E'yo O'beza 3
3
Ba imbazu e’yo erizu inzitasi
1 #
Azi 30:16
Ma mvi la, mi dri ma avi imbata manisi ku, te asi mini ma mba azita mani ’diyi ma ta ci;
2a’disiku azita nde ’diyi nga fe o’du minini yi erezu kakau, eli mini adrizuidriru ’diyi be, nga vini drileba e’yo ’yaasiri fe mi dri indi.
3 #
Azi 6:8; Yer 17:1; 2 Kor 3:3 Mi fe yiki pi ma ku mi e’yo ada be ku; mi ombe yi mi ombelea, mi si yi karatasi mi asiari ma dria.
4 #
Luk 2:52; 1 Sam 2:26; ’Yeta 2:47 Geri ’disi mi nga ondua isu, e’yo minini nga Mungu pi va ’ba be va indi.
5 #
Yer 9:23
Mi a’i Yehovani mi asi driasi, mi ati mi ondua minisi ku;
6 #
1 Sur 28:9; Yer 10:23 mi ma ni eri geri mini vusi dria, erini ngazu ani leti mini ’bazu kililiru.
7 #
Rum 12:16
Mi ma ovu onduaru mi ma ngulupi ma milia ku; mi ma ru Yehovani, mi ma ona mi e’yo onzisi.
8E’yo ’diri nga rua mini ’ba alaru, mi fala ’bazu onyiru oso be indi.
9 #
Efu 23:19
Mi inzi Yehovani afa mini ’diyisi dria’i, azini afa mini kapi oko ’diyisi dria;
10 #
Azi 28:8
geri ’disi ero mini nga ga afa driasi tre, obi mini ’diyi vini nga ga patiefi su o’dirurisi tre, driniri razu va.
11 #
Yob 5:17; Ebra 12:5 Mva mani, mi ngu cota Yehovani mi cozu imbatasiri onzi ku, mi ma ande vini egata erini; egazu mi driarisi ku indi.
12 #
Eceza 3:19; Azi 8:5 A’disiku Yehovani adri ega ’ba erini ile ’diyi ma dria, ekile atani egale mva ini lele turi ma driarile.
13’Ba ondua isupiri pi ma ayiko indi, ’ba e’yo vaza isupiri be,
14 #
Yob 28:13; O’be 2:4; 8:11, 19 a’disiku oleza eriniri aga oleza dahabuniri ra, orodri erini aga mele onyiruri ra.
15 #
Mat 13:44
Ondua nde ma e’yo aga nyoro ekaru ’diyiniri ra, ’ba econi afa dria ’bani ecole lele avasi ’diyi o’bizaru ondua be ku.
16 #
1 Tim 4:8
Idri izururi ci eri ma dri ndiria eri ma dri ejiria lonyi pi indi inzita be.
17 #
Mat 11:29
Geri erini ovu geri ayiko fepi ’diyi, leti erini ’diyi dria asi anzuruni.
18 #
E’do 2:9
Ondua eri pati idriniri ’ba eri bipi ’diyi dri; ’ba dria eri ma ta mbapi ’dani ’diyi ovu ayikosi.
19 #
O’be 8:27; Yoh 1:3; Ebra 1:2 Onduasi Yehova ’ba ndra nyaku eti ra; e’yo vazasi eri ’ba ndra ’bu ovuzu ’dani;
20 #
Azi 33:28; Yob 36:28 nita erinirisi eri co ndra yi aliru ma esele, ’bu iriti beri fe andrali oti va.
21Ma mvi la, mi mba ondua kililiruri ma ta e’yo amaza be; mi fe afa ’diyi ma avi mi, miliasi ku,
22’dinile yi nga mi orindi ’ba idriru ani, yi nga onyi fe mi ombeleni ndrizu.
23Mi nga di aci geri mini ma alia uri kokoru, kumu ngani mi pa si ku,
24 #
Lev 26:6
Mi ka la va, mi ngani ovu urisi ku; ada, mi nga la va, azini o’du koza mini nga alu alu.
25Mi ma ru uri ecapi mbelekociciri ku, kani dri jata ’ba azi onzi ’yepi ’diyiniri ku indi eri ka nga ecea ra;
26a’disiku Yehovani nga ovu asi teza miniruni, i eri nga mi pa ma ta mba, ’ba kazu eri bizu ku.
27 #
Rum 13:7; Gal 6:10 Mi ku onyi ’yeko ’ba yi sipi onyi nde a’izu ra ’diyi vu ku,mi dri ka ovu okpo be onyi nde ’yezu raria,
28 #
Lev 19:13; Azi 24:15 Mi ’yo mi agyi ma tia ku kini, Mi mu, mi emvi dika, ma nga di fe dru-de isu afa nde ovu ci mi vu ogogo.
29Mi otu e’yo onzi mi agyi o’api mi ageia asi ’bapi mi driari ma ruaa ku.
30 #
Rum 12:18
Mi ga agata ’ba azini be toko ku eri ka e’yo onzi ’ye mi vu oko ku.
31Mi ovu ma’yalasi ’ba e’yo ’yepi eganasiri ma e’yosi ku, mi pe geri erini ’diyi ma azi aluni ku;
32a’disiku ’ba ’yepi ambosi akari eri afa Yehovani ngule onziri’i, te eri ti eci ’ba asi kililiru ’diyi be.
33 #
Zek 5:4; Mal 2:2; Zab 1:3 Trita Yehovani ovu ’ba onzi ’diyi ma aku ma dria, te eri asi ndriza fe pari ’ba onyiru ’diyini adrizu aleniari ma dria.
34 #
Yak 4:6; 1 Pet 5:5; Zab 138:6; Mat 23:12 Adaru eri ’ba edematararu ’diyi ede ede, te eri asi ndriza fe ’ba e’yere ’diyi dri.
35 #
Dan 12:2
’Ba onduaru ’diyi nga inzita isu awitaru, te idrita ’ba azazaru ’diyini eri drinzani,
Bible in Lugbara © United Bible Societies, 1966.