Popular Bible Verses from Kalafe 14

Share

Te kiri emi ma mbu nga Yehova ma ruaasi amve ku fo! ma ’ye vini urisi ’ba angu nde ’diyisi ku, yi nyaka amaniru; afa yini yi ta mbazu aniri ku yi ’bo; te Yehovani ama be ci, emi ru yi ku.

Yehova ovu e’yere, ’bani adra mbele ku, eri ma yiki tu, eri e’yo onzi pi wu ezata be ra, te ngani ’ba e’yoni ndele rari ku panga kokoru aluni ku, eri atapi ma e’yo onzi ofe yi ma anzi ma ruaa kpere a’bianzi nari kani a’bianzi suri vu.

Yehova ka ovu amasi ayikosi, eri nga ama eji ofi angu nde ’dari ma alia, eri fezu ama dri; eri angu lesu pini razu alenia anyuoso beri’i.

Pe lu ati’bo mani Kalebuni nga eri ndreni, erini ovule orindi be ndu i ma alia, erini vini ma vuti bile asi driasi ’borisi, ma nga eri ji angu ndra erini cazu aleniaria ra, a’bianzi eri ma oriru ’diyi nga eri nya yiniru.

Mi ’yo yi tia, Mani ovule idri berile, Yehova ’yo ra, ekile emini ’yole ma bilearile, ma nga ’ye emi vu trotro ’dinile ada

Yehova nga ’yo Musa ma tia, Suru’dori nga ma ’ba apara­karu ewu ngopi ya? Yi ngani vini ma a’i ku ’dini ewu ngopi ya, ma ka tro tali ’ye yi ma eselia kakau ra ti?

’Ba Israelini dria nga ono Musa pi ma dria Aroni be; ’ba ongulumuru dria nga ’yo yi tia, kini, Mungu ka ndra fe amani odrazu angu Misiriaria ’yeke fo! Azini vini Mungu ka ndra fe amani odrazu angu rokoru ’doria ’yeke fo!

Yosua Nuni mvi pi Kalebu Yefune mvi be, yi ’ba angu ma orile gapi ’diyi ma azi, yi osi yi ma bongo ra, yi nga ’yo anzi Israelini ongulumuru ’diyi ma tia dria kini, Angu amani agale alenia eri ma orileni gazuri eri angu onyiru tu.

te ada ada mani ovule idri berile, azini ekile diza Yehovanini ngale gale angu dria wudrikuruari ma alia trerile, ’ba diza mani pi, tali mani ’yele Misiria azini roko dria ’diyi ndrepi ti ’diyini ma o’bile pale mudrini ’do, azini yini ma o’duko erile kurisi, ada ada yi ngani angu mani oyoni sole yi ma a’bipi tiari ndre aluni ku; ada ’ba ma ’bapi aparakaru ’diyi ma aluni ngani eri ndre ku.