E'yo O'beza 12
12
1’Ba imbata lepiri le ’di nitani, te ’ba cota imbatasiri ngupi onziri eri ondua kokoru.
2’Ba onyiruri nga asi ndriza isu Yehova dri, te Yehovani nga fe e’yo ma nde ’ba e’yo onzi egapiri e’yo lizasi.
3E’yo onzi feni ’bani pa sozu ci ’dani ku, te yi ngani ’ba onyiruri ma ola nze aluni ku.
4 #
O’be 31:23; 1 Kor 11:7; O’be 14:30 Oku onyiruri eri oku ndrizaru i ma agupini, te oku drinza fepiri eri si ekile afa mazaru fala erini ma aliarile.
5Asisile ’ba onyiru ’diyini ovu kililiru; e’yo ’ba onzi ’diyini amaleri eri lokirini.
6E’yo ’ba onzi ’diyini ’yole ’diyi yi ’ba mba ari adazu, te ’ba kililiru ’diyi ma tini nga yi ari ra.
7 #
Mat 7:24
O’be ’ba onzi ’diyi va, yi curu’do dika yo, te ’ba onyiruri ma joni nga pa so ra.
8 #
1 Sam 13:13; Mal 2:8, 9; O’be 1:25, 26; 3:35; Mat 27:4, 5 Aguni nga inzita isu ondua ini vusi, te yi nga ’ba asi mbaza beri ’ba aparakaru.
9’Ba ’bani inzile ku te azi ngapi i ma ngulupi driri eri onyiru aga ’ba inzita fepi i ma ngulupi dri ceni enya kokoruri ra.
10 #
Azi 25:4
’Ba onyiruri anyapa ini ma idri ta mba ra, te yiki ’ba onzi ’diyini ovu adraru.
11 #
E’do 3:19; O’be 28:19; Efe 4:28; 1 Tes 4:11 ’Ba amvu ini ’yapiri nga ovu enya be fudri, te ’ba e’yo toko toko ’diyi ma vuti bipiri ovu e’yo vaza kokoru.
12 #
Zab 1:3; Luk 8:15 ’Ba onziri le ini emba ’ba onzi ’diyiniri, te ola ’ba onyiruniri efi ’ya
13 #
2 Pet 2:9
Ezata ’ba onziri ma tileniri eri gbagba eri bizurile, te ’ba onyiruri nga efu candi ma aliarisi ra.
14 #
Isa 3:10
Aguni nga tra onyisi efi ’yaza i ma tiliarisi, azini ’yeta agu ma driniri nga emvi be eri vu.
15 #
Luk 18:11
’Ba ondua kokoruri ma geri ovu onyiru i ma ngulupi ma milia, te ’ba onduaruri nga e’yo amaza eri ra.
16’Ba ondua kokoruri ma adrani i e’da coti, te ’ba ’yepi egatasiri ini drinza zi ra.
17’Ba e’yo adaru olupiri eri e’yo kililiruri ece, te ’ba e’yo eti nzepi inzosiri eri ini e’yo lokirini ece’i.
18’Ba azini indi, e’yo erini ’yole egata kokoru ’diyi si ekile ’ba sozu seisirile, te ’ba onduaruri ma andre eri rua alani.
19 #
Zek 1:5, 6 Tile e’yo adaru ’yopiri nga pa so ’dani, te andre inzo lipiri eri adri etu were a’dule.
20’Ba e’yo onzi egapi ’diyi ma asia lokiri ci, te ’ba e’yo asi anzuruni otupi ’diyi dri ayiko indi.
21 #
Rum 8:28; 2 Tes 1:6; 2 Pet 2:9 E’yo onzi ngani ’ba onyiruri isu aluni ku, ’ te ’ba onzi ’diyi nga ga e’yo onzisi tre.
22 #
Eceza 22:15
Ti inzoruri eri afa Yehovani ngule onzi turi’i, te ’ba e’yo adaru ’yepi ’diyi ovu ayiko erini.
23’Ba onduaruri nita ini zi ci, te ’ba ondua kokoru ’diyi onduaako yini oluni.
24 #
1 Opi 11:28; O’be 10:4 ’Ba azi ngapi asi driasiri ma drini nga ’ba dri ce ra, te ovuou dri yi nga azi o’bi kalisi.
25 #
Isa 50:4
E’yo nzizaru ovupi agu ma asiari fe erini avu va, te e’yo ’yoza onyiruri asinia ayiko fe.
26’Ba onyiruri nga ’ba i ma jo ejeleari ma dri ce, te ’ba onzi ’diyi ma gerini fe yi aba aba.
27’Ba ovuoururi ozoni za ini gbile doriari ku, te lonyi onyiru turi ovu ’ba azi ngapi asi driasiri dri,
28 #
Azi 30:15; Mat 19:17; Rum 5:21; 2 Kor 4:17; Eceza 2:7 Onyi ma geria idri ci, azini leti nderia drata yo.
Bible in Lugbara © United Bible Societies, 1966.