E'yo O'beza 5

Ba imbazu ma aci mile aci be saaru ku

1Ma mvi la, mi eri ondua mani e’yere, mi co bile e’yo vaza mani vu;

2 # Mal 2:7 mi ma mba e’yo amaza ma ta ani, tile mini ma mba nita ma ta ’dani ani.

3A’disiku oku mile aciruri ma tilia e’yoni ti anyuosole, ti eriniri inikini aga odu ra;

4 # Ekl 7:26; Ebra 4:12 te vilerisi eri ovu okangali enyata okarurile, sini ovu cizaru sei si irileirilerile.

5 # Ebra 13:4 Pa erini si va dra vu; pa ’baza erini ebi yi Pari ’ba drazaniri ma geri be ci;

6eri asini geri idriniri ma e’yosi ku; geri erini mu ’dile ’dole, te eri nini e’yoni ku.

7E’yo ’disi emi eri e’yo mani, emi anzi mani, emi ku e’yo mani ’yole ma tisi ’diyi ku fo.

8Mi fe geri mini acizuri ma ovu oku nde be ziri ziri, mi si eri ma jotilea ogogo ku;

9mi kazu mi ru kuza onyiruri fezu ’ba azini dri ku, mi kazu eli mini ’diyi fezu ’ba yiki kokoru ’diyi dri ku;

10ani’ba kazu trazu lonyi minisi ku, azi mini okporu ’diyi kazu ovuzu ’ba jururu vile joa ku;

11mi kazu izu otazu ewu mini vilerisi, mi rua za berini ngazu dri jazu raria ku,

12’yozu kini, Eyawaye! Ma ngu ndra imbata ’doni, ma asi ede ndra vini e’yo ’bani egazu ma driari ’doni!

13Ma erini vini ndra ’ba ma imbapi ’diyi ma ti ku, ma coni vini ma bile ’ba imbata fepi ma dri ’diyi vu ku.

14Ace were ma ’ye ndra fi e’yo onzi dria ma alia, okuza ’bani yi okuzu tualuri ma eselia ra.

15Mi mvu yi ’bile miniri ma alia, vini yi adiza yi a’di miniri ma alia.

16Yi a’di mini ma ra amve ya? Eri ma ra yi razale geria ya?

17Mi fe yi ma ovu mi ma ngulupi dri a’dule; yi ma ovu ’ba jururu ’diyi dri mi be tualu ku.

18 # Ekl 9:9; Mal 2:14 Yi a’di miniri ma ovu drilebaru, ayiko ma fu mi oku mini bile de mi karilaururisi;

19 # Ong 2:9 eri ekile nyai ndrizaruri pile ova ndrizaruri be. Eri ma alesi ayiko ma fu mi o’du dria, leta eriniri ma ava ma va mi etuzu.

20Ma mvi la, oku mile aci beri ma avani mi va a’disi ya? Mi mi la oku saaruri ma agatia a’disi ya?

21 # 2 Sur 16:9; Yob 31:4; Yer 16:17; Hos 7:2; Ebra 4:13 A’disiku geri aguni ovu Yehova ma milia, eri ega geri erini ma e’yo dria e’yere.

22 # Zab 9:15 E’yo onzi ’ba onzini ’yele ’diyi nga eri bi ra, eri nga ovu ombezaru ezata iniri ma bakasi.

23 # Yob 4:21; O’be 10:21 Eri nga dra imbataakosi, aza erini turisi eri nga aba ra.

Popular Bible Verses from E'yo O'beza 5