Kalafe 14

’Bani mbuzu Yehova ma ruaasi amveri

1’Ba ongulumuru dria nga awu wu o’duko urusi, ’ba owu mindresi ini rra. 2#Zab 106:25; Azi 28:68’Ba Israelini dria nga ono Musa pi ma dria Aroni be; ’ba ongulumuru dria nga ’yo yi tia, kini, Mungu ka ndra fe amani odrazu angu Misiriaria ’yeke fo! Azini vini Mungu ka ndra fe amani odrazu angu rokoru ’doria ’yeke fo! 3Yehovani ama ofi angu ’doria, amani ani o’dezu sei ma sia ’doni a’disi ya? Ari’ba yi nga oku amani piyi opa yiniru anzi amani nyiri ’diyi be ra. Bani eri onyiru amani mvizu Misiria ku ya? 4#Neh 9:17; ’Yeta 7:39; Ebra 11:15Yi nga e’yo ’yo yi ma eselia, Ama ma pe di ’ba azini ovuzu ama drilia, mvizu Misiria. 5Musa pi Aroni be nga di yi eco o’bukuru va anzi Israelini yi okupi ongulumuru ’diyi ma drilia dria. 6Yosua Nuni mvi pi Kalebu Yefune mvi be, yi ’ba angu ma orile gapi ’diyi ma azi, yi osi yi ma bongo ra, 7yi nga ’yo anzi Israelini ongulumuru ’diyi ma tia dria kini, Angu amani agale alenia eri ma orileni gazuri eri angu onyiru tu. 8#Azi 10:15; 2 Sam 15:25; 1 Opi 10:9; Zab 22:8; Isa 62:4; Kal 13:27Yehova ka ovu amasi ayikosi, eri nga ama eji ofi angu nde ’dari ma alia, eri fezu ama dri; eri angu lesu pini razu alenia anyuoso beri’i. 9#Ebra 3:16; Azi 9:7, 23, 24; Azi 20:3; Kal 24:8; E’do 48:21; Efu 33:16; Azi 20:1; 2 Sur 15:2; Isa 41:10Te kiri emi ma mbu nga Yehova ma ruaasi amve ku fo! ma ’ye vini urisi ’ba angu nde ’diyisi ku, yi nyaka amaniru; afa yini yi ta mbazu aniri ku yi ’bo; te Yehovani ama be ci, emi ru yi ku. 10#Efu 17:4; 16:10; Lev 9:23Te ’ba ongulumuru dria ’yo ma o’be yi onisi ra.

Diza Yehovani nga di i e’da hema ti ecizaniri ma alia anzi Israelini ’diyi ma milia dria. 11#Ebra 3:8; Zab 78:22; Yoh 12:37Yehova nga ’yo Musa ma tia, Suru’dori nga ma ’ba aparakaru ewu ngopi ya? Yi ngani vini ma a’i ku ’dini ewu ngopi ya, ma ka tro tali ’ye yi ma eselia kakau ra ti? 12#Efu 32:10Ma nga di yi dri ja azo muanisi, ma nga yi ga si yi ma ovu ani ’ba mani dika ku, ma nga mi ’ba ovuzu suru amboru azini okporu yi agapi rariru’i. 13#Efu 32:11-14; Eze 20:9Te Musa ’yo Yehova ma tia, Te ’ba Misiria ’diyi nga di e’yoni eri ra, te mi ofu ndra suru ’dori okpo minisi yi ma eseliasi, 14#Efu 15:14; Neh 9:12yi nga e’yo nde olu ’ba ovupi angu ’diri ma alia ’diyi ma tia. Te yi eri mi Yehovani ovuzu suru ’dori ma eseliari ma e’yo ’bo; a’disiku ’bani mi Yehova ndrele milia miliarisi, azini iriti minini pa sole yi ma dria, mini dri cele yi ma drilia iriti pa sopi piriruri ma alia etusi, azini aci pa sopi piriruri ma alia inisirisi. 15Te mi ka suru ’dori ofu dria dria, ’ba jururu e’yo kuza mini eripi ’bo ’diyi nga di ’yo kini, 16#Yos 7:9Yehovani ecole suru ’dori jile ofile angu ndra erini oyoni sozu yi beria kurisi, eri ofu di yi ani angu roko driaria ra, 17Te di, ma zi mi tia, mi fe okpo Opini ma ovu amboru ekile mini ’yolerile, kini, 18#Efu 20:5-6; 34:6-7; Azi 5:9-10; 7:9-10; Zab 103:8; 145:8; Yon 4:2; Efu 34:7Yehova ovu e’yere, ’bani adra mbele ku, eri ma yiki tu, eri e’yo onzi pi wu ezata be ra, te ngani ’ba e’yoni ndele rari ku panga kokoru aluni ku, eri atapi ma e’yo onzi ofe yi ma anzi ma ruaa kpere a’bianzi nari kani a’bianzi suri vu. 19Ma zi mi tia, mi wu suru ’dori ma e’yo onzi yiki mini amboruri vusi fo! ekile mini yi ma e’yo onzi wule engazu o’du yini efuzu Misiriasiria kpere curu’do ’borile.

Munguni panga onzi fezu Israeli driri

20 # Yak 5:16; 1 Yoh 5:14 Yehova nga di ’yo ra, Ma wu e’yo onzi yini ’bo ekile mini ’yolerile; 21#Ebra 3:18; Zab 72:19; Isa 5:16; 11:9; 61:11; Eze 18:3; Hab 2:14; Eceza 11:15te ada ada mani ovule idri berile, azini ekile diza Yehovanini ngale gale angu dria wudrikuruari ma alia trerile, 22#Azi 1:31, 34; Zab 95:11; Ebra 4:6, 7; E’do 31:7’ba diza mani pi, tali mani ’yele Misiria azini roko dria ’diyi ndrepi ti ’diyini ma o’bile pale mudrini ’do, azini yini ma o’duko erile kurisi, 23#Azi 1:35; Zab 106:26; Eze 20:15; Ebra 3:18; 4:3ada ada yi ngani angu mani oyoni sole yi ma a’bipi tiari ndre aluni ku; ada ’ba ma ’bapi aparakaru ’diyi ma aluni ngani eri ndre ku. 24#Yos 14:9-12; Zab 25:13; Isa 33:15; Mat 5:5Pe lu ati’bo mani Kalebuni nga eri ndreni, erini ovule orindi be ndu i ma alia, erini vini ma vuti bile asi driasi ’borisi, ma nga eri ji angu ndra erini cazu aleniaria ra, a’bianzi eri ma oriru ’diyi nga eri nya yiniru. 25Isu de ’ba Amalekini piyi ovu e’bua ’ba Kananini ’diyi be; drusi emi oja di emi, emi fi rokoa geri Miri Ekaru ma tiarisi, 26Yehova ’yo Musa pi ma tia Aroni be kini, 27#Efu 16:28; Mat 17:17; Mar 9:19; Efu 16:12; 1 Kor 10:10Ma nga ovu ’ba ongulumuru onzikanyaru onopi ma ruaa ’diyi be o’du ngopi ya? Ma eri anzi Israelini ma onoza yini onole ma driari ’bo. 28#Ebra 3:17Mi ’yo yi tia, Mani ovule idri berile, Yehova ’yo ra, ekile emini ’yole ma bilearile, ma nga ’ye emi vu trotro ’dinile ada: 29#Kal 26:64emi avu nga o’de roko ’doria; azini ’ba emini dria yini yi ma kalafe lale, kalafe emini driari vusi, e’dozu ’ba capi eli be kali iri ’diyisi muzu drile, onopi ma dria ’diyi, 30#Azi 1:36, 38ada ada emi ngani fi angu mani ndra ma dri engale oyo sozu kini, Ma nga fe emi ma ovu aleniaria aluni ku, kiri Kalebu Yefune mvi pi nga fi Yosua Nuni mvi beni. 31#Zab 106:24; O’be 1:25, 26; Ebra 12:16, 17Te ma nga anzi nyiri emini, emini ndra ’yole ari’ba ’diyi nga opa ra ’diyi, eji ofizu’i, yi nga angu emini gale siri nini. 32#1 Kor 10:5Te emi’i, emi avu nga o’de roko ’dori ma alia. 33#’Yeta 7:36; Zab 107:40; Azi 2:14Anzi emini nga ovu ’ba acipi aci ’diyiru roko dria eli kali su, yi nga ali o’baza emini ma e’yo onzi ’du yi’i, de nga emi avu jani dri roko dria ku. 34#Kal 13:25; Zab 95:10; Eze 4:6; 1 Opi 8:56; Zab 77:8; Ebra 4:1Emi nga e’yo onzi emini ’du eli kali su, o’du ndra emini angu nde ma orile gazu ’diyi vusi, ada o’du kali su, o’du alu aluni dri obizu eli alu alu be ’dini, emi nga asi mani i ojapi emi vu nduri ni ra. 35#Kal 23:19Ma’i Yehova, ma ’yo e’yo ’bo; ada ada ma nga e’yo ’diri ’ye dria ’ba ongulumuru onzikanyaru yi okupi a’di ’dipi ma be ’diyi ma ruaa: yi nga dri ja roko ’dori ma dria, yi nga odra ’doa. ’Ba mudri angu ma orile gapi a’ita kokoru ’diyini odrazuri 36#Kal 13:31Te ’ba ndra Musani ti pele angu ma orile gazu emvipi fepi ’ba ongulumuru dria ’diyini onozu Mungu ma dria, yini angu nde ma e’yo ekule onzirisi ’diyi, 37#Yer 28:16, 17; 1 Kor 10:10; Ebra 3:17; Yud 1:5ada ’ba angu ma e’yo ekupi onzi ’diyi odra azo muarurisi Yehova ma milia ra. 38#Yos 14:6Te ’ba ndra mupi angu ma orile; gapi ’diyi ma eselia, Yosua Nuni mvi pi Kalebu Yefune mvi be awu yini idriru.

Juruni ’ba Israelini drozu Horimaari

39 # O’be 19:3; Mat 8:12; Ebra 12:17 Musa nga e’yo ’diyi olu anzi Israelini ’diyi ma tia dria, ’ba nde nga ovu ani, candisi tu. 40#Azi 1:41; Ekl 9:3; Mat 7:21; Luk 13:25Yi nga enga o’bitisi kula kula, tuzu oni dria uru, kini, Mi ndre, ama ’do, ama nga tu muzu pari Yehovani azileria, amani ezale ’borisi. 41#2 Sur 24:20; Yob 9:4; Isa 59:1, 2; Yer 2:37; 1 Kor 10:22Musa ’yo ra, Emi curu’do azita Yehovani eza, de e’yoni ngani ovu drilebaru ku, ’dini a’disi ya? 42#Azi 1:42; Zab 44:1-3Emi ma tu ku, Yehovani ovule emi ma eselia kurisi, ari’ba kazu emi ofuzu emini o’dezu yi a drilia ku. 43#Azi 1:43, 44; Lip 16:20A’disiku ’ba Amelekini piyi ’ba Kananini be yi emi drilia ’da, emi nga o’de sei a sia; emini emi o ajale vile Yehovani kule vutini biko jarisi, e’yo ’disi Yehova ngani ovu emi be ku. 44Te ti, yi tu muzu oni dria afusi, te sanduku aziza Yehovanirini pi Musa be funi pari hema asozuriasi ku. 45’Ba Amalekini ’diyi pi nga di esi va ’ba Kaninini ovupi oni ’dari ma dria ’diyi be, nga yi ofu ra, yi odrozu kpere cazu Horimaa.

Currently Selected:

Kalafe 14: LB66

Highlight

Copy

Compare