'Ba Levini 24
24
Tala ma ta mbazuri
1Yehova ’yo Musa tia kini, 2#Efu 27:20; 39:37; Kal 8:2-4Mi fe azita anzi Israelini ’diyi dri, yi ma eji mizeitu odu ’bani dile diri diza ma e’yosi, talani dizu ani ’dani ’dani beni. 3Aroni ma ede eri ’dani engazu ondresi cazu o’bitisi Yehova ma drilia, bongo jo ale alizu e’yo eti nzezaniri ma kala amveleruria, hema ti ecizaniri ma alia; eri ma ovu azitaru emi dri ’dani ’dani a’bianzi emi vusi dria. 4#Efu 31:8; 37:17-24Eri ma ede tala ’diyi, talapati edele mele alarurisiri ma dria, Yehova ma drilia ’dani ’dani.
Mikate ecetaruri
5 #
Efu 25:30; 40:24 Mi ma ’du anyafura inikiniru, ma ede erisi mikate olizaru mudri drini iri; anyafura afazu abakaru ma alia esele mudri ma azi iri ’diyi ma ovu mikate oliza nde ma alia alu alu. 6#1 Opi 7:48; 2 Sur 4:19; Ebra 9:2Mi ma oti yi dri sozaru iri, dri soza alu alu ma alia mikate azia azia, ma o’ba yi mesa alaruri ma dria Yehova ma drilia. 7Mi ma ’ba obiese alaru dri soza alu alu ’diyi ma dria, eri ma ovu ani mikate nde be e’yo rile egale egariru, edeta edele acisiri Yehova dri. 8#Kal 4:7; 1 Sur 9:32; 2 Sur 2:4O’du sabatoni vusi dria Aroni ma oti eri kilili Yehova drilia ’dani; eri ovu azita ’dani ’daniri anzi Israelini ’diyi dri. 9#Mat 12:4; Mar 2:26; Luk 6:4; 1 Sam 21:6; Efu 29:33; Lev 8:3; 21:22Eri ma ovu Aroni pi ma afaru anzipi be, yi ma nya eri pari alatararuri ma alia, a’disiku eri ovu edeta vele acisi Yehova dri ’diyi ma eselia afa alatararu tu agapi rari’i, azita azile ’dani ’danirisi.
Panga ’ba Mungu o’dapirini
10Oku azini Israeliniri ma mvi, atini ’ba Misirini, eri fu aci anzi Israelini ’diyi ma eselia; oku Israelini ma mvi nderi ofu yi ’ba Israelini be pari ’bani hema asozuria, 11#Yob 1:5; 2:5, 9; Isa 8:21; Efu 18:22te oku Israelini ma mvi nderi o’da Runi, otri ra. Yi eji eri Musa vu. Andri erini ma ru Selomiti, Debiri zi, suruti Danini. 12#Kal 15:34; Efu 18:15, 16Ombe eri ’bazu ani arujoa, yi ma nga ani e’yo efupi Yehova ma tiliari eri raka beni. 13Yehova nga di ’yo Musa tia kini, 14#Azi 17:7Mi eji ’ba atria otripi nderi pari ’bani hema asozuri ma tia amve; mi fe ’ba dria e’yo erini ’yoleri eripi ’diyi ma ’ba yi dri eri ma dri olu’bua, mi fe ’ba ongulumuru dria ma o’be eri onisi. 15#Lev 5:1; 9:13Mi ’yo anzi Israelini ’diyi ma tia kini, ’Ba azini ka Mungu ini otri, ’ba nderi nga i e’yo onzi ini ’du i’i. 16#1 Opi 21:10; Zab 74:10, 18; Mat 12:31; Mar 3:28; Yak 2:7’Ba Yehova ma ru o’dapiri, ma fu ’ba nderi ecekokoru; ’ba ongulumuru ’diyi dria ma o’be eri onisi ecekokoru; ’ba ru Yehovani o’dapiri, ka ovu ani’boni, kani kari’bani ti, ma fu eri ra. 17#Efu 21:12; E’do 9:6; Kal 35:31; Azi 19:11; Mat 26:52; Eceza 13:10Ma fu vini ’ba ’ba fupi kairi ecekokoru. 18’Ba anyapa fupi kairi ma ofe ariotini, idri pi ma fu dri idri be. 19#Efu 21:24; Azi 19:21; Mat 5:38; 7:2’Ba azini ka i agyi ruaa ebi ’ba, ma ’ye agu nde ekile emi ’yele i agyi vurile, 20#Efu 21:23-25; Azi 19:21; Mat 5:38fala pi ma fu dri fala be, milefi pi milefi be, si pi si be, ma fu eri ekile erini ebi ’bale ’ba azini ma ruaarile. 21#Efu 21:33’Ba anyapa fupiri ma ofe ariotini; ’ba ’ba ’dipiri, ma fu eri kai. 22#Kal 15:16; Efu 12:49; Lev 19:34; Azi 10:17, 19Emi ma ovu azita be alu ani’bo pi dri kari’ba be trotro; a’disiku ma Yehova Mungu eminiri’i. 23#Azi 13:9; 17:7Te Musa nga ’yo anzi Israelini ’diyi ma tia; yi nga ’ba otripiri ji pari ’bani hema asozuri ma tia amve, nga eri o’be onisi. Anzi Israelini ’diyi ’ye di ekile Yehovani azile Musa tiarile.
Currently Selected:
'Ba Levini 24: LB66
Highlight
Copy
Compare
Share
Want to have your highlights saved across all your devices? Sign up or sign in
Bible in Lugbara © United Bible Societies, 1966.
