Kalafe 9
9
Omu Agaza ’ba drilesiri ta mbazuri
1 #
Efu 12:1-13
Yehova nga di ’yo Musa tia roko Sinaiaria eli iri yini efuzu angu Misiriariasi ma vutiari ma mba okorisi, kini, 2#Efu 12:1; Lev 23:5; Azi 16:1, 2; Kal 28:16; Ebra 10:1Anzi Israelini ma mba vini omu agaza ’ba drilesirini ma ta ewuni pelerisi. 3Emi ma ’ba omu nde mba ’dori ma o’du mudri drini suri ma ondresi ewuni peleri ma alia; emi ma mba tani e’yo dria azile eri ma e’yosi ’diyini azilerile, azita erini ’diyi vusi dria. 4Musa ’yo di anzi Israelini ma ria, ma mba agaza ’ba drilesiri ma ta. 5#Yos 5:10Yi nga di agaza ’ba drilesiri ma ta mba, mba okori ma o’du mudri drini suri ma ondresi roko Sinaiaria; ekile e’yo dria Yehovani azile Musa ma tiarile, anzi Israelini ’ye ’dinile trotro. 6#Kal 5:2; 6:6, 7; Yoh 18:28; Efu 18:15; Kal 27:2Isu de ’ba azini indi, yi de alatarakokoru avu ’bani ma e’yosi, econi yini ani agaza ’ba drilesiri ma ta mbazu o’du ndesi ku. O’du nderisi yi emu Musa pi ma drilia Aroni be; 7#1 Kor 5:7, 8’ba nde ’diyi nga ’yo eri tia kini, Ama alatara kokoru ’ba avu ma e’yosi; oga ama afa feza Yehovani edeko ewuni peleria anzi Israelini ma eselia si a’disi ya? 8#Zab 25:14; 85:8; Yoh 7:17; Efe 1:9, 18; Ebra 3:5, 6Musa nga ’yo yi tia, Emi ku nga, ma ma eri nga e’yo Yehovani ngale azile e’yo eminisiri raka. 9Yehova nga ’yo Musa tia, kini, 10Mi olu anzi Israelini ma tia, kini, ’Ba emini ma azi alu, kani ’ba azini a’bianzi emini ma eselia, ka ovu alatara kokoru ’ba avu ma e’yosi, kani ka ovu acia ziri ti, eri ma mba agaza ’ba drilesiri ma ta Yehova dri ra. 11#2 Sur 30:2, 15; Efu 12:8Ma ’ba eri mba iriri ma o’du mudri drini suri ma ondresi; yi ma nya eri mikate akufikokoruri pisi tibi drapi okakaaleri be. 12#Efu 12:10, 43, 46; Yoh 19:36Ma ku jolokoni cazu o’bitisi ku, ma nyo vini falani ku indi; te yi ma mba omu nde ma ta ekile azita dria agaza ’ba drilesirinirile trotro. 13#E’do 17:14; Efu 12:15; Lev 17:4; Ebra 6:6; 12:25; Kal 5:31; Gal 3:10; Ebra 10:26Te ’ba ovupi alaru, ovupi acia kuri, ka nga ece ra, ka awi agaza ’ba drilesiri ma ta mba ku, ma ja eri ma dri o’dipi ma eseliasi ra, erini edeta Yehovaniri fele ewuni peleria kurisi; agu nde nga e’yo onzi ini ’du i’i. 14#Efu 12:49Ani’bo ka ri emi eselia ci, ka le agaza ’ba drilesiri ma ta mba Yehova dri ra, ma ’ye ekile azita agaza ’ba drilesirinirile, ekile e’yo azile eri ma e’yosirile trotro; emi ma ovu azita be alu ani’bo pi dri kari’ba be trotro.
Iriti pa sopi Bere ma drilialesiri
15 #
Efu 13:21
O’du yini bere edrezurisi, iriti a’bu bere ma dri ci, ada hema ti ecitaniri; ondresi eri e’da acile bere ma dria, kpere o’bitisi. 16#Efu 13:21, 22; 40:34; Azi 1:33; Neh 9:12Eri ovu ’dinile ’dani, iriti a’bu eri ma dri ci, eri e’da vini acile inisi. 17#Efu 40:36, 37; Kal 10:11, 33, 34; Zab 78:14; 80:1; Isa 49:10; Yoh 10:4lriti ka nga nga hema ma driarisi ra, anzi Israelini nga di dri ko acizu ndo; pari iritini pa sozuria, ’ba Israelini nga hema yini aso ’daa. 18#1 Kor 10:1Anzi sraelini adri dri ko acizu azita Yehovanirisi, yi adri vini yi ma hema aso azita Yehovanisi indi; yi ovu hema yini ma alia ’dani de iritini ovuria bere ma driaria. 19Iriti ka ovu bere ma dria o’du kakau, anzi Israelini nga di azi inzitaniri nga Yehova dri, ngani dri ko acizu ku. 20#Zab 48:14; O’be 3:5, 6O’du azinisi iritini ovu bere ma ’dria o’du were, ka’dini yi ovu hema yini ma alia azita Yehovani vusi; azini azita Yehovani vusi yi ko dri acizu indio 21#Mat 28:20O’du azinisi iritini ovu drinia engazu ondresi cazu o’bitisi; te iritini ngaria o’bitisiria yi nga di dri ko acizu; kani eri ka ovu ’dani etusi inisi ti, iritini ngaria yi adri dri ko acizu ndo. 22#Efu 40:36, 37; Zab 73:24; 107:7; Isa 63:14Ewu iritini ovuzu bere ma dria rizu ’driniari ka ovu o’du iri, kani mba alu, kani eli alu pi ti, anzi Israelini adri ovu ’dani hema yini ma alia, acini ku; te erini ngaria, yi adri dri, ko acizu ndo. 23#Zab 73:24; 107:7; Isa 63:14Azita Yehovanisi yi aso yi ma hema ra, azita Yehovanisi yi aci ra; yi mba azi inzitani Yehovaniri ma ta, Yehovani azile geri Musa vurisirile.
Currently Selected:
Kalafe 9: LB66
Highlight
Copy
Compare
Share
Want to have your highlights saved across all your devices? Sign up or sign in
Bible in Lugbara © United Bible Societies, 1966.
