Mika 3
3
’Ba ’ba dri cepi Israelini ’diyi ma e’yu onzi ecezuziri
1 #
Yer 5:4, 5 Ma ’yo ra: Kirikiri emi ma eri nga, emi ’ba! Yakobo ma drilia ’diyi, emi ’ba suru Israelini ma dri cepi ’diyi la! Leni emi ma ni e’yo kililiru lizu ku ya?-
2emi onyi ngupi onzi, onzi lepi’i ’diyi, emi ’ba yi ma enyi wupi yi ma ruaa za lopi yi ma fala ruaa indi ’diyi;
3 #
Zab 14:4
yi za ’ba mani ’diyini nya indi, yi enyi yi ma ruaari wu, yi yi ma fala onyo, ada, yi yi oga nyirinyiri ekile za olile ajikoarile, ekile vini za otaka aliarile.
4 #
O’be 1:28
O’du ’dasi yi nga di wu Yehova vu, te eri ngani e’yo omvi yi tia ku; ada, eri nga i mile zi yisi 0’du ’dasi ra, ezata yini ezale ’yeta yinisi ’diyi vusi.
5 #
Isa 56:10; Mat 7:15 Yehova ’yo ’dini nabi fepi ’ba manini ezazu ’diyi ma e’yosi yi’i wupi kini, Asi anzuru ci, afani ovuria yi ma sia ciria, te ’ba ka afa ’ba yi tilia ku yi eri eto ombasi.
6 #
Eze 13:23
E’yo ’disi anguni nga ovu iniru emi dri, emi ma ndre e’yo ndreza ku beni, eri nga ovu iniciciru emi dri, emi ngani e’yo ondri ku. Etuni nga ’de nabi ma dria, angu etusiri nga ovu yi ma dria angu bizaru;
7 #
Zab 74:9; Amo 8:11 ’ba afa ndreza ndrepi ’diyi nga oyu drinzasi, ’ba e’yo ondripi ’diyi yi nga aba aba ada; yi dria nga yi ma ti obi ci, omviza Mungunini ovule yorisi.
8 #
1 Kor 2:1, 4; Isa 58:1 Te ma’iruni, ma ga tre okpo be, Orindi Yehovanisi, e’yo liza pisi ecota be indi, ma ma olu Yakobo ma tia ezata erini ma e’yo, azini Israeli tia e’yo onzi erini ma e’yo ani.
9Emi ma eri e’yo ’diri fo, emi ’ba suru Yakoboni ma drilia ’diyi, emi suru Israelini ma dri cepi ’diyi la, emi e’yo liza ngupi onzi e’yo kililiru ojapi dria onziru ’diyi.
10Yi si Zionini arisi, azini Yerusalemuni e’yo onzisi.
11 #
Isa 1:23; Eze 22:12; Hos 4:18; Mik 7:3; Yer 6:13; Tit 1:11; 1 Sam 4:5, 6; Isa 48:2 ’Ba ’ba drilia ’diyi ri e’yo li afa feza ’ba ti razurisi, azini ’ba edeta edepi ’diyi ri e’yo imba ’ba dri oyasi, nabi yi e’yo ondri silingi isuzu indi; te kiri ti yi ati yi ma ngulupi Yehova ma ruaa, ’yozu kini, Yehova ovuni di ama eselia ku ya? E’yo onzi ngani ecea ama ruaa aluni ku.
12 #
Mik 1:6; Zab 79:1; Yer 26:18 Ka’dinilerisi e’yo eminisi Zionini nga ani ovu ’yazaru ekile ’bani amvu ’yalerile ra; Yerusalemuni nga ofu o’dutiru, oni jo sizu driniari nga ovu ekile be be pari uru uru oceru’diyile.
Bible in Lugbara © United Bible Societies, 1966.