Marako 1

E’yo oluza Yohana baputizi fepirini oluleri

1E’yo bari Yesu Kristo Mungu Mvini ma e’dozani.

2 # Mal 3:1; Mat 11:10; Yoh 3:28 # Mat 3:1-12; Luk 3:1-18; Yoh 1:19-30 Yini sile nabi Isaya ma alia ’borile, kini,

Mi ndre, ma ojio mani ma ti pe mi drilia, eri nga geri mini ede;

3 # Isa 40:3 o’duko ’ba e’yo oyupi roko driarini, kini:

Emi ede geri Opini ngonde, emi ofa leti erini ’diyi kililiru-

4Yohana, ’ba baputizi fepi angu roko driari emu ra, olu baputizi asi ojazani e’yo onzi wuzu aniri ma e’yo. 5’Ba angu Yahudinia ’diyi pi dria, ’ba dria Yerusalemua ’diyi be, nga efu eri vu; eri nga baputizi fe yi dri yi ara Yoridania, yini e’yo onzi yini e’daria. 6#2 Opi 1:8; Zek 13:4Yohana su ndra i ruaa gamia ma ’biko cale bongoruri, eri ma opilia enyi kafaru indi, Eri adri ombi pi nya anyusu aseari be. 7#’Yeta 13:25Eri olu e’yo, kini, ’Ba azini ovupi okpo be ma agapi rari nga emu ma vutia, ma funi dri ani avuzu enyi eri ma paari ma baka ayuzaru ku. 8Ma fe mani baputizi emi dri yisi; te eri nga baputizi fe emi dri Orindi Alatararusi.

Yesuni baputizi bizu

9 # Luk 2:51 # Mat 3:13-17; Luk 3:21-22; Yoh 1:31-34 Eri nga ovu ’dini o’du ’dayisi; Yesu nga efu Nazareti Galiliniriasi, Yohana fe baputizi eri dri Yoridani ma alia. 10Coti erini efuria yia, eri ndre ’bu asi i mgboru, azini ’Orindi Alatararu esi ri i ma dria kile la’balaule; 11#E’do 22:2; Zab 2:7; Isa 42:1; Mat 3:17; 12:18; Mar 9:7; Luk 3:22o’duko enga ’bua, kini, Mi Mvi mani lele turi’i, mi ayiko fe ma dri tu.

Satanini Yesuni obezu

12 # Mat 4:1-11; Luk 4:1-13 Coti Orindi nga eri dro angu roko driaria. 13#Zab 91:13; Yoh 1:51Eri ovu roko dria ’dale o’du kali su, obezaru Satani dri; eri ovu anyapa asea ’diyi be; malaika nga azi nga eri dri.

Yesuni azi ini e’dozu

14 # Mat 4:12-17; Luk 4:14, 15 De yini Yohanani ’baria aruru ’boria, Yesu nga emu Galilia, e’yo bari Munguni oluzu kini, 15#Mat 3:2; Gal 4:4Ewu eca ’bo, suru lunguniri ovu va ogogo; emi oja emi asi, emi a’i e’yo bari’i.

Yesuni ’ba e’bi okupi Su ’diyi omvezu

16 # Mat 4:18-22; Luk 5:1-11 Erini agaria miri Galilini ma tiarisi, eri nga Simonini ndre, azini Simoni ma adripi Andarea’i, yini emba ’beria miri ma alia; te yi ovu ’ba e’bi okupi ’diyi. 17#Mat 13:47Yesu nga ’yo yi tia kini, Emi bi ma vuti, ma nga emi ’ba ovuzu ’ba ’ba okupi, ’diyiru. 18Yi nga emba yini ku coti, nga mu eri vutisi. 19Eri kai mu drile were, eri ndre Yakobo Zebedayo mvi pi adripi erini Yohana, be; yi ovu o’bo ma alia emba yini ederia. 20Eri nga yi omve coti; yi nga yi ati Zebedayoni ku o’bo alia ’ba azi ngapi oyasi ’diyi be ra, yi nga mu vutinia.

’Ba orindi onzi beri

21 # Luk 4:31-37 # Mat 4:13 Yi nga fi Kaperinaumua; sabatosi coti eri nga fi pari ’bani yi okuzuria, nga ’ba imba. 22#Mat 7:28, 29Yi nga osu tu eri ma imbatasi, a’disiku eri imba yi ’ba ’ba ayupi okposirile, te ekile karanini adrile imbalerile ku. 23’Ba azini indi, pari yini yi okuzuria, orindi onzi be eri ma alia; eri nga oyu uru coti 24#Mar 5:7; Zab 16:10kini, E’yo amani mi be ngoni ya? Mi Yesu Nazaretiari, mi di emu ama dri ja ya? Ma ni mi ra, mi ’Ba Alatararu Munguniri’i 25Yesu nga ega dri-nia, kini, Mi adri ciri, mi efu eri ma aliasi! 26#Mar 9:26Orindi onzini eri rua aseria, oyuria o’duko urusi, eri nga efu eri ma aliasi ra. 27Yi dria nga osu tu, yi nga ani e’yo zi yi agyi tia kini, ’Di a’di ya? ’Di imbata o’dini fo! Ka tro orindi onzini ti, eri nga yi ayu okposi, te yi eri e’yo erini ra. 28Ru erini nga ku wakaka coti, kpere angu Galilini ma ageiasi dria.

Yesuni Petero ma idri pi atizu ’ba azi ’diyi be kakau

29 # Mat 8:14-16; Luk 4:38-41 Yi ka fu pari ’bani yi okuzuriasi amve, yi mu perepere fi jo Simoni pini Andarea beri ma alia, Yakobo pie Yohana be. 30Simoni vile oku ma andri la rua driza be valesi; yi nga perepere e’yo erini olu tinia. 31Eri nga mu vunia, nga drini bi, nga eri enga urulesi; rua driza erini nga ati ra, eri nga azi nga yi dri.

32Ondresi, etu ka ’de ’bo, yi nga ’ba dria azo be ’diyi eji vunia, ’ba orindi onzi be ’diyi be dria. 33’Ba aku ndea ’diyi oku yi dria tualu jotilia. 34#Luk 4:41; ’Yeta 16:17, 18Eri nga ’ba rua azoru azo ndu be ’diyi ati kakau, eri nga orindi onzi ofu karakarau indi; te eri a’ini orindi onzini e’yo ’yozu ku, yini eri nilerisi,

Yesuni dri kozu acizu e’yo oluzu

35 # Luk 4:42-44 O’bitisi de angu atiza ace ambo indi, eri nga enga uru, fu amve, mu angu roko driaria, eri nga a’i Mungu tia ’dale. 36Simoni pi,mu eri ma vunia ’ba ovupi eri be ’diyi be; 37yi nga eri isu ra, nga ’yo tinia kini, ’Ba dria yi mi ndru. 38Eri ’yo yi tia kini, Ama mu angu,andinia aku azini ma alia, ma ma ’lolu e’yo ’dale indi ani; te ma efu bani e’yo ’disi. 39#Mat 4:23; 9:35Eri nga fi pari ’bani yi okuzuria angu Galilini ma alesi dria e’yo oluzu, orindi onzi odrozu indi.

Yesuni ’ba ofu beri atizu

40 # Mat 8:2-4; Luk 5:12-16 ’Ba alu ofu beri nga emu vunia matu ’bazu vunia, kumuti osizu vunia, nga ’yo tinia kini, Mi ka le ra, eco mini ma rua ’bazaru alaru. 41Asi erini nga ndri ndri, eri nga i dri eju, nga ruani elo, nga ’yo tinia kini, Ma le ra; mi rua ma ovu di ’alaru. 42Coti ofu nga eri rua ku ra, eri nga ovu alaru ani. 43#Mar 3:12; 7:36Eri nga eri azi okposi, eri nga eri ti pe coti, kini, 44#Lev 14:1-32; Lev 13:49Mi ndre onyiru mi ma ’yo e’yo ’diri ’ba azini ma tia ku fo! Te mi mu mi rua ece kuhani dri, mi ji eri vu, mi rua ’bale alaruri ma e’yosi, afa feza ndra Musani azileri, e’yo eti nzezu yi dri. 45Te eri ka fu ra, eri ’ba e’yo olu wakaka, e’yonini kuzu saaru; econi ani Yesuni fizaru aku alesi mgboru ku, te eri ovu amvesi angu roko dria. ’Ba nga efu vunia angu drisi dria ’diyisi, Amena,

Currently Selected:

Marako 1: LB66

Highlight

Copy

Compare