2 ŴaTesalonika 2
2
Munthu mulakwi
1Kweni tikuŵeyereni, mwa ŵabali, nge nkhu uzi wa Ambuyafwe Yesu Kristu, ndi kongana kwidu pamoza nayo, 2kusukung'ika ruŵi cha mu vinjeru vinu, chingana nkhofyeka cha pamwenga ndi mzimu, pamwenga ndi mazu, pamwenga ndi kalata nge ngwakutuliya kwaku ifwe, kuti zuŵa la Ambuya sono lafika. 3Wangamufuvyani yumoza cha panthowa ye yose; pakuti lingaza cha, kwambura kuti chaŵapo danga chidezuka ndipo wavumbulika munthu yo wa ulakwi, mwana yo wa wanangiku, 4yo wamikana ndi watijitumphuskiya paku yose wakuzumbulika Chiuta pamwenga paku cho chisopeka; viyo kuti iyo waja mu kasopi waku Chiuta, wakujirongo nge nkhuti ndiyo Chiuta. 5Asi mukumbuka kuti, ndeche kwinu, ndamkambiyaninga vyenivi? 6Ndipo sono muziŵa chenicho chitumjarizga, alinga kuti wavumbulike mu nyengo yake. 7Chifukwa chakubisika cha uchikana marangu chayamba kali kugwira nchitu yake; kweni mpaka sono walipo yo watichikanizga, wachikanizgenge mpaka po iyo watuzgikapo. 8Ndipo wamvumbulika chikana marangu yo mweniyo Ambuya amukumwananga ndi mvuchi wamumlomo wawo, ndipo amukumuvikita ndi chiwoneka cha uzi wawo. 9Uzi waku chikana marangu yo mu kachitidu kaku Satana wakaŵanga ndi nthazi yose ndi visimikizgu ndi minthondwi yitesi, 10ndipo ndi fuzi yose ya uwura-urunji kwaku wo mbakutayika; chifukwa-wangukana kwanja uneneska wo, mwakuti wataskike. 11Ndipo chifukwa chenichi Chiuta waŵatumiya kachitidu ka urandizgi, alinga kuti ŵavwaniye iwo mu utesi: 12viyo kuti ŵeruzgike wose wo ŵengavi kuvwana mu uneneska wo, kweni ŵangukondwere mu uura-urunji.
Mwasankhikiya ku utaski
13Kweni titenere ifwe kumwonga Chiuta nyengo zose pa chifukwa chinu, mwa ŵabali ŵakwanjika ndi Mbuya, pakuti Chiuta wakumusankhani pa mteneku kuti mutaskike, mukuphotoreka ndi Mzimu ndi mu chivwanu chamu uneneska. 14Kwaku chenicho wangumdaniyani mu evangeli widu, mwakuti musangane unkhankhu wa Ambuyafwe Yesu. 15Viyo na, mwa ŵabali, ngangamikani, koreskani midauku yo mwasambizgika, ndi ifwe mu mazu pamwenga mu kalata widu.
16Ndipo Ambuyafwe Yesu Kristu mweneko, ndi Chiuta Auskefwe, yo wangutanja ndi wangutipaska chisangurusku cha muyaya ndi chigomekezgu chamampha mu wezi, 17wasangaruske mitima yinu ndi wayikhozge mu mlimu wose wamampha ndi mu mazu.
Currently Selected:
2 ŴaTesalonika 2: TongaMw
Highlight
Copy
Compare
Share
Want to have your highlights saved across all your devices? Sign up or sign in
Bible Society of Malawi
