Yosua 9

’Ba Gibeonini ’diyini ’ba icizuri

1 # Kal 34:6; E’do 15:18, 21; Efu 3:17; 23:23; Azi 7:1 Opi ovupi Yoridani tia ’aa’dasi, angu oni driari pia angu senderuri pie, miri amboru Lebanoni ma drilialeruri ma tiari pie ’diyi, ’ba Hitini pie, ’ba Amorini pie, ’ba Kananini pie, ’ba Perizini pie, ’ba Hivini pie, ’ba Yebusini pie dria ka e’yo ’diyi eri ra, 2#1 Sur 20:1; Zab 2:1, 2; 83:3, 5; O’be 11:21; Isa 8:9-12; Yoe 3:9-12; ’Yeta 4:26-28yi nga yi ti oku tualu omba ’bazu Yosua vu ’ba Israelini be asi alusi.

3 # Yos 10:2; 2 Sam 21:1, 2; Yos 6:27 Te ’ba Gibeonia ’diyi ka e’yo Yosuani ’yele Yeriko pi vu Ai beri eri ra, 4#Yob 32:19; Mat 9:17; Luk 5:37, 38yi nga e’yo ’ye lokirisi, yi mu yi ojazu ekile yi ojionile, yi nga jurua deza o’du akanya yini ma dria, yi enyiriko patiefi su osuzu ’diyi o’du irikoru yi osipi ra yini mileni ecile eci ’diyi, 5paa yi nga enyiriko deza osu’i ecizaru indi, ruaa yi bongo iriko ’diyi osu’i; enya yini muzu yi be aciari ’wi dria a’buzaru. 6#Yos 5:10Vilerisi yi nga dri ko mu Yosua vu, pari yini hema asozu Giligaliaria, yi nga ’yo eri tia ’ba Israelini be, Ama enga angu ziria; e’yo ’disi emi azi di aziza ama be fo. 7#Efu 23:32; 34:12; Azi 7:2; Yos 11:19; Lip 2:2’Ba Israelini omvi e’yo ’ba Hivini ’diyi ma tia kini, Kani emi adri ovu ama eselia ’doa yani ’dele ’di; ka’dinile ama nga eco aziza azi emi be ngoni ngoni ya? 8#Azi 20:11; 2 Opi 10:5Yi ’yo Yosua tia, Ama’i ama ati’ba mini. Yosua nga yi zi, Emi a’dikoni ya? Emi enga ngoa ya? 9#Azi 20:15; Efu 15:14; Yos 2:10Yi nga ’yo eri tia, Ati’ba mini yi enga angu ziria tu, ama emu amani Yehova Mungu mini ma ru erilerisi; amani e’yo kuzani pi erile, e’yo dria erini ’yele angu Misiria ’diyi pie indirisi, 10#Kal 21:21-35amani e’yo dria erini ’yele opi Amorini iri ndra ovupi Yoridani tia ’aa’dasi ’daa ’diyi vuri erilerisi, yi Sihoni opi Hesiboniari pi Ogi opi Basani Asitarotiari be. 11Ka’dinile ’ba ’wara amani ’ba ama vile angua ’diyi be dria yi nga ’yo ama tia kini, Emi ma ’du nyaka emini gerini ’diyi emi dria, emi ma mu dri fu yi be, emi ’yo yi tia, Ama’i ama ati’ba emini; emi ma azi di e’yo aziza ama be fo! 12Enya amani ’diri, ama o’du ndra aci be ama vile joarisi, ovuzu nyaka amani aciniriru, o’du amani aci e’dozu emuzu emi vu ’darisi; curu’do emi lu, ’wi ra, a’bu ’bo! 13Enyiriko patiefi suni ’diyi amani patiefi su osuria yi ma alia tre ’diyi, yi ndra vini o’diru, te emi lu, yi curu’do asizaru asizaru. Bongo amani ’diyi indi de ra, enyiriko amani paa ’diyi be, gerini ovule re turi dri. 14#Kal 27:21; Lip 1:1; 1 Sam 22:10; 23:10, 11; 30:8; 2 Sam 2:1; 5:19; Isa 30:1, 2Ani ’ba Israelini ’du nyaka yini ma azi o’bi ra, awini e’yo zi Yehova tia ku. 15#2 Sam 21:2Vilerisi Yosua nga e’yo asi anzuruni ede yi be, aziza azizu yi ta mbazu idriru; ’ba ’wara ’ba ongulumuru ma drilia ’diyi so oyo yisi tro tro ’dini.

16Te eri nga eca ’dini o’du nani agaria yini aziza aziria yi be ’boria, yi eri kini de ’di ’ba ’diyi yi ’ba ovupi va yi ma jo ejelea, ’ba yi ngulupini ’a’azu yi ma eselia’diyi. 17#Yos 18:25; Ezr 2:25Te anzi Israelini aci ra, yi eca aku yini ambo ambo ’diyia o’du ma ma vutia. Isu de aku ambo ambo yini ’diyi yi ’di: Gibeoni, pi: Kefira pi, Beeroti pi, Kiriati-yearimu pie. 18#Zab 15:4Te anzi Israelini funi yi ku, a’disiku ’ba ’wara ’ba ongulumuru ma drilia ’diyi so ndra oyo yisi Yehova Mungu Israeliniri ma rusi ’bo. Te ’ba ongulumuru dria yi one ’ba ’wara ’diyi ma dria. 19Te ’ba ’wara ’diyi dria ’yo ’ba ongulumuru dria tia, Ama so oyo yisi Yehova Mungu Israeliniri ma rusi ’bo; ka’dinile ama ma elo yi ma ruaa ku. 20#2 Sam 21:1; Eze 17:13-18; Zek 5:3, 4; Mal 3:5Ama nga e’yo ’diri ’ye yi dri; ama nga ku yi ma ovu, adra kazu ’dezu ama dria ku, a’disiku oyo amani sole yisiri ma e’yosi. 21#Azi 29:11’Ba ’wara ’yo yi tia kini, Emi ku yi ma jovu idriru; te yi ma ovu ’ba eja osipi, ’ba yi okopi ’ba ongulumuru dria dri ’diyiru; ’ba ’warani azile yi ma tiarile. 22Yosua nga di yi omve ’yo yi tia kini, Emi ici ama lokirisi ’dini a’disi ya, kini, Ama emi be ziri tu; de ’di emi ama eselia? 23#E’do 9:25Ka’dini emi ovu di trizaru, emi ma azi aluani ngani ece ovuzu ati’boru, kani eja osizu, kani yi ekozu Mungu mani ma joa ku. 24#Efu 23:32; Kal 33:51-56; Azi 7:1, 2; 20:15-17; Efu 15:14Te yi omvi e’yo Yosua tia, ’yo ra, A’disiku yi olu ama tia ndi ndi e’yo Yehova Mungu minini e’yo azizu Musa ati’bo erini ma tia angu fezu dria emi dri, ’ba alenia ’diyi dri jazu dria emi miliarisiri ra; e’yo ’disi ama ovu urisi tu emisi idri amani ma e’yosi, ama ’ye ani e’yo ’diyi ’dini ani. 25#E’do 16:6Te di, mi lu, ama ovu mi dria: erini e’dale onyiru azini ’yeke mi milia ’yezu ama vurile, mi ’ye. 26Ani, ’ye yi vu ’dini, opa yi anzi Israelini a driarisi ra, kini ma oli yi ku. 27#Azi 12:5; 1 Opi 8:29; 9:7; 2 Sur 7:12, 20; Zab 78:68O’du ’dasi Yosua nga di yi o’ba eja osizu azini yi ekozu ’ba ongulumuru dri azini pari edeta edezu Yehovaniria, ecazu kpere andru, pari erini ngale peleria.

Currently Selected:

Yosua 9: LB66

Highlight

Copy

Compare