1 ŴaTesalonika 5
5
Mukhazge kuza kwambuya
1Kweni, mwa ŵabali, kuti mukavuka cha kuti ghapa zinyengo ndi virimika ghalembeke kwaku imwe.
2Chifukwa mwaŵeni muziŵiya limu kuti nge ndi munkhungu ndi usiku viyo lizenge zuŵa lo, la Ambuya. 3Po ŵatiti, “Chimangu ndi wanangwa,” penipo ndipo phasulu lituŵawiya kwakubuchizga, uli ndimo urwirwi utumuŵiya wanthumbo; ndipo kuti wampozomoka kose cha. 4Kweni imwe, mwa ŵabali, kuti mwe mu mdima cha, viyo kuti zuŵa lo lingamkoni nge ndi munkhungu: 5chifukwa mose mwe ŵana ŵa kungweruka, ndi ŵana ŵa msana: kuti te ŵa usiku, chingana mbamdima cha. 6Viyo na tireke kura tulo nge mbanyake, kweni ticherezge ndi tizize. 7Chifukwa ŵakura ŵara ndi usiku; ndi ŵakuloŵe ŵaloŵe ndi usiku. 8Kweni ifwe, taŵakuŵa ŵa msana, tizize, taŵakuvwara chivekeru chapa chifuŵa cha chivwanu ndi chanju, ndi nge nchapa mutuchigomekezgu cha chipozomosku. 9Pakuti Chiuta walive kutiteme ku kandundu, kweni kwachironde chipozomosku mu Ambuya Yesu Kristu, 10yo wangutifwiya, alinga kuti, chingana ticherezga, chingana tira, tiŵenge ŵamoyo pamoza nayo. 11Chifukwa chenichi chiskanani, ndi zenganani, uli ndimo muchitiya.
Vipangizgu vyakumariya ndi matauzgu
12Kweni tikuŵeyereni, mwa ŵabali, phwereni ŵeniwo ŵatakatakiya mwinu, ndi ŵakuŵa pachanya pinu mu wanasi wa Ambuya, ndi ŵakumpangizgani fundu; 13kuŵarumba ukongwa mu chanju, chifukwa cha nchitu yawo. Muŵe ndi chimangu mwaku mwaŵeni. 14Kweni tikuŵeyereni, mwa ŵabali, chinyiyani ŵatimbanizi, ŵachichizgeni ŵakufwa chipoyu mu mtima, chirikizgani ŵanthomboru, muŵe ndi lisungu kwaku wose. 15Thoŵani kuti paŵevi yumoza wakuwe'ezge munyake uheni pa uheni; kweni nyengo zose penjiyanani cho nchamampha, yumoza ku munyake, ndi kwaku wose. 16Kondwani nyengo zose; 17rombani kwambura kulerezga; 18mwaku vyose Kristu Yesu kuchiri kwaku imwe. 19Mungazimwa Mzimu; 20mungayuyuwa mauchimi cha; 21vyeseni vyose; koreskani cho nchamampha; 22mujipatuweko ku kawonekedu kose kaheni.
23Ndipo mweneko Chiuta wa chimangu wakuphotoni kosekose; ndipo mzimu winu ndi vinjeru vinu ndi liŵavu visungike vizirima, kwambura kalema pa chiwoneka cha Ambuyafwe Yesu Kristu. 24Ngwamagomekezgeka yo wakumdanani, mweniyo so wakachichitanga.
25Mwa ŵabali, tirombiyeni.
26Tauzgani ŵabali wose ndi mfyofyonthu wakupaturika.
27Ndikurapiskiyani mu Mbuya, kuti kalata mwenuyo waŵerengeke ku ŵabali wose.
28Wezi wa Ambuyafwe Yesu ukuŵiyeni.
Currently Selected:
1 ŴaTesalonika 5: TongaMw
Highlight
Copy
Compare
Share
Want to have your highlights saved across all your devices? Sign up or sign in
Bible Society of Malawi
