Rutu 1
1
Rutu pi Naomi be
1 #
Lip 2:16; E’do 12:10; 26:1; Azi 28:38; 1 Opi 18:2; 2 Opi 8:1; Lip 17:8; Mik 5:2 Eri nga eca ’dini ewu ’ba e’yo lipi ’diyini ’ba ma e’yo lizurisi, liki nga ’ de angua. Ka’dinile ’ba alu engapi Betelehemu Yudaariari nga mu ovu angu Moabunia, eri’i, oku erini pie, agupianzi erini iri ’diyi be. 2#E’do 35:19; Lip 3:30Agu nde ma ru Elimeleki’i,oku erini ma ru Naomi’i, agupianzi erini iri yi ma ru Malona pi Kiliona be; yi ovu ’ba Efiratani engapi Betelehemu Yudaaria ’diyi. Yi di nga emu fi angu Moabunia, yi ovu ’dale. 3Te Elimeleki Naomi vile agupi nga dra ra, nga eri ku a’dule agupianzi erini iri ’diyi be. 4Anzi nde nga ezoanzi Moabu ezoru ’diyi je oku yiniru; aluri ma ru Oripa’i, aziniri ma ru Rutu’i. Yi nga adri ’dale ekile eli mudri ’dipi; 5Malena pi nga odra Kiliona be iri tro; ka’dinile agupini drale agupianzi erini iri ’diyi be indirisi, oku nde nga ace pirini a’dule.
6 #
Efu 4:31; Zab 80:14; Yer 29:10; Zef 2:7; Zek 10:3; Luk 1:68; 7:16; E’do 28:20; 48:15; Efu 16:4, 6; Zab 104:14, 16; O’be 30:8; Isa 55:10; Mat 6:11 Vutinia eri nga enga edrepi erini iri ’diyi be, mvizu engazu angu Moabuniasi ani; a’disiku eri eri ’bo de eri ’dale angu Moabunia, kini, Yehova andri ’ba erini ’bo, nyaka fezu yi dri. 7E’yo ’disi eri nga di efu pari erini ovuzuriasi edrepi erini iri ’diyi eri be indi, yi bi geri mvizu angu Yudaaria. 8#Yos 24:15; 2 Tim 1:16Naomi nga ’yo edrepi erini iri ’diyi ma tia kini, Emi’i, emi ma mu mvi emi alu alu emi andri vile joa. Yebova ma ’ye emi be asi ndrizasi, emini ’yele ’ba drapi ’bo ’diyi vu, ma vu indirile, 9#Rut 3:1Yehova ma fe emi ma isu pari ava lizuri, emi alu alu agupi emini ma joa! Eri nga yi ma o’bolo ndru, te yi’i, yi nga yi ma o’duko enga uru wuzu. 10Yi nga e’yo omvi eri tia ani, ’Dini ku, te ama mvi mi pie mi o’dipia. 11#E’do 38:11; Azi 25:5Te Naomi ’yo ra, Emi ma oja emi vile, ma edrepi, emi nga mu ma be a’disi ya? Ma eco nga agupianzi azini isu ma opoa, yi ma ovu agupi eminiru ani ra ya? 12Emi ma oja emi vile, ma edrepi, emi ma mu leti eminia; ma’i, ma de ’bo, econi mani muzaru agupia ku. Ma ka te ’yo ra, Ma ’ba ma asi agupianzi tizu, ma ka te mu agupia ini ’dorisi, 13#Lip 2:15; Yob 19:21; Zab 32:4; 38:2te emi’i, emi eco te tezaru yini zoria ra ya? Emi nga ga muko agupi azinia si ya? ’Dini ku, una edrepi, ma ovu candisi tu e’yo leminisi, Yehova ma drini efule ma ruaa okporurisi. 14#Azi 4:4; 10:20; O’be 17:17; 18:24; Yoh 6:66-69; Ebra 10:39Yi nga ani yi ma o’duko enga uru wuzu dika; Oripa nga di i ma edri ma o’bolo ndru mvizu, te Rutu nga te eri be ’dani.
15 #
Yos 24:15-21; Lip 11:24 Eri nga ’yo ra, Mi ndre, mi a’i mvi i vile ’bo, Mungu erini vu indi; mi ma mvi mi a’i ma vutia indio 16Te Rutu nga ’yo ra, Mi ma ’ba matu ma vu kini ma ma ku mi ra, te ma ma mvi, ma ma bi mi vuti ku, ’dini ku; a’disiku pari mini ngazu muzuria ma nga mu alu indi, pari mini rizuria ma ri alu indi; ’ba mini nga ovu ’ba maniru, Mungu mini nga ovu Mungu maniru; 17#1 Sam 3:17; 25:25; 2 Opi 6:31pari mini drazuria ma nga dra indi, ’ba ma sa ma ’dale. Yehova ma ’ye ma be ’dini, kani aga ’di ra, ma ka mi ku ra de nga dra coni ama esele mi be ku. 18#’Yeta 21:14Ka’dinile eri ka ndre eri ovu asi teza be lezu muzu i be asi driasi, eri ku e’yo ’yozu eri tia ja,
19 #
Mat 21:10; Isa 23:7; Imv 2:15 Yi iri tro nga aci ’dani cazu Betelehemua ani. Eri nga di eca ’dini, yi ka ca Betelehemua ’bo, ’ba dria kina kina yi osu osu e’yo yinisi; oku yi nga ’yo ani, ’Di we Naomi’i ya? 20Te eri omvi e’yo yi tia kini, Emi ma ’da ma ru Naomi’i dika ku, te Mara’i, a’disiku Mungu okpo be Turi fe ma dri candi okaru tu. 21#1 Sam 2:7, 8; Yob 1:21Ma fu ndra tre, te Yehova omvi ma akua dika pirini. Yehova nze e’yo mani onzi, azini Mungu Okpo be Turi ecandi ma ’bo; emi di ma omve Naomi’i ’dini a’disi ya?
22 #
Efu 9:31; 2 Sam 21:9 Ka’dinile Naomi emvi di, Rutu Moabu ezoro ovupi mva erini ma oku emvipi eri be Moabuasiri be. Yi ca Betelehemua ewu ’bani ondu lozurisi.
Currently Selected:
Rutu 1: LB66
Highlight
Copy
Compare
Share
Want to have your highlights saved across all your devices? Sign up or sign in
Bible in Lugbara © United Bible Societies, 1966.