'Ba E'yo Lipi 'Diyini 21

Geri ’ba Benyaminini ’diyini oku isuzuri

1 # Lip 20:1; 1 Sam 7:5, 6 Isu de ’ba Israelini so ndra oyo Mizipaa, kini, ’Ba aluni ama eselia ngani i ma zini fe Benyamini dri okuru ku. 2#Yos 18:1; Lip 20:18, 26’Ba nde nga di emu Betelia, ri ’dale kpere ondresi Mungu ma milia, yi enga yi ma o’duko uru wuzu okposi tu. 3Yi ’yo ra, Yehova la, Mungu Israeliniri, e’yo ’di eca Israelia ngoni ngoni ya, kini andru suru alu Israeli ma eselia avi ra? 4#E’do 8:20; 12:7; Efu 20:24, 25; Lip 6:26; 1 Sam 14:35; 1 Opi 8:64; Ebra 13:10Te eri nga eca drusi’dini, ’ba nde nga enga drio drio, nga pari edeta edezuri si ’daa, nga edeta vezaru ’diyi pi ede edeta asi anzuruni ’diyi be. 5#Lev 27:28, 29; Lip 5:23; 1 Sam 11:7; Yer 48:10Anzi Israelini nga ’yo kini, Suru Israelini dria ma eselia ’ba etupi emupi okuzaa Yehova vu kuri -a’di ya? A’disiku yi so oyo amboru ’ba etupi Yehova vu Mizipaa kuri ma e’yosi, kini, Eri nga ovu fuzaru ’adaru. 6Te anzi Israelini oja yi ma asi Benyamini yi adripi ma e’yosi, yi ’yo ra, Yi nze suru alu ’ba Israelini ma eselia o’du ’disi ’bo. 7Te ama nga ’ye ngoni ’ba acepi ’diyi ma oku ma e’yosi ya, amani oyo sole Yehova ma rusi kini, Ama ngani ezoanzi amani fe yi dri okuru kurisi? 8#1 Sam 11:1; 31:11; 2 Sam 2:5, 6Te yi ’yo, Suru Israelini ma eselia suruti etupi Yehova vu Mizipaa kuri, a’di’i ya? Te mi lu, ’ba aluni emuni ndra okuza ndea engazu Yabesi-gileadia ku. 9A’disiku yini ’ba ma kalafe laria, mi lu, ’ba ovupi angu Yabesi-gileadia ’diyi ma aluni yi ma eseliani yo. 10#Azi 13:15; Yos 7:24-26; Lip 5:23; 1 Sam 11:7’Ba ongulumuru nga ’ba okporu tu ’diyi ma azi alifu mudri drini iri ma ti pe ’dale, azi yi tia kini, Emi mu, emi ofu ’ba ovupi angu Yabesigileadia ’diyi sei ma sisi; oku yini pie, anzi nyiri nyiri ’diyi be. 11#Kal 31:17Emi nga afa ’diri ’ye’i; emi nga agupi piyi dri ja teketeke, oku dria mupi agupia ’bo ’diyi be. 12#Yos 18:1; 22:9; 1 Sam 1:3; Zab 78:59, 60; Yer 7:12, 14Te yi isu ’ba ovupi Yabesi-gileadia ’diyi ma eselia ezoanzi aliriaru nga agupi nipi ku, lapi nga agupi be ku ’diyi turu su; yi nga yi eji pari yini hema asozuria kpere Silo angu Kananiniaria. 13#Lip 20:47; Azi 20:10Te’ba ongulumuru dria nga ’ba ti pe e’yo ’yozu anzi Benyaminini ovupi oni Rimoniari ma dria ’diyi ma tia, olu e’yo asi anzuruni yi dri. 14Benyamini emvi di etu ’dasi; yi fe yi dri ezoanzi ndra yini opale idriru oku Yabesi-gileadia ’diyi ma eselia ’diyi; te kiri funi dri yisi ku. 15’Ba nde oja yi asi Benyamini ma e’yosi ra, a’disiku Yehovani suru Israelini ma azi anyolerisi. 16’Ba ’wara ’ba ongulumuru ma drilia ’diyi nga di ’yo, Ama nga e’yo ngoniri ’ye ’ba acepi ’diyi ma oku ma e’yosi ya, yini oku dri jale Benyamini ma alia ’borisi. 17Yi ’yo ra, Awuruso ma ovu ’ba Benyaminini apapi ’diyi dri ci, suru alu kazu ovuzu inizaru Israeli ma alia ku. 18#Lip 11:35Te ama ma fe ezoanzi amani yi dri okuru ku. A’disiku anzi Israelini yini oyo sole ’bo, kini, ’Ba oku fepi Benyamini driri ma ovu trizaro ransi, 19Te yi ’yo, Emi lu, omu Yehovani eli vusi eli vusi Siloa indi; aku nde ovu Beteli ma kala andraleruria, gboko tupi engazu Beteliasi mupi Sekemuari ma kala etuni efurialeruria, Lebona ma kala uruleruria indi. 20’Dini yi nga anzi Benyaminini azi kini, Emi mu ’ba mbazu amvu zabibu pati beria, 21#Efu 15:20; 32:6, 19; Lip 11:34; 1 Sam 18:6; 21:11; 29:5; Yer 31:4, 13azini emi ndre; emi lu, ezoanzi Siloa ’diyi ka efu ongo tuzu, emi fu di amvu zabibu pati beriasi indi, ’ba dria alu alu ma bi ezoanzi nde Siloa ’diyi ma azi okuru, emi nga di mu, angu Benyamininia. 22Te eri nga ovu ’dini, yi ma atapi kani adripi ka emu alini wuzu ama vu ra, ama nga ’yo, Emi fe yi asi ndrizasi ama dri fo! A’disiku ama o’duni ndra oku engazu ombaarisi ’ba yini alu alu, dri ku, emi indi, emi feni ndra yi yi dri ku; ka ndra fe ra, isu e’yo nga ovu emi dria. 23#Lip 20:48Ami Benyaminini nga ’ye ’dinile, yi o’du yi yi ma okuru, kalafe yini vusi, ’ba ongo tupi ’diyi ma eselia; yi mu ra, mvi awuruso yinia, si aku ambo ambo ’diyi ra, ovu yi ma alia. 24Anzi Israelini enga ’daarisi etu ’dasi, ’ba dria alu alu mvizu suru ini vu, azini ori’ba ini vu, yi fu ’daarisi ’ba dria alu alu muzu awuruso ini vu. 25#Lip 17:6; 18:1; 19:1; Azi 12:8; Imv 5:14; Rum 13:3-5O’du nde ’dayisi isu de opi Israeli ma drilia yo; te ’ba dria alu alu ’ye e’yo ovupi onyiru i ngulupi ma miliari’i.

Currently Selected:

'Ba E'yo Lipi 'Diyini 21: LB66

Highlight

Copy

Compare