E'yo O'beza 22
22
1Ru onyiru pezuliri aga lonyii amboru pezuri ra, azini asi ndriza isuzu ’ba ma miliari aga dahabu pi mele be ra,
2 #
Zab 49:1, 2 ’Ba afa e’iru ’diyi adri dri fu tualu ’ba alioru ’diyi be; Yehova o’ba yi driani.
3 #
Isa 26:20
’Ba e’yo egapi onduasiri adri e’yo onzi ndre ra, nga i zi ani ra; te ’ba ondua kokoruri ini aga drile ’dani, eri nga ani candi isu ra,
4Orodri ’ba e’yere Yehovani rupirini isuleri eri lonyini, inzitani, azini idrini.
5 #
1 Yoh 5:18
Oci pi gbagba be yi ’ba asi ambo beri ma geria ci; ’ba i ma ngulupi ta mbapiri nga ovu afa ’diyi be ziri.
6Mi ezo mva, eri imbazu ofizu geri ’yekeria, eri ngani geri ku ku, kpere erini ngaria draria ti.
7’Ba afa e’iruri adri opiru ’ba alioruri ma drilia, azini ’ba afa ’dupi mariruri eri ati’bo ’ba mari fepirini.
8 #
Yob 4:8; Hos 10:13 ’Ba e’yo onzi ripi’iri nga e’yo ewaru lo’i; a kali erini adraniri nga i oja toko,
9’Ba mile ururi eri nga asi ndriza isu ra, erini adrile enya ini fele ’ba alioru ’diyi dririsi.
10Mi ma dro ’ba ’ba edepiri amve, agata gazani nga di fu alu indi, ada, awata piyi nga yi de drinza be ra.
11’Ba asi alaruri lepi, asi ndrizani efuzu tileniari, opini nga eri ’ba i ma agyiru.
12Yehova ma mileni ’ba ovupi nita beri ma ta mba, te eri e’yo ’ba asia lokiri berini ’yole ’diyi ogu va.
13Ovuou kini, Kami amve ci! Eri nga ma ci kai geria ra!
14 #
O’be 2:16; Ekl 7:26 Oku mile aci beri ma tileri ’bile alirurile; ’ba aokoni Yehovani nyazu erisiri nga ’de alenia ra.
15Onduaako ombe i mva ma asia ci, te kali ’bani mva nde imbazuri nga eri dro eri vusi re.
16 #
Yob 20:19-23; 34:26-28; Zab 12:5; Ekl 5:8; Amo 2:6-8; 5:11; Isa 3:14, 15; Yak 2:13 ’Ba ’ba alioru ’diyi inzapi i ma isu ani i ngulupi dri lonyi aga rari, azini ’ba afa fepi ’ba afa e’iru driri, alio ngani ece yi ndezu iritro ku. E’yo azizaru ’diyi imbata be
17Mi co mi bile, mi eri e’yo ’ba onduarurini ’yole ’diyi, mi ’ba mi asi nita mani ma dria;
18a’disiku eri ayikoru mini e’yo nde ’diyi ma ta mbazu mi asia, yini ovuzu tualu mi tilia ’dani.
19Ma e’da yi mi dri andre, ada mi dri, mini ani mi asi ’bazu Yehova ma dria beni.
20Ma sini mi dri e’yo onyiru tu, e’yo amaza pini nita be ku ya?
21 #
1 Pet 3:15
mi ma ni ani e’yo adaru ’diyi yi ovu adaru, mi ma omvi e’yo adaru ’ba mi ti pepi ’diyi vu beni.
22 #
Mal 3:5
Mi ma opa ’ba alioru ma afa erini ovule alionirisi ku, mi ma inza vini ’ba candi candiru ’diyi kalitilia ku;
23 #
Mat 13:44
Yehovani ngale yi aza kole e’yo liza ma aliarisi, eri nga ’ba yi ma afa opapi okposi ’diyi ma idri opa okposi indi.
24Mi ma ’ba ’ba adraru turi mi agyiru ku; mi ma ad vini ’ba aoko beri be ku,
25mi kazu mi imbazu geri erinirisi ku, azini mi kazu fezu mi bizu gbagbasi ku.
26Mi ma ovu ’ba yi ma dri zipi tobo fezasi ’diyi ma aziru ku, kani ’ba afa toboru fepi ’diyi ma aziru ku indi.
27Mi ka ovu afa azini be ofezu ku, mi fe eri dri gbolo mini lazu driniari pazu a’di e’yosi ya?
28Mi oja lokiri angu awazu drio mi a’bipini ’baleri ma mile ku.
29 #
1 Opi 11:28; O’be 10:4; Ekl 9:10; Mat 25:21; Rum 12:11 Mi ndre ’ba azini i ma azi ngapi asi driasiri ra ya? Agu nde nga pa so ’ba opiru ’diyi ma milia, eri ngani pa so ’ba ru kuza kokoru ’diyi ma milia ku.
Bible in Lugbara © United Bible Societies, 1966.