Matayo 26
26
’Ba ’ba dri cepi ’diyini e’yo otuzu Yesu ma ruaa
1 #
Mat 7:28; 11:1; 13:53; 19:1 Eri nga eca ’dini, Yesu ka e’yo ’diyi de dria ’bo,eri ’yo ’ba erini imbale ’diyi ma tia, 2#Mar 14:1, 2; Luk 22:1, 2#Efu 12:1-27; Mat 20:18Emi ni o’du iri ka aga ra, omu agaza ’ba drilesiri, nga eca, Mvi ’banini nga ovu fezaru dizu pati ruaa.
3Etu ’dasi kuhani amboru piyi ’ba ’wara ’ba drilia ’diyi be, nga yi oku tualu kuhani amboru omvele Kaifa’iri vile iriia, 4yi nga e’yo otu tualu Yesuni bizu lokirisi, eri fuzu. 5Te yi ’yo ra, Ma bi eri o’du omu nyazurisi ku, omba kazu fuzu ’ba ma eselia ku.
Odu osuzu Yesu ma ruaa Betania
6 #
Mar 14:3-9; Luk 7:36-50; Yoh 12:1-8 Yesuni ovuria Betania, Simoni ’ba ofu beri vile joa, 7#Luk 7:37-38oku azini nga eca eri vu, eri ovu lu’bu odu aje nyapi turini be, eri nga eri osu eri ma dria erini riria nyaria. 8Te ’ba erini imbale ’diyi ka ndre ra, yi ovu aokosi, kini, Eza odu ’dini a’di ’yezu ya? 9Eco te odu ’diri ozi silingi kakausi, fezu ’ba alioru dri. 10#Luk 11:7Te Yesuni e’yo niria, nga ’yo yi tia, Emi oku ’diri ecandi ’dini a’disi ya? Te eri ’ye ’yeta onyiru ma dri. 11#Azi 15:11Te ’ba alioru yi ovu emi be etuzu, te ma ’i, ma ovuni emi be etuzu ku. 12Te erini odu osuzu ma ruaari, eri ’ye eri ma ’bazu ngonde tezu ma sazu. 13Ma ’yo emi tia ada, pari dria ’bani e’yo baru ’diri oluzuria angu wudrikuru dria ma alia, e’yo oku ’dirini ’yeleri nga ovu oluzaru indi eri ma e’yo egazu.
Yudasi a’i Yesu ma o’di nyazu
14 #
Mar 14:10, 11; Luk 22:3-6 Etu ’dasi ’ba alu ’ba mudri drini iri eselia, runi Yudasi Isikariote’i, nga di mu kuhani amboru vu, 15#Zek 11:12; Yoh 11:57kini, Ma ka eri fe emi dri ra emi nga le ma dri a’di fe ya? Yi ede e’yo eri be silingi fezu kali na. 16#1 Tim 6:9, 10E’dozu o’du ’darisi eri nga etu onyiru nda eri fezu.
Yesuni omu agaza ba ’drilesirininyaru ba erini imbale, diyi beri
17 #
Mar 14:12-16; Luk 22:7-13 #
Efu 12:18-20
O’du oko mikate akufi koko runisi, ’ba erini imbale ’diyi nga emu ngoa ya? 18#Mat 21:3Eri ’yo ra, Emi mu aku amborua afa vu, emi ’yo eri tia, ’Ba ’ba Imbapiri ’yo ra, O’du mani eca ogogo; ma nga omu agaza ’ba drilesiri nya ’ba mani imbale ’diyi be mi vile joa. 19’Ba erini imbale ’diyi nga di ’ye Yesuni azile yi tiarile; yi ede omu agaza ’ba drilesiri ra.
20 #
Mar 14:17-26; Luk 22:14-23; Yoh 13:21-26 Etu ka ’de ra, eri nga ri nyazu ’ba erini imbale mudri drini iri ’diyi be; 21yini nyaria, eri ’yo ra, Ma ’yo emi tia ndi, ’ba alu emi eseliari nga ma fe ari ’ba dri. 22Yi nga ovu candisi tu aga ra, nga ’ba ’yo eri tia alu, kini, Opi, eri ma’i ya? 23#Zab 41:10Eri nga e’yo omvi kini, ’Ba dri osupi ma be oteku ma alia ’diri nga ma fe ari’ba drini. 24Te Mvi ’bani mu ra, yini sile eri ma e’yosi ’borile, te candi agu nde ’diri dri erini Mvi ’bani fele ari’ba dririsi Agu ’dari ka ndra osi ku, eri ndra eri dri ’yeke. 25Yudasi ’ba eri fepi ari’ba driri nga e’yo omvi kini, Rabi, eri ma’i ya? Eri nga ’yo eri tia, Mi ’yo ’yeke.
26 #
Mat 14:19; 1 Kor 11:23-25 Yini nyaria, Yesu nga mikate ’du, nga asi ndriza a’i drinia, nga aleni anyo, nga di fe ’ba erini imbale ’diyi dri, kini, Emi ’du, emi nya; ’dori rua mani. 27Eri nga erejea ’du, ka awa’difo fe drinia ’bo, nga eri fe yi dri, kini, Emi dria ma mvu ’di ma alia; 28#Efu 24:8; Yer 31:31-34; Zek 9:11te ’dori eri ari mani azizani, ovupi osuzaru ’ba kakausi e’yo onzi wuzuri. 29Te ma ’yo emi tia, engazu curu’do ma ngani efi zabibu ma oriru ’diri ma su mvu aluni ku, de nga o’du mani ngazu eri mvuzu o’diru emi be suru ma Atiniria ’dari ecani ku.
Yesuni e’yo Peleroni ngazu eri gazuri ecezu
30 #
Zab 113–118; Luk 22:39; Yoh 18:1 Yi ka ongo ngo ’bo yi fu mu oni Mizeituni ma dria. 31#Mar 14:27-31; Luk 22:31-34#Zek 13:7; Yoh 16:32Etu ’dasi Yesu nga di ’yo yi tia, Emi dria nga aba e’yo manisi ini ’dorisi; te e’yo ovu sizaru ’dini, Ma nga ’ba kabilo ocepiri co, kabilo o’biru nga ovu erezaru. 32#Mat 28:7, 16Te engata mani ma vutia, ma nga mu emi drilia Galilia. 33Te Petero nga e’yo omvi, ’yo eri tia, ’Ba dria ka aba e’yo minisi aba ti, ma’ini, ma ngani aba aluni ku. 34#Yoh 13:38Yesu nga ’yo eri tia, Ma ’yo emi tia ndi, ini ’dorisi de nga a’nata ’beni cere ku, ’mi nga ma ga si pale na. 35#Mat 26:56Petero Inga ’yo eri tia, Ka ovu kini ma ma dra mi be ra ti, ma econi mi gazaru laluni ku. ’Ba erini imbale ’diyi nga I’yo dria ’dinile indi.
Yesuni Mungu zizu Getesemania
36 #
Mar 14:32-42; Luk 22:40-46 Yesu nga di eca yi be pari omvele Getesemani’iria, nga ’yo ’ba erini imbale ’diyi ma tia, Emi ri ’doa, mani muria Mungu ziria ’dale. 37#Ebra 5:7Eri nga Petero pi ’du anzi Zebedayoni iri ’diyi be, nga ’ba ovu candisi azini asi otiza be tu. 38#Zab 43:5; Yoh 12:27Eri nga di ’yo yi tia, Ma asi ovu candisi aga ra, kpere drata mani vu; emi te I’doa, emi ko o’du ku, emi te ma be. 39#Yoh 18:11; Ebra 5:8Eri nga mu drile were, nga avu va Mungu ziria, kini, Ata mani, ka eco ra erejea ’diri ma ovu ’duzaru ma vurisi; te mani lelerile ku, lu mini lelerile. 40Eri nga emu ’ba lerini imbale ’diyi vu, nga yi isu o’du ikoria, nga ’yo Petero tia, ’Dini okpo emini funi dri emini tezu mile be etu alu Ina be ku ya? 41#Ebra 2:14; 4:15Emi ko odu ku, emi ovu mile be, emi zi Mungu indi, emi kazu fizu obeta ma alia ku; orindi ovu avaru ra ’bo, te rua ovu okpo kokoru. 42Eri nga mu Mungu zizu dika pale iririsi, kini, Ma Ati, ka di econi ’duzaru ku pe Ina ma mvu eri, e’yo mini leleri ma ’ye ira. 43Eri nga emu dika, nga yi isu o’du koria, yi ma mileni i ovule nzizaru o’dusirisi. 44#2 Kor 12:8Eri nga yi ku dika, nga mu Mungu zi pale narisi, nga e’yo takari ’yo dika. 45Eri nga di emu ’ba erini imbale ’diyi vu, nga ’yo yi tia, Curu’do emi ko di o’du, emi li ava; mi ndre, etu eca ogogo ’bo, Mvi ’bani ovu fezaro i ’ba ezata be ’diyi ma dria. 46#Yoh 14:31Emi enga, ama mu; mi ndre, ’ba ma fepi ari’ba driri eca ogogo.
Yudasini Yesu ma o’di nyazuri
47 #
Mar 14:43-50; Luk 22:47-53; Yoh 18:3-12 Erini nga e’yo ’yoria, mi ndre, Yudasi, ’ba mudri drini iri ’diyi ma azi alu, nga eca ’ba ongulumuru kakau be, yi ma dria sei piyi kali pie, yi enga kuhani amboru piyi vu ’ba ’wara ’ba drilia ’diyi be. 48’Ba eri fepiri fe yi dri eceta, kini, ’Ba mani ’o’boloni ndruleri eri bani eri’i; emi bi eri ci. 49Eri nga eca Yesu vu coti, nga ’yo ra, Mi zi mi ci, Rabi! Eri nga eri ma o’bolo ndru avasi. 50Yesu nga ’yo eri tia, Ma agyi, mi ’ye e’yo mini emuzuri. Yi nga di emu ani dri o’ba Yesu ruaa, nga eri bi ra. 51Mi ndre, ’ba ovupi Yesu be ’diyi ma azi alu nga i dri eju, nga sei ini nze, nga ati’bo kuhani amboruni ga, nga bini li va. 52#E’do 9:6; Eceza 13:10Yesu nga ’yo eri tia, Mi omvi sei mini i paria; te ’ba dria sei ’dupiri nga dri ja seisi ra. 53#Yoe 3:11Kani mi egani kini ma econi ma Ati zizaru ma etozu, erini ngazu curu’’do ma dri malaika ma ongulumu legioniru mudri drini iri ’diyi fezu, kani aga ’diyi ra ku ya? 54Te ka ’dini ku, e’yo siza ’yopi kini ma oyu ’yezaru ’dini ’diyi nga eca ’yeke ngoni ya? 55#Luk 19:47; 21:37Etu ’dasi Yesu nga ’yo ’ba ongulumuru ma tia, Emi efu ma bizu ekile emini efule ’ba afa opapiri ma ruaa, sei pisi kali berile ya? Ma adri ndra ri etuzu hekalua ’ba imbazu, te emi bini ma ku. 56#Mat 26:31Te e’yo ’diri ’ye i dria ’bo, e’yo nabini sile ’diyi ma eca ’yeke beni. ’Ba erini imbale ’diyi dria nga eri ku ra, nga apa ra.
Yesuni ’ba e’yo amapi ’diyi ma drilia
57 #
Mar 14:53-72; Luk 22:54-71; Yoh 18:12-27 ’Ba Yesuni bipi ’diyi nga eri eji Kaifa kuhani amboruri vu, pari ’ba waraga sipi ’diyi pini yi okuzu ’ba ’wara be ’boria. 58Te Petero nga eri vuti bi ziri, cazu kpere kuhani amboru ma iriia, eri nga fi alenia, nga ri va ’ba azi ’yepi ’diyi be, e’yo asizuri ndrezu. 59Kuhani amboru ’diyi pi ’ba e’yo amapi ’diyi be dria nga e’yo eti nzeza inzoru nda Yesu ruaa, yi ma fu eri beni, 60te yi isuni ku, ka tro ’ba e’yo eti inzoru nzepi ’diyi emu kakau ti. Te vilerisi ’ba iri nga emu, 61#Yoh 2:19-21nga ’yo ra kini, Agu ’diri ’yo ra, Ma eco hekalu Munguni anzuzaru ra, eri sizu dika o’du na. 62Kuhani amboru riga pa so uru, nga ’yo eri tia, Mi omvini, e’ya aluni ku ya? E’yo ’ba ’diyini asu suzu mi ruaari ngoni ya? 63#Mat 27:12Te Yesu ovu ciri. Kuhani amboru nga di ’yo eri tia, Ma fe mi dri oyo so Mungu idriru ma rusi mi olu ama ria, kani mi Kristo Mungu Mvi’i ada ya? 64#Dan 7:13; Zab 110:1; Mat 16:27; 24:30Yesu nga ’yo eri tia, Mi ’yo ’yeke. Te ma yo mi tia, engazu curu’do emi nga Mvi ’bani ndre rizu Okpo ma dri ndiria, erini emuria iriti ’bua ’diyi ma alia. 65#Lev 24:16; Mat 9:3; Yoh 10:33Kuhani amboru nga afa suza ini asi, kini, Eri o’da Mungu ’boo Ama ’ba e’yo eti nzepi ’diyi le dika a’disi ya? Mi ndre curu’do, emi eri o’datani ’bo 66#Yoh 19:7Emi ega ngoni ya? Yi nga e’yo omvi kini, Fu dri drazu ra. 67#Isa 50:6Yi nga di e’do cucu wu milenia, nga eri osi; ’ba azini nga eri osa yi dri agelesi, 68kini, Mi ondri e’yo ama tia, mi Kristo! A’di gba mini ya?
Peteroni Yesuni gazu
69Peteroni riria jo ma ri idria amve, zamva alu nga emu eri vu, kini, Mi ovuni ndra Yesu Galiliari be ku ya? 70Te ’ba ’diyi ma milia dria eri ga si, kini, Ma nini e’yo mini ’yoleri ku. 71Te erini firia ecazu jotilia, zamva azini nga eri ndre ra, nga ’yo ’ba ’daa ’diyi ma tia, kini, Agu ’diri ovu ndra Yesu ’ba Nazaretini be. 72Eri nga ga dika oyo soza be, kini, Ma nini agu ’diri ku. 73Etu were ma vutia, ’ba pa sopi ’daa ’diyi nga emu ’yo Petero ma tia, Mi indi, mi ’ba yini ada, te ti ’yoza minini mi ecelerisi. 74Eri nga di ’ba i otrizu oyo soza be, kini, Ma nini agu ’diri aluani ku. Coti a’nata nga cere ’be. 75#Mat 26:34Petero nga di e’yo ndra Yesuni 5 ’yoleri ega, kini, De nga a’nata ’beni cere ku mi nga ma ga si pale na. Eri fu amve, nga wu mindresi tu.
Currently Selected:
Matayo 26: LB66
Highlight
Share
Copy
Want to have your highlights saved across all your devices? Sign up or sign in
Bible in Lugbara © United Bible Societies, 1966.