all your devices? Sign up or sign in
Bible Society of Malawi