Marako 2

Yesuni ’ba acozari atizu

1 # Mat 9:1-8; Luk 5:17-26 Eri ka fi Kaperinaumua dika o’du azini ma vutia, e’yo erini ovuzu joari nga ku ra. 2’Ba nga di yi oku kakau, ’dini pari azini aceni ani ku, kani jotilia ogogo ’de yo; eri nga e’yo olu yi tia, 3Yi nga emu ’ba azoru rua acozari beri eji ra; ’ba su ’du eri ejini. 4Ka econi yini emuzaru vunia ogogo ’ba ongulumuru, dri ku, yi nga jo erini ovuzu aleniari ma dri zi ra; ka zi ’bo, yi nga pari ’ba acozarurini lazuri osi va. 5Yesuni a’ita yini ndreria, nga ’yo ’ba acozaruri ma tia kini, Mva, e’yo onzi mini ovu wuzaru. 6Te ’ba karanini azini ri ’dale indi, yi nga agata ga yi asia kini, 7#Isa 43:25Agu ’di e’yo ’yo ’dini a’disi ya? Eri di Mungu o’da o’da fo! A’di eco e’yo onzi wuzaruni, te alu a’dule Mungu’i ku ya? 8Yesuni niria i ma asia coti kini yi agata ga ’dini yi ma alia, nga di ’yo yi ma tia kini, Emi di agata ga ’dini emi asia a’disi ya? 9Ngori ovu ewa kokoru aga rani, ’yozu ’ba acozaruri ma tia, Mi e’yo onzi ovu wuzaru, kani ’yozu, Mi enga, mi ’du pari mini, mi aci-ri’i ya? 10Te emi ma ni ani Mvi ’bani ovu okpo be nyakua e’yo onzi wuzuri nga ’yo ’ba acozaruri ma tia- 11Ma yo mi tia, Mi enga, mi du pari mini, mi mvi mi vile joa. 12Eri nga enga ra, ’du i ma pari coti fu amve va yi milia dria; fe ani yi ria nga osu tu, yi nga ani Mungu ru inzi, kini, Ama ndreni oku ’dini ku fo!

E’yo Levini omvezu

13 # Mat 9:9-13; Luk 5:27-32 Eri nga fu dika miri tia; ’ba ongulumuru dria nga mu eri vu, eri nga yi imba ra. 14#Yoh 1:43Erini agaria eri nga Levi Alifayo mvini ndre, erini riria pari ’bani musoro ’bezuria, eri, nga ’yo tinia, Mi bi ma vuti. Eri nga enga ra, nga eri ma vuti bi coti.

15Te eri eca ’dini, erini riria nyaka nyaria Levi vile joa, ’ba musoro okupi ’diyi pi ’ba onzi be karakarau yi nga ri va Yesu be, ’ba erini imbale ’diyi pie, Yi ovu karakarau, yi adri eri ma vuti bi. 16Karani ’ba Farisaini vile ’diyi ka ndre eri ta nya ’ba onzi piyi be, ’ba musoro okupi ’diyi pie, yi nga ’yo ’ba erini imbale ’diyi ma tia kini, Eri di ta nya ’ba musoro okupi ’diyi pi be ’ba onzini pie a’disi ya? 17Yesu ka eri ra, eri ’yo yi tia kini, ’Ba rua alaru be ’diyi leni ojou ku, te ’ba rua onzi ’diyi; ma emuni ’ba kililiru omve ku, te ’ba onzi ’diyi’i.

Zi zita nyaka ’daza ma e’yosi

18 # Mat 9:14-17; Luk 5:33-38 ’Ba Yohanani imbale ’diyi pi ’ba Farisaini be yi adri nyaka ’da; yi nga emu ’yo tinia kini, ’Ba Yohanani imbale ’diyi pi ba Farisaini imbale ’diyi be, yi adri nyaka ’da, te ’ba mini imbale ’diyi ’dani nyaka ku a’disi ya? 19Yesu nga ’yo yi tia kini, ’Ba izioni omvele omua ’diyi eco nyaka ’dazaru de nga izioni Yi be indi ya? De izioni yi be indi econi yini nyaka ’dazaru ku. 20O’du yini izioni ’duzu yi eseliasiri nga eca ra, yi nga di nyaka ’da etu ’dasi ndo.

21’Ba aluni soni bongo ojile kuri egazaru bongo okuri ma ruaa ku, o’dini yini ’baleri kazu cezu okuri ma ruaa ku, talani kazu anyazu onzikanyaru aga ra ku. 22’Ba aluni toni patiefi ma su o’diri enyi okuri ma alia ku, patiefi su kazu enyi asizu ku, patiefi su pi nga i eza enyi be iri tro ani; te yi patiefi ma su o’diri to enyi o’diri ma alia.

’Ba erini imbale ’diyini anyadri ondizu sabatosi

23 # Mat 12:1-8; Luk 6:1-5 # Azi 23:25 Eri nga eca ’dini, erini agaria nga anya beri ma aliasi o’du sabatonisi, ’ba erini imbale ’diyini aciria yi ’ba anya dri ondi. 24’Ba Farisaini nga ’yo tinia kini, Mi ndre, ’ba mini yi afa azitani a’ile ’yele etu sabatonisi kuri ’ye a’disi ya? 25#1 Sam 21:1-6Eri nga ’yo yi tia kini, Emi lani nga e’yo naudini ’yeleri ku ya? eri ka ovu afa nyaza kokoru, azini ka ovu abirisi, ’ba ovupi eri be ’diyi pie dria. 26#Lev 24:9Emi lani e’yo erini fizu Mungu vile joa ewu Abiatarini ovuzu kuhani amborurisi, erini mikate ecetaruri nyazu, mikate nde yini ogale nyakokoru pe lu kuhani dri a’duleri, azini erini fezu ’ba ovupi eri be ’diyi dri indiri ku ya? 27#Azi 5:14Eri nga ’yo yi tia kini, Yi ’ba ndra sabato ’ba dri, yi ’bani ndra ’ba sabato dri ku; 28Mvi ’bani eri di ovu Opi sabatoni indi.

Currently Selected:

Marako 2: LB66

Highlight

Copy

Compare