'Ba Levini 20

E’yo lile ali o’baza e’yosi ’diyi

1Yehova ’yo Musa ma tia kini, 2#2 Opi 17:17; 23:10; 2 Sur 33:6Mi ’yo vini anzi Israelini ma tia kini, ’Ba dria alu alu anzi Israelini ma eselia, kani ani’ba ovupi Israeli ma eselia ’diyi ma eselia, mva ini ma azi fepi Moleki driri, yi nga ’ba nderi fu ecekokoru; ’ba angu ndea ’diyi nga eri o’be onisi. 3#Eze 5:11; 23:38, 39; Kal 19:20Ma ma ngulupini nga vini ma mile ’ba agu nderi vu ombaru, nga eri dri ja o’dipi eseliasi, a’disiku erini i ma mva ma azi fele Moleki dri ’bo, pari alatararu maniri ezazu, ma ru alata-raniri ezazu indirisi. 4Te’ba angu ndea ’diyi ka yi mile oja agu ndesi kalaa, erini i ma mva ma azi feria Moleki driria, ka awi eri fu ku, 5#Efu 20:5; Lev 17:7ka’dini ma nga ma mile’ba ombaru agu nde pi vu ori’ba erini pie ma’i, ma nga eri dri ja o’dipi eseliasi, eri’i, ’ba dria vutini bipi ali o’bapi Moleki be ’diyi be.

6 # Lev 19:31; 2 Opi 23:24 ’Ba i ojapi ’ba ojouru adrou ma o’duko ozipi ’diyi pi vu, ’ba ojouru diyi be, ali o’bazu yi ma vutiari, ma nga ma mile ’ba ’ba nderi vu ombaru ma’i, nga eri dri ja o’dipi eseliasi ra. 7#Efu 22:31; Mat 5:48; Efe 1:4; Kol 3:12; 1 Tes 5:23; 1 Pet 1:16E’yo ’disi emi pe ani emi ngulupi ndu alaru, emi ma ovu alatararu; a’disiku ma Yehova Mungu eminiri’i. 8#Efu 31:13; Eze 37:28Emi mba azita mani ’diyi ma ta, emi ’ye yi; ma Yehova emi ’bapi alatararuri’i. 9#Efu 21:17; Mat 15:4; Mar 7:10; Azi 27:16; O’be 20:20; 2 Sam 1:16; 1 Opi 2:32’Ba dria alu alu i ma ati pi otripi andri beri, ma fu eri ecekokoru; erini i ati pi otrile andri be ’borisi, ari erini nga ovu eri ma ngulupi ma dria. 10#Efu 20:14; Lev 18:20; Azi 5:18; 22:22; Yer 29:23; Yoh 8:4, 5; 1 Kor 6:9; Ebra 13:4Te ’ba ali ’bapi ’ba azini ma okusiri, ada ’ba ali ’bapi ’ba i ma jo ejeleari okusiri, ma ofu ’ba ali ’bapi nderi pi oku ali ’bapi nderi be iri tro ra adaru. 11#Lev 18:8; Azi 22:30; 27:20, 23’Ba lapi i ati vile okusiri otru rua pililiru i ati vileri ’bo; ma ofu yi iri tro ra adaru, ari yini nga ovu yi ma dria. 12#Lev 18:15’Ba lapi i ziasiri, ma ofu yi iri tro ecekokoru; eri e’yo etiza onzikanyaruri’i, ari yini nga ovu yi ma dria. 13#Lev 18:22; E’do 19:5; Rum 1:25, 32Agupi ka la agupi i agyisi ekile lale okusirile, yi iri tro ’ye e’yo ngule onziri ’bo; ma ofu yi ra adaru, ari yini nga ovu yi ma dria. 14#Lev 18:17; Azi 27:23Agupi ka oku pi ’du andri be iri tro, eri ovu e’yo onzi; ma eve yi acisi, agu nderi pi oku ’diyi be, ’dini e’yo onzi ma ovu emi eselia aluni ku beni. 15#Efu 22:19; Lev 18:23; Azi 27:21Agupi ka la anyapasi, ma fu eri ecekokoru; emi ma fu vini anyapa nderi indio 16Oku ka mu anyapa azini vu, fezu lazu isi, emi ma ofu oku nderi pi anyapa nderi be iri tro; ma ofu yi ecekokoru, ari yini nga ovu yi ma dria.

17 # Lev 18:9; Azi 27:22; E’do 20:12 Agupi ka i amvipi ’du, kani ata ma mvani, kani ayiamvani, rua pililiru erini ndre, azini oku nde ka eri rua pililiruri ndre indi, eri e’yo drinzaruni; ma ja yi dri o’dipi ma milia; eri otru amvipi ini ma rua pililiru ’bo, eri nga e’yo onzi ini ’du i’i. 18#Lev 18:19; 15:24’Ba ka la oku be de erini ovuria a’bi azo be, ka eri rua otru pililiru, eri fe ari raza eriniri e’da pililiru, azini oku nderi otru ari raza ini pililiru ’bo indi; ma ja yi dri’iri tro o’dipi eseliasi. 19#Lev 18:12-14Mi ma otru mi andri ma amvi ma rua pililiru ku, kani mi ati ma amvini ku indi; te eri otru i ori’ba ma rua pililiru ’bo; yi ma ’du e’yo onzi yini yi’i. 20’Ba ka la i ati ma adri ma okusi, eri otru rua pililiru i ati ma adri vileri ’bo; yi nga e’yo onzi yini ’du yi’i, yi ma odra anzi kokoru. 21#Lev 18:16’Ba ka i adripi ma oku ’du, ’diri e’yo onzini alatara kokoru; eri otru rua pililiru i adripi vileri ’bo, yi nga ovu anzi kokoru.

22 # Lev 18:26; 19:37 E’yo ’disi emi ma mba azita mani ’diyi ma ta dria, e’yo liza mani ’diyi be dria, emi ma ’ye yi; angu mani emi ejizu ovuzu aleniari kazu emi ogbezu ku. 23#Azi 9:5Emi ma aci ekile suru mani ’bele amve emi driliarini adrile ’yelerile ku; a’disiku yi ’ye ndra e’yo ’diyi dria, ma ngu yi onzi ani. 24#Efu 3:17; 6:8; 19:5; 33:16; Azi 7:6; 14:2; 1 Opi 8:53; Zab 135:4; 1 Pet 2:9Te ma ’yo emi tia ’bo, kini, Emi nga angu yini nya awurusoru, te ma nga eri fe emi dri ovuzu eminiru, eri angu lesu pini razu alenia anyu beri’i. Ma Yehova Mungu emini, emi esele copi suru azini ’diyi be nduri’i. 25#Lev 11:47; Azi 14:4E’yo ’disi emi ma co anyapa alaru piyi ma esele anyapa alatara koko ’diyi be, ma co vini aria alatara kokoru piyi ma esele aria alaru be; emi ma fe emi orindini cazu afa ngule onziruriru anyapa ma e’yosi, kani ariasi, kani afa acipi aci valesi nyakua ’diyi ma azisi ku, adani afa mani esele cole emi be ndu ovuzu alatara kokoru ’diyi ma alunisi ku. 26#Lev 19:2; Zab 99:5; Isa 6:3; 30:11; 1 Pet 1:16; Eceza 3:7; 4:8; Tit 2:14Emi ma ovu alatararu ma dri, a’disiku ma’i Yehova ma alatararu, ma co emi esele ndu suru ’diyi be emi ma ovu ani mani. 27#Efu 22:18; Azi 18:10; 1 Sam 28:7Ba azini, kani agupini kani okuni, ka ovu ojou adrou ma o’duko zipiriru, kani ojouru, ma ofu yi ra; ma o’be yi onisi, ari yini nga ovu yi ma dria.

Currently Selected:

'Ba Levini 20: LB66

Highlight

Copy

Compare