'Ba Levini 14

1Yehova nga di ’yo Musa tia kini, 2#Mat 8:2, 4; Mar 1:40, 44; Luk 5:12, 14; 17:14; Yer 15:19; Eze 44:23’Ba ofu beri ma azita, o’du yini eri ’bazu alarurisiri eri ’di. Ma eji eri kuhani vu; 3kuhani ma fu pari ’bani hema asozuriasi amve, te kuhani ma ndre ra, te mi ne, azo ofuni ka ati ra ’ba ofu beri ma ruaa, 4#Kal 19:6; Ebra 9:19; Efu 12:22; Kal 19:18; Zab 51:7kuhani ma azi aria alaru iri idriru ’diyi pi o’duzu ’ba yini ngale ’bale alaruri dri, mario pati ma bidrile pie, baka ekaruri pie, edikobi pie; 5kuhani ma azi aria ’diyi ma azi alu lizu imvu sile odrisiri ma alia, yi ara ma dria. 6Eri nga aria idriruri pi o’du, mario pati ma bidrile pie, baka ekaruri pie, edikobi pie, nga yi osu aria idriruri be, aria yini lile yi ara ma driari ma ari ma alia; 7#Eze 36:25; Ebra 9:13; 10:22; Lev 8:11; 2 Opi 5:10, 14eri nga arini oya pale aziri ’ba yini ngale ’bale alaru ofu ma e’yosiri ma ruaa; eri nga di ’yo eri alaru, nga aria idriruri tru ku sazu asea. 8#Lev 13:6; 11:25; Kal 5:2, 3; 12:14, 15; 2 Sur 26:20, 21’Ba yini ngale ’bale alaruri ma oji bongo ini, ma fa dribi ini dria, ma oji i rua yisi, eri nga ovu ani alaru; di ma vutia eri ma eli pari ’bani hema asozuria, te eri ma fi hema ini ma alia ku, ma ovu amve o’du aziri. 9O’du aziririsi eri ma fa dribi ini i ma driari pi dria, tibi ini pie, mileogu ini be, ada biko i ma ruaari dria. Eri ma oji di bongo ini, ma oji i ma rua yisi, eri nga ovu ani alaru. 10#Mat 8:4; Mar 1:44; Luk 5:14; Lev 2:1; Kal 15:4O’du arorisi eri ma o’dukabiloanzi agoru nyebile kokoru ’diyi iri, kabilo aroniru nyebile kokoru alu eli be aluri pie, anyafura inikiniru afazu abakaru alu ma esele na mudriniri osale odusi ovuzu edeta edele anyafurasiriruri pie, odu okelea alu ma aliari pie. 11Te kuhani eri ’bapi alaruri ma ’ba agu erini ngale ’bale alaruri tualu afa ’diyi be Yehova ma drilia hema ti ecizaniri ma tilia. 12#Lev 5:2-6; 6:6, 7; Efu 29:24Kuhani ma ’du kabilomva alu, ma ede eri edeta ezata edezuriru odu nde okelea aliari be, ma oya yi Yehova drilia edeta oyale oyariru; 13#Isa 53:7; Yoh 1:29; 1 Pet 1:19; Eceza 5:6; Efu 29:11; Lev 1:5, 22; 7:7; 2:3; 7:6eri ma li kabilomva nderi pari yini adrizu edeta e’yo onzi edezuri pi olizu edeta vezaruri beria, pari alatararuri ma alia; a’disiku edeta ezata edezurini ovu kuhani ma afaru trotro ekile edeta e’yo onzi edezurilerisi; eri ovu alatararu tu. 14#Efe 1:7; Kol 1:14; Ebra 9:9-14; Eceza 12:11; Efu 29:20; Lev 8:23; Rum 12:1; 2 Kor 7:1Kuhani ma ebe edeta ezata edezuri ma ari ma azi, ma ’ba eri ’ba yini ngale ’bale alaruri ma bidrile dri ndiaria, azini eri ma driago dri ndiari ma dria, eri ma paago dri ndiari ma dria indio 15Kuhani ma ’du odu okelea aliari ma azi, ma osu eri i ma dri agele dri ejiaria, 16ma su i drileju dri ndiari odu ovupi i ma dri agele dri ejiariari ma alia, ma oya odu nderi ma azi i drilejusi Yehova ma drilia pale aziri. 17#Rum 6:13-22; 12:1; 1 Kor 6:20Kuhani ma ’ba odu acepi i ma dri agele dri ejiari ma aliari ma aziniri ’ba yini ngale ’bale alararuri ma bidrile dri ndiaria, azini eri ma driago dri ndiari ma dria, eri ma paago dri ndiari ma dria indi, ari teka edeta ezata edezurini ma dria; 18#Lev 4:26; Kal 15:28; Dan 9:24; Rum 3:23-25; 5:11; 2 Kor 5:18, 19; Efe 2:12-22; Kol 1:19-22; Ebra 2:17; 9:9-14; 1 Yoh 1:7; 4:10kuhani ma ’ba odu ma joloko acepi i ma dri ageliari ’ba yini ngale ’bale alaruri ma dria. Kuhani nga di e’yo onzi erini ede Yehova ma drilia ani. 19Kuhani ma ede edeta e’yo onzi edezuri, ’ba yini ngale ’bale alaruri ma e’yo onzi edezu e’yo ’onzi erinisi. Vutinia eri ma nga edeta vezaruri li ndo; 20kuhani ma ede edeta vezaruri pi pari edeta edezuri ma dria, edeta edele anyafurasiri be. Kuhani ma ede e’yo onzi erini, eri nga ovu ani alaru beni.

21 # Lev 5:7; 12:8; Yob 34:19; O’be 17:5; 22:2; Mat 11:30; Luk 6:20; 1 Yoh 5:3 Te ’ba nde ka ovu alioni, alio ka eri oga afa fe ko ’dipini, ka’dini eri ma ’du kabilomva alu edeta ezata edezu oyale oyariru, e’yo onzi erini edezu, ma ’du vini anyafura inikiniru afazu abakaru esele alu mudriniri osale odusi ovuzu edeta edele anyafurasiriruri pie, odu okelea alu ma aliari pie; 22#Lev 12:8; 15:14, 15; Luk 2:24azini vinila’balau angarakaru iri, kani a’balau o’buru ma anzi iri, ekile erini ecole isulerile; aluri ma ovu edeta e’yo onzi edezuriru, aziniri edeta vezaruriru. 23O’du arorisi eri ma eji yi kuhani vu, i ’bazu alaru, hema ti ecizaniri ma tilia Yehova ma drilia; 24kuhani ma ’du kabilomva edeta ezata edezurini pi odu okelea ma aliari be, kuhani ma oya yi edeta oyale oyariru Yehova ma drilia. 25#1 Tes 5:23; 1 Yoh 1:7; Eceza 1:5; 7:14Eri ma li kabilomva edeta ezata edezurini; kuhani ma ebe ari nderi ma azi, ma ’ba eri ’ba yini ngale ’bale alaruri ma bidrile dri ndiaria, azini eri ma driago dri ndiari ma dria, eri ma paago dri ndiari ma dria indio 26Kuhani ma osu odu nderi ma azi i ma dri agele dri ejiaria; 27ma oya odu ovupi i ma dri agele dri ejiari ma aliari ma aziniri i drileju dri ndiarisi pale aziri Yehova ma drilia; 28#1 Kor 6:11kuhani ma ’ba odu ovupi i ma dri ageliari ma aziniri ’ba yini ngale ’bale alaruri ma bidrile dri ndiaria, azini eri ma driago dri ndiari ma dria, eri ma paago dri ndiari ma dria indi, pari teka yini ari edeta ezata edezurini ’bazuria; 29kuhani ma ’ba odu ma joloko acepi i ma dri ageliari ’ba yini ngale ’bale alaruri ma dria, e’yo onzi erini edezu Yehova ma drilia. 30#Lev 15:15; Rum 8:3Eri ma ede a’balau angarakaru kani a’balau o’buru ma anzi ekile erini ecole isulerile, 31aluri edeta e’yo onzi edezuriru, aziniri edeta vezaruriru, ada ekile erini ecole isulerile, edeta edele anyafura siri be tualu; kuhani ma ede ’ba yini ngale ’bale alaruri ma e’yo onzi Yehova ma drilia. 32’Diri azita ’ba ovupi dra ofuni be i ruaa, ecopi afa i ’bazu alaru ’diyi isupi kuri ma e’yosiri’i.

33Yehova ’yo Musa pi ma tia Aroni be kini, 34#E’do 17:8; Kal 32:22; Azi 7:1; 19:1; 32:39; Isa 45:7; Amo 3:6; Mik 6:9Emi ka nga fi angu Kanani mani fele emi dri i ovuzu angu eminiruri ma alia ’bo, ma ka nga dra ofuni ’ba jo azini ovupi angu emini ma aliari ma alia, 35#Zab 91:10; O’be 3:33; Zek 5:4ka’dini jo e’i ma emu e’yo ece kuhani dri, ’yozu kini i ma milia ekile dra ovu jo ma ruaa indile. 36#Kal 19:18; Zab 51:7; Isa 52:11; 1 Kor 5:6, 7; 15:33; 2 Kor 6:17; 2 Tes 3:6; 1 Tim 5:22; Eceza 18:4Kuhani nga di azi afa dria joa ’diyi ofuzu amve, de nga kuhani fini dra nderi ndrezu ku, afa dria jo alia ’diyi kazu ovuzu alatara kokoru ku; vutinia kuhani ma fi di jo ale ndrezu ndo. 37Eri ma ndre dra nderi; dra nde ka ovu jo abi ma ruaa ci, ka e’da osizaru guruguru iribiru kani ekaru were, azini ’eri ka e’da ’ba ma milia ekile eri fi abi alia guru, 38ka’dini kuhani nga fu joasi amve jotilia, tini opizu kuzu ci o’du aziri. 39Kuhani ma nga di emu dika o’du aziririsi, ndrezu; te mi ne, dra nderi ka i ere jo abi ma ruaa ’bo, 40#Yer 15:19; Eze 22:26; 44:23ka’dini kuhani ma azi oni ovupi dra nderi be yi ma ruaa ’diyi onzezu, yi o’bezu pari okurunyaru aperitiaria amve; 41azini eri ma fe yini jo ale fazu kalaniasi dria, te yi ma da odri yini faleri pari okurunyaru aperitiaria amve; 42te yi ma o’du oni azini, yi osuzu teka ’diyi ma paria, eri ma ’du vini odri azini,ma e’bura jo nderi.

43Te azo nde ka emudika, ka efu jo nderi ma ruaa, erini oni onzezu, odri fazu, jo e’burazuri pieri ma vutia, 44#Lev 13:51; Zek 5:4ka’dini kuhani ma fi di ndre; te dra nderi ka i ere jo alia ra, eri ofu i erepi ere jo nderi ma ruaari’i; eri alatara kokoru. 45Eri ma asu jo nderi va, onini pie, patini pie, odri jo abi ruaari pie dria; ma oji yi pari okurunyaru aperitiaria amve, 46#Lev 17:15; 22:6; Kal 19:7-10, 21, 22; 1 Kor 15:33Azini vini ’ba fipi jo nde ma alia, de opi eri ’bori, nga ovu alatara kokoru cazu kpere ondresi; 47’ba lapi jo ndeari ma oji i ma bongo ra; azini ’ba nyaka nyapi jo nde ma aliari ma oji vini i ma bongo indio 48#Azi 32:39; Yob 5:18; Hos 6:1; Mar 5:29; Luk 7:21Te kuhani ka nga fi, ka ndre ra, te mi ne, dra nderi ereni i jo ma ruaa yini jo e’burazu ’bori ma vutia ku, ka’dini kuhani nga di ’yo jo nderi ovu alaru, a’disiku dra nde ati ’bo. 49Eri ma o’du aria iri pi, mario pati ma bidrile pie, baka ekaruri pie, edikobi pie, jo nderi ’bazu alaru, 50ma li aria ’diyi ma azi alu imvu sile odrisiri ma alia, yi ara ma dria, 51#1 Opi 4:33; Zab 51:7ma o’du mario pati ma bidrile pi, edikobi pie, baka ekaruri pie, aria kule mile beri pie, ma osu yi aria lileri ma ari ma alia, nga yi osu vini yi ara ma alia, oyazu jo ruaa paleko aziri. 52Eri ma ’ba ani jo nderi alaru aria ma ari pisi, yi ara pie, aria mile beri pie, mario pati ma bidrile pie, edikobi pie, baka ekaruri pie; 53eri ma tru aria mile beri, ma ku eri ma sa akuarisi asea; eri ma ede jo nderi ma onzi ’dini, eri ma ovu ani alaru beni. 54#Lev 13:30’Diri azita dra ofuru dria ’diyiniri: azo otipi otiri pi, 55#Lev 13:47ofu bongo ruaari pie, joari pie, 56#Lev 13:2apipi pie, bileofa pie, pari i alipi ali e’dapi dizaruri pie, 57#Efu 15:26; Azi 4:6; 24:8; Zab 78:5; 119:96; O’be 6:23; Eze 44:23ecezu kani eri alatara kokoru, kani eri alaru. ’Diri azita dra ofunisiri’i.

Currently Selected:

'Ba Levini 14: LB66

Highlight

Copy

Compare