Mika 2
2
Candi ’ba ’ba alioru ’diyi inzapi ’diyi dri
1 #
Esi 3:8, 9; Isa 32:7; Zab 7:11-14; 36:4; Hos 7:6; E’do 31:29 Candi yi dri yi’i e’yo onzi egapi, ezata ezapi gbolo yini dria ’diyi! Anguni atiria o’bitisi yi nga e’yo nde ’ye ra, a’disiku okpo afa ’diri ’yezuri eri yi ma dria.
2Yi asi ’ba amvu ma dria, yi ’du yi ra; yi asi ’ba jo ma dria indi, yi opa vini yi ra; e’yo ondazu ’ba ruaa jo erini be, ada ’ba pi awurusoniri be.
3 #
Yer 8:3
E’yo ’disi Yehova ’yo ’dini: Mi ne, ma ega e’yo onzi ’yezu ori’ba ’dori ma dria, emini ngazu emi ombeleko nzezu ani kuri; emi ngani vini aci ambosi ku indi, erini ovule ewu onzirisi.
4O’du ’darisi yi nga e’yo o’beza o’be emi dria, awu wuzu awuongo candirurisi tu, ’yozu kini, Eza ama teketeke ’do yee! Eri ’ba mani ma awuruso oja; eri eri nze ma driarisi ’doni! Eri amvu amani awa ’ba mbupi ama ruaa amve ’diyi dri.
5 #
Azi 32:8, 9 E’yo ’disi mi ngani ovu ’ba be angu awazu odrisi ’bezasi ’ba ongulumuru Yehovani ma eselia ku.
6Yi olu e’yo ’dini, kini, ’Ba ma olu ku, ’ba ma olu e’yo ’diniri ku; otreta ’ba driari asini ku.
7Emi suru Yakoboni la yi nga ’yo kini, Orindi Yehovani ma okpo omvi i ra ya? ’Diyi ovu ’yeta erini ya? E’yo mani ’yole ’diyi ’yeni ’ba acipi kililiruri onyiru ku ya?
8Te o’du ’diyisi ’ba mani enga ekile ari’bale; emi bongo ’beza otru ’ba agapi geria e’yo kokoru, ’ba omba lepi ku ’diyi ma ruaarisi.
9Emi ofu oku ’ba mani ’diyini jo yini ndrizaru ’diyiasi amve; emi opa diza mani anzi yini nyiriaru ’diyi dri iriti.
10 #
Azi 12:9
Emi enga, emi mu emi gerisi, pari ’dirini ovule pari emini ava lizuriruri’i kurisi; alataraakosi emi nga dri ja ra, ada, dri jata amboru turisi.
11Agu ka aci orindi inzorosi, ka vini inzo u kini, Ma nga mini e’yo patiefi su pi ma e’yo olu ewa draza be’i, agu ’diri nga ovu nabi e’yo olupi suru ’diri driri’i!
12 #
Isa 11:11; Mik 4:6, 7; Zef 3:19 Ndi ndi ma nga mi oku, Yakobo la, emi dria, ma nga ’ba Israelini acepi: ’diyi oku ecekokoru; ma nga yi ’ba tualu kabilo Boziraa ’diyi be, kabilo o’biru iribiarile; yi nga ono tu ’ba ma o’bisi.
13’Ba afa nyopiri mu yi drilia ’bo; yi nyo pari fuzu amve ’bo, yi aga kpere kalitilea, fu amve ’dasi. Opi yiniri aga yi drilia, Yehovani yi ma drileruni.
Bible in Lugbara © United Bible Societies, 1966.