2 ŴaKorinte 13
13
Vichenjezgu vinyake ndi matauzgu
1Aka nkhachitatu nthuza kwinu. Pa mlomo wa ŵakaboni ŵaŵi pamwenga ŵatatu nkhani yose yikakhozgekanga. 2Ndakambiya pakweru, ndipo pakweru ndikambiya nge mphenipo ndinguŵiyapo pa ulendo wa chiŵi, viyosono napo pakuŵapo cha ndikamba kwaku wo ŵalakwa kali, ndi ku ŵakujapo wose, kuti, asani ndingaza so, kuti nkhalekerezganga imwe cha. 3Po mulembe chisimikizgu chaku Kristu wakurongorole mwaku ine; mweniyo kuchiri kwinu kuti watomboroka cha, kweni ngwanthazi mwinu. 4Chifukwa nanga wangupayikikiya mu unthomboru, ndikweni wajariya wamoyo mu nthazi yaku Chiuta. Chifukwa nafwe te ŵakutomboroka mwake, kweni pakutakataka ndi imwe tijariyenge ŵamoyo pamoza ndi iyo mu nthazi yaku Chiuta. 5Mujese, vinu mwe ŵakukoleze chivwanu cho mujirozge mwaŵeni. Pamwenga kumbi mureka kujiziŵiya, kuti Yesu Kristu we mwinu? Vinu kokuli mwe ŵakupatika. 6Kweni ndigomekezga kuti mukaziŵanga kuti ifwe te ŵakupatika cha. 7Ndipo timromba Chiuta, kuti mureke kwananga; kuti nchakuti ifwe tiwoneke ŵakurumbika cha, kweni kuti muchite imwe cho nchikongorekwa, chingana tingaŵa ifwe nge mbakupatika. 8Chifukwa kuti tiziŵa cha kuchitiya kanthu pa uneneska, kweni chifukwa cha uneneska. 9Chifukwa tikondwa, penipo titomboroka ifwe, ndipomwe ŵanthazi imwe: chenichi nacho tirombe, kukongora kwinu, 10chifukwa chenichi ndilemba vyenivi pakuŵa kunyake, alinga kuti, pakuŵapo, ndingachitiya kwakufyanga cha, kwakulingana ndi mtufu weniwo ŵandipaska Ambuya kwachizenga, ndi kwachibwanganduliya pasi cha. 11Pakumariya, mwa ŵabali, paweme! Mukongoreke: musangaruskike; mupimiye chakuyana pe; mujaririyane mu chimangu; ndipo Chiuta wa chanju ndi chimangu waŵenge pamoza namwe. 12Tauzganani ndi mufyofyonthu ukhovu. 13Ŵakupaturika wose ŵakutauzgani.
14Wezi wa Ambuya Yesu Kristu, ndi Chanju chaku Chiuta, ndiŵanase wa Mzimu Wakupaturika vikuŵiyeni imwe mose.
Currently Selected:
2 ŴaKorinte 13: TongaMw
Highlight
Copy
Compare
Share
Want to have your highlights saved across all your devices? Sign up or sign in
Bible Society of Malawi
