Popular Bible Verses from 2 ŴaTesalonika 2

Share

Wangamufuvyani yumoza cha panthowa ye yose; pakuti lingaza cha, kwambura kuti chaŵapo danga chidezuka ndipo wavumbulika munthu yo wa ulakwi, mwana yo wa wanangiku

Kweni titenere ifwe kumwonga Chiuta nyengo zose pa chifukwa chinu, mwa ŵabali ŵakwanjika ndi Mbuya, pakuti Chiuta wakumusankhani pa mteneku kuti mutaskike, mukuphotoreka ndi Mzimu ndi mu chivwanu chamu uneneska.

yo wamikana ndi watijitumphuskiya paku yose wakuzumbulika Chiuta pamwenga paku cho chisopeka; viyo kuti iyo waja mu kasopi waku Chiuta, wakujirongo nge nkhuti ndiyo Chiuta.

Ndipo Ambuyafwe Yesu Kristu mweneko, ndi Chiuta Auskefwe, yo wangutanja ndi wangutipaska chisangurusku cha muyaya ndi chigomekezgu chamampha mu wezi, wasangaruske mitima yinu ndi wayikhozge mu mlimu wose wamampha ndi mu mazu.

Ndipo chifukwa chenichi Chiuta waŵatumiya kachitidu ka urandizgi, alinga kuti ŵavwaniye iwo mu utesi

Uzi waku chikana marangu yo mu kachitidu kaku Satana wakaŵanga ndi nthazi yose ndi visimikizgu ndi minthondwi yitesi, ndipo ndi fuzi yose ya uwura-urunji kwaku wo mbakutayika; chifukwa-wangukana kwanja uneneska wo, mwakuti wataskike.

Chifukwa chakubisika cha uchikana marangu chayamba kali kugwira nchitu yake; kweni mpaka sono walipo yo watichikanizga, wachikanizgenge mpaka po iyo watuzgikapo.