'Ba Levini 9

Aronini edeta edezuri

1 # Lev 14:10, 23; Eze 43:27 Eri nga eca ’dini, o’du arorisi Musa nga Aroni pi omve anzipi pie, ’ba ’wara Israelini ’diyi be; 2#Efu 29:1; Lev 4:3; 8:14, 18eri ’yo Aroni tia kini, Mi ’du kojamva agoaru edeta e’yo onzi edezuriru, azini kabiloago edeta vezariru, yi ma ovu nyebile kokoru, mi fe yi edetaru Yehova ma drilia. 3#Lev 4:23; 10:19; Ezr 6:17; Isa 53:10; Rum 8:3; 1 Pet 2:24Mi ma ’yo anzi Israelini ’diyi ma tia kini, Emi ’du ndriago edeta e’yo onzi edezuriru; emi o’du vini kojamva pi kabilomva be, yi iri tro ovupi eli be alu alu ’diyi, nyebile kokoru, edeta vezariru; 4#Lev 2:4; Efu 29:43emi o’du vini monio pi kabiloago be edeta asi anzuruniru, edezu Yehova ma drilia; emi ’du vini edeta edele anyafurasi osale odusiri; a’disiku andru Yehovani nga i e’da emi milia ra. 5Yi nga di ani afa Musani azile ’diyi eji hema ti ecizaniri ma drilia; te ’ba ongulumuru ’diyi dria nga esi ogogo, pa sozu Yehova ma drilia. 6#Efu 24:16; 40:34, 35; 1 Opi 8:10-12Musa nga di ’yo kini, E’yo Yehovani ndra azile emi ma ’yeri eri ’di; diza Yehovanini nga i e’da emi ma milia ra. 7#Ebra 5:1, 3; 7:27; 9:7; 1 Sam 3:14; Lev 4:16, 20Musa nga di ’yo Aroni ma tia kini, Mi esi pari edeta edezuri vu ogogo, mi ede edeta mini e’yo onzi edezuri pi, edeta mini vezaruri be, e’yo onzi mi ngulupi pini edezu, ’ba nde ’diyiniri be; mi fe vini edeta ’ba nde ’diyini, mi ede ani e’yo onzi yini; ekile Yehovani azilerile. 8’Dini Aroni nga di esi pari edeta edezuri vu ogogo, nga kojamva edeta e’yo onzi edezurini li, ovupi eri ngulupi ma e’yosiri’i. 9#Lev 8:15; 4:7Aroni anzipi nga arini fe eri dri, eri nga ani i ma drileju su ari nde ma alia, nga eri o’ba pari edeta edezuri ma o’yu ma dria, nga di ari nderi osu pari edeta ’edezuri ma ndua; 10#Lev 8:16; 4:8te eri eve edeta e’yo onzi edezuri ma oso pi pari edeta edezuri ma dria, orofi pie, aridria’bure ogu ruaari pie, ekile Yehovani azile Musa tiarile. 11#Lev 4:10, 11; 8:17Eri eve zani pi acisi enyiriko be pari ’bani hema asozuri ma tia amve.

12Eri nga edeta vezaruri li;Aroni anzipi nga di arini fe, eri nga eri oya pari edeta edezuri ma dria i ageiniasi kuru. 13Yi nga edeta vezaruri fe eri dri, yini eri opile eselesi eselesi ’borile, drini be; eri nga yi eve pari edeta edezuri ma dria. 14Eri nga fini pi oji yisi pani pie, nga yi eve acisi edeta veza pari edeta edezuri ma driari ma dria. 15#Isa 53:10; Yoh 1:29; 1 Kor 15:3; 2 Kor 5:21; Efe 5:2; Gal 1:4; Ebra 1:3; 2:17; 1 Pet 2:24; 3:18; 1 Yoh 2:2; 4:10; Eceza 1:5Vutinia eri fe edeta ’ba ongulumuruni, eri nga ndri edeta e’yo onzi edezu ovupi ’ba nde ’diyi driri bi, nga eri fu, nga eri fe edetaru e’yo i onzi ma e’yosi, ekile okorile. 16Eri nga di edeta vezaruri fe, nga eri ede ’ekile azitani ’yolerile. 17#Efu 29:38Eri nga vini edeta edele anyafurasiri fe, nga ndi i driega aluria tre, nga eri eve pari edeta edezuri ma dria, edeta vezaru o’bitisiri ma aziru.

18 # Lev 3:1-11 Eri oli vini monio pi kabiloago be, edeta asi anzuruni ovupi ’ba nde, ’diyi driri; Aroni anzipi nga di arini fe, eri nga eri oya pari edeta edezuri ma dria ageiniasi kuru, 19fe vini monio pi ma oso kabiloagoni be, sobi osoruri pi, oso raururi pie, orofi pie, aridria’bure ogu ruaari pie; 20yi nga osoni ’ba agati ma dria, nga di osoni eve pari edeta edezuri ma dria, 21#Efu 29:24te Aroni nga di agati pi oya o’du ,dri ndiari be edeta oyale oyariru Yehova ma drilia; ekile Musani azilerile.

22 # Kal 6:22-26; Azi 21:5; Luk 24:50 Aroni nga di i ma dri eju ’ba ongulumuru ’diyi vu, nga asi ndriza fe yi dri; eri nga esi va erini edeta e’yo onzi edezuri pi fezu ’boria, edeta vezaruri pie, edeta asi anzuruni ’diyi i be. 23#2 Sam 6:18; 2 Sur 6:3; 1 Sur 16:2; Kal 16:19Musa pi nga fi hema ti ecizaniri ma alia Aroni be; yi nga efu ra, nga asi ndriza fe ’ba ongulumuru ’diyi dri, te diza Yehovani nga i e’da ’ba ongulumuru ma milia dria. 24#E’do 4:4; 15:17; 2 Sur 7:1; Efu 29:18; 1 Opi 18:39; Ezr 3:11Te aci nga efu Yehova ma driliasi, nga edeta vezaruri pi ve oso be pari edeta edezuri ma dria; ’ba dria ka eri ndre ra, yi otre uru, nga yi eco o’bukuru va.

Currently Selected:

'Ba Levini 9: LB66

Highlight

Copy

Compare