'Ba Levini 23

Omu pele pe ’diyi

1Yehova ’yo Musa tia kini, 2#Efu 32:5; Kal 10:2, 3, 10; 2 Sur 30:5; Yoe 1:14; 2 Opi 10:20; Zab 81:3Mi ’yo anzi Israelini ’diyi ma tia, mi kini, Omu opele Yehovani, emini ngale ekule ovuzu okuza alatararu ’diyiru, omu opele mani ’diyi yi ’di. 3#Efu 20:8-10; 23:12; 31:15; 34:21; 35:2; Azi 5:12-14; Luk 13:14; Neh 13:22; Isa 56:2; 58:13; Eze 20:12Emi ma nga azi o’du azia; te o’du aziriri sabato ava liza inzitarurini, okuza alatararuri’i; emi ma nga azi aluni ku; eri ovu sabato Yehova driri’i pari emini ovuzu ’diyi ma alia dria.

4 # Efu 23:14 Omu opele Yehovani, ada okuza alatararu, emini ngale ekule ewu yini vusi ’diyi yi ’di. 5#Efu 12:1-13; Azi 16:1-2; Kal 28:16; Yos 5:10Mba okori ma mbao’du mudri drini suri ma ondresi eri omu agaza ’ba drilesi Yehovaniri’i. 6#Efu 12:14-20; 23:15; 34:18; Azi 16:3-8Mba nderi ma o’du mudri drini towisi eri omu mikate akufi kokoruri nyazu Yehova driri’i; emi nga mikate akufi kokoruri nya o’du aziri, 7#Efu 12:16; Kal 28:18; Azi 16:1O’du alurisi emi ma ’ba okuza alatararuri; emi ma nga azi okporuri aluni ku. 8Emi ma ede edeta acisi Yehova dri o’du aziri; o’du aziririsi okuza alatararuri’i; emi ma nga azi okporuri aluni ku.

9Yehova ’yo Musa ria kini, 10#Efu 23:16; Kal 15:2, 18; Azi 16:9; Yos 3:15; O’be 3:9; Rum 11:16; 1 Kor 15:20; Yak 1:18; Eceza 14:4Mi ’yo anzi Israelini ’diyi ma tia, mi kini, Emi ka nga fi angu mani fele emi driri ma alia ’boria, ka nga afa kapi aleniari lo ra, emi ma eji anya kaza nderi ma anyadri okori ma ombeza alu kuhani dri; 11#Efu 29:24; Lev 9:21; 10:14te eri ma oya anya ombeza nderi Yehova ma drilia, eri ma ovu ani a’izaru emisi beni; kuhanini nga eri oya sabato ma vutia drusi ’dini. 12Emi ma ede kabiloago eli be alu nyebile kokoruri edeta vezaru Yehova dririru, o’du nde emini anya ombeza oyazurusi. 13Azini edeta edele anyafurasi fele eri beri ma ovu anyafura inikiniru afazu abakaru ma alia esele mudri ’diyi ma azi iri osale odu be, edeta edele acisi Yehova dri ovuzu aji arikariruriru; edeta mvule mvu fele eri beri ma ovu patiefi su o’bile otekua ma esele su ma azi aluri. 14De nga o’du nde ’diri ecani ku emi ma nya mikate ku, kani anya osizaru kani aroru dria ku, cazu emini edeta Mungu eminirini ejiria ’boria: eri azita ’dani ’daniri a’bianzi emini vusi pari emini adrizu ’diyi ma alia dria.

15 # Efu 23:16; 34:22; Azi 16:9-12; Lev 25:8 Emi ma la emi dri o’du engazu sabato ma o’du dru ’dinirisi, engazu o’du nde emini anya ombezaru ejizu edeta oyale oyarirurisi; ma ovu sabato pi pi aziri, 16#’Yeta 2:1o’du kali towi lazu cazu sabato aziriri ma o’du drurisi; o’du dru ’dinirisi emi ma ede di edeta anyafurasi Yehova dri edele anya o’dirusiri’i. 17#Efu 23:16; 22:29; Kal 15:17-19; Azi 26:1, 2Emi ma eji jo emini ma aliasi mikate iri oyale oyariru edele anyafura abaka ma alia esele mudri ma azi irisi ’diyi edele anyafura inikinisi, ozozaru akufi be, ovuzu anyadri okoriru Yehova dri. 18Emi ma ofe mikate nderi be tualu kabiloanzi aziri, dria eli be alu nyebile kokoru ’diyi pi, ti aludu alu pie, kabiloago iri ’diyi pie, ovuzu edeta vezariru Yehova dri, edeta edele anyafurasi yiniri be, edeta mvule mvu yini ’diyi be indi, ada edeta edele acisiri, aji arikariru Yehova dri. 19#Lev 4:23, 28; Kal 28:30Emi ma fe ndriago alu edeta e’yo onzi edezuriru, azini kabiloago iri eli be alu alu ’diyi, edeta asi anzuruni ’diyiru. 20#Kal 18:12; Lev 7:31-34; Azi 18:4Kuhani ma oya yi mikate anyadri okoriniri be, edeta oyale oyariru Yehova ma drilia, kabiloanzi iri nde diyi be; yi ma ovu alatararu Yehova vu kuhani nde ma afaru. 21Emi ma eku e’yo o’du nderisi; emi ma ’ba okuza alatararuri; emi ma nga azi okporuri ku: eri ovu azita ’dani ’daniri a’bianzi emini vusi pari emini adrizu ’diyi ma alia dria. 22#Lev 19:9-10; Azi 24:19-22; Efu 23:11; Azi 15:1-18; Yob 20:19; Zab 112:9; O’be 14:31; Isa 58:7, 8; Yak 2:1; Rut 2:15, 16Emi ka afa kapi angu eminiari lo ra, emi ma lo teketeke kpere amvu ma kalatia ku, emi ma nda anya vile emini anya lozu ’bori ma vutia vini ku indi; emi ma ku yi alio piyi dri ani’ba be: ma Yehova Mungu eminiri’i.

23Yehova nga ’yo Musa tia kini, 24#Kal 10:10; 29:1; Lev 25:9Mi ’yo anzi Israelini ’diyi ma tia kini, Mba aziriri ma mbao’du alu, eri emi dri ava liza inzitaruri’i, o’du rile egale ega guka vuza be, okuza alatararuri’i. 25Emi ma nga azi okporuri aluni ku; emi ma ede edeta edele acisiri Yehova dri indio

26 # Lev 16:29-34 Yehova nga ’yo Musa tia kini, 27#Efu 30:10; Lev 16:30; Kal 29:7; Isa 58:3, 5; Dan 10:3, 12Mba aziri ’diri ma mbao’du mudri eri o’du e’yo onzi edezuri’i, eri ma ovu emi dri okuza alatararuri’i, emi ma ecandi emi ngulupi ma asi, ma ede vini edeta edele acisiri Yehova dri, 28Emi ma nga azi aluani o’du ’dirisi ku; a’disiku eri o’du e’yo onzi edezu, e’yo onzi emini edezu Yehova Mungu eminiri ma driliari’i. 29#E’do 17:14; Lev 13:46; Kal 5:2; 2 Sur 26:21; 2 Tes 3:6’Ba dria alu alu i asi ecandipi o’du ’dirisi kuri, yi nga ’ba nderi ma dri ja o’dipi ma eseliarisi ra. 30’Ba dria alu alu azi ngapi o’du ’dirisiri, ma nga ’ba nderi ma dri ja o’dipi ma eseliasi ra. 31Emi ma nga azi aluani ku: eri ovu azita ’dani ’daniri a’bianzi emini vusi pari emini adrizu ’diyi ma alia dria. 32Eri ma ovu emi dri sabato ava liza inzitaruriniri, emi ma ecandi emi ngulupi ma asi; engazu mba ma o’du oromi ma ondresi emi ma mba sabato eminiri ma ta, engazu ondre ’disi cazu ondre aziniri ma tia. 33#Azi 16:13-15Yehova nga ’yo Musa tia kini, 34#Efu 23:16; 34:22; Kal 29:12; Azi 16:13; Ezr 3:4; Neh 8:14; Zek 14:16; Yoh 7:2; Ebra 11:9Mi ’yo anzi Israelini ’diyi ma tia kini, Mba aziri ’dori ma o’du mudri drini towirisi eri omu nyale ’borokoa Yehova dri o’du pi pi aziri. 35o’du alurisi okuza alatararuri ci; emi ma nga azi okporuri aluni ku. 36#Kal 29:35; 2 Sur 7:8, 9; Neh 8:18; Yoh 7:37Emi ma fe edeta edele acisi ’diyi Yehova dri o’du aziri; o’du arorisi emi ma ’ba okuza alatararuri, ma ede vini edeta edele acisiri Yehova dri; eri okuza inzitaruri’i; emi ma nga azi okporuri aluani ku. 37’Diyi ovu omu opele Yehova dri emini ngale ekule okuza alatararu i ’diyiru, emini ngazu ani edeta edele acisi ’diyi pi fezu Yehova dri edeta vezaru ’diyi pie, edeta edele anyafurasi ’diyi pie, edeta aziniri pie, edeta mvule mvu ’diyi pie, yi dria alu alu o’du yini vusi; 38’diyi dria ovu sabato Yehovani ’diyi pi ma dria ereniru feta emini ’diyi pie, oyo soza emini ’diyi pie, afa feza fele ceni ’diyi pie dria, emini fele Yehova dri ’diyi.

39 # Efu 23:16; Azi 16:13; Mat 21:8 Emini efi kapi anguari okuria ’boria, mba aziri ma o’du mudri drini towirisi, emi nga omu Yehovaniri ma ta mba o’du aziri; o’du alurisi ava liza inzitaruri ci, o’du arorisi ava liza inzitaruri vini ci indio 40#Neh 8:15; Azi 16:14; Isa 35:10; 66:10; Rum 5:11O’du alurisi emi ma o’du pati onyiru ’diyi ma efi, ndende ma arakala pie, pati bi be tre ’diyi ma arakala pie, pati gbiru yi tia ’diyi pie; emi ma ’ba ayiko Yehova Mungu eminiri ma drilia o’du aziri. 41Emi ma mba eri ma ta Yehova dri omuru o’du aziri eli vusi eli vusi; eri ovu azita ’dani ’dani a’bianzi emini vusiri’i; emi ma mba eri ma ta mba aziririsi. 42Emi ma ovu ’boroko ma alia o’du aziri; ’ba otile Israeli ma oriru ’diyi dria ma ovu ’boroko ma alia, 43#Azi 31:13; Zab 78:5, 6a’bianzi emini ma ni ani kini, ma fe ndra anzi Israelini ’diyini ovuzu ’boroko ma alia, mani ndra yi of uri a ejiria angu Misiriarisi: ma Yehova Mungu eminiri’i. 44Musa ece di omu opele Yehova dri ’diyi ma e’yo anzi Israelini dri ra.

Currently Selected:

'Ba Levini 23: LB66

Highlight

Copy

Compare